Landareak zaintzeko garai bakoitzean zer lan egin behar den eta nola, xehe azaltzen du gida-liburu honetan Errekondok. Antton Olariagaren iruditegiak jantzia dago. 2019an gure denbora plazerez eta ganoraz antolatzeko tresna da aldi berean liburu eta aldi berean agenda den hau.

XX. mendeko 40 eta 50eko hamarraldietako ziklismoak epikatik kiroletik baino gehiago zuen. Txirrindulariek pertsonaia mitologikoak ziruditen. Tubularrak lepoari lotuta etapa amaigabeak osatzen zituzten, eguraldi txarra egiten zuenean lokatzezko gurutzebideak zeharkatu behar izaten zituzten eta ur potoa bide bazterreko iturrietan bete behar izaten zuten egarriz zeudenean. Testuinguru horretan, Fausto Coppi beste guztien gainetik nabarmendu zen, bereziki bere ihesaldi harrigarriekin. Bere garaipenek, baina baita bere bizitza pertsonalak eta zorigaiztoko amaierak, txapeldun handia izatetik mito izatera eraman zuten Castellaniako campionissimoa.

Asisko Frantzisko deritzan biografia hau jatorriz euskaraz eta hitz lauz idatzi den lehenengoa da, eta azken mendeko ikerlan ugariren berri ematen du.
Asisko Frantzisko (1181-1226) sinesmenetik mundura (ekologia), gizartera (lana, eskea, predikua), unibertsaltasunera (Islamaren bila) senidetasun sozial berdindura (“utopia” ebanjeliotarra) dei egin zuen, eta milaka lagun inguratu zitzaizkion erabateko “alternatiba” hura sustatzeko. Arrakasta eta porrota ezagutu zituen, poza (Anaia Eguzkiari kantika) eta sufrikarioa (gaixotasun kronikoak), herritarren iseka eta ondra (Asisen eta sorterrian), bakardadea eta arrakasta soziala… Guztiaren berri emanez, euskal irakurle arruntari begira dator batez ere liburua, eta jakite berrietarako bidea eskaintzen du puntuz puntu (bibliografia), irakurleak halakorik nahi badu ikasten jarraitu edo ezagutzak osa ditzan.
«Euskal irakurle arruntari kultur informazio eguneratua emateko idatzi da liburua, asko baita azken mende-erdian ikertu eta argitu dena» (Joseba Intxausti)

En su undécimo trabajo, Maiora amplía su zona de estudio centrada hasta ahora en Tafalla y Valdorba. El escritor artajonés recopila vocablos antiguos “muy sugerentes” y en muchos casos desconocidos.

Klaudia eta Dani arduratuta daude, Blai, haien katua, desagertu egin baita. Etxean sartu zutenetik hankaz gora jarri zuen familia osoaren bizitza. Orain, katuarekin bizi izandako momentu zoriontsuak gogoratzen ari dira Klaudia eta Dani, eta beldur dira ez ote zuten bahituko. Baina ez batak eta ez besteak ez daki zer gertatu den benetan; hori Blaik berak bakarrik daki

"Nire bizi esperientzian oinarritutako olerki desberdinen bilduma da Bizipenen olerki bilduma. Olerki hauek egunerokotasunean edonori gertatutako bizipenen isla bihur daitezke.

Amodioa, tristura, familia, hezkuntza, gizartea, herria... Emozio desberdinen aztarna. Momentuko sentimendu desberdinen isla, horretan datza liburuxka hau.

Hizkuntza erraza, edonork irakurri eta uler dezakeena, hau izanik nire helburu zuzenena". 

Ttotte Etxebestek poesiaren suzko bideak hautatu ditu bere kar, haserre, gogoeta, bizi suminduaren azaltzeko. Hitzen gordintasun bizian ihardukitzen duen mundu bat agertzen digu.

Pintura hauetan, Dasnoy-k erabateko abstrakzioa lortu du, eta ikuslea ideia, musika eta sentipenen bidai batean barneratzen du sortutako poema piktoriko eta musika erritmoei esker. Honela, erakusketak Horacio filosofoari erreferentzia eginez, poesia hitz egiten duen pintura dela eta pintura mutua den poesia dela dikotomia filosofikoa erakusten du.

Itsasontziaren kroskoan arreta ematen zuten letra batzuk zeuden idatzita. Oso izen arraroa zen, hitz ezezagun bat. Ez zekien nola ahoskatzen zen. Winnipeg jartzen zuen eta itsasontziaren izena zen.

—Ikusi duzu, Miranda?—esan zuen Teresak—. Txilera eramango gaituen itsasontziaren izena Winnipeg da. Gustatzen zaizu?

Mirandak buruarekin baietz esan zuen eta itxaropenez irribarre egin zuen.

Maria Garrastazu hamasei urteko gazte bat da, neska eder eta argia, 1920ko hamarkada aldean Zestoako bainuetxean lan egiten duena. Monsieur Perrin deritzan bezero batek, dandya izatez eta ispilu marka bateko saltzailea ogibidez, berarekin lan egitea proposatuko dio, eta, gurasoak Aizarnako baserrian utzita, bere bizitzako lehen bidaiari ekingo dio, lehenik Biarritzera eta gero Parisera eramango duena. Dotoreziaz eta xalotasunez kontatzen digu Joxean Agirrek istorio hau, Belle Époque-ko edertasun eta xarma eta gaztaro galduaren ukitu nostalgikoa batzen dituena.