Nouveaux livres - Liburutegia

21/02/2023 | 216

Gorbeiako istorioen bila : gure mendi magikoko hamalau igoera

Liburu honetan aurkezten diren 14 ibilbideekin menhirrak, ur-jauzi ezkutuak, leizeak, gailur ahaztuak eta baso sorginduak bisitatuko ditugu. Gorbeiak ezkutatzen dituen istorio horiek ezagutuko ditugu.

21/02/2023 | 253

Bichta Éder

"Gaur" kazetan ari da Eñaut Oihenart, urtetan Euskal Herritik urrun ibil ondotik, fisikoki nahiz gogotik. Xalbat Barnetxe laborari eta militante zailduak ohartarazi du, isilpean, euskak kostako jauregi abandonatu batean badela asmo ezkuturen bat, eta Eñaut ikertzen hasiko da zer ote den eraikitzaile-promotoreak eta tokiko agintariak lotzen dituen negozio ilun hori.

21/02/2023 | 168

Aritmetika Lehen Hezkuntzako irakasleentzat

Liburu honetan haurraren zentzumen numerikoaren garapena azaltzen da, besoetako umea denetik Lehen Hezkuntzaren edo lehen mailaren amaierara arte. Zenbaki arruntaren eraikuntza eta zenbaki arrunten aritmetika zenbait ikuspuntutatik aztertzen da, besteak beste, antropologikoa, historikoa, kognitiboa eta matematikoa. Horrela, testu honen bidez, euren hasierako trebakuntzan dauden irakaslegaiek zenbaki arruntaren ikuspegi osoa landuko dute, eta ikuspegi hori baliagarria izango zaie irakasle-lanbidean. Atalez atal, zenbaki arruntaren eraikuntza, zenbaketa-teknikak, zenbakikuntza-sistemak, oinarrizko lau eragiteka aritmetikoak eta zatigarritasuna lantzen dira, eta amaitzeko, aurkeztu egiten dira zenbaki arrunten propietateak frogatzeko teknika matematikoak.

21/02/2023 | 175

Donostia eta bertako gremioak

Donostia eta bertako gremioak hiriko eraikinak birgaitzen eta kudeatzen aritzen diren gizon-emakumeei eskainitako omenaldi bat da; hots, arotzei, elektrikariei, eta abar. Liburuak keinutxo bat egiten die etxebizitzak mantendu, garbitu eta dekoratzeko produktuak saltzen dituzten dendei ere. Duela ehun urte edo gehiago eraikitako etxeek hainbat gremioren samurtasuna behar dute instalazioak eguneratzeko, erosotasuna bermatzeko eta dirdai egiteko. Gure hiriko heroi diskretuek eta artistek dute hemen hitza. "Pinotea honek ehun urte ditu. Orain, berrituta, beste ehun bete baietz!". Fernando Adajas, zoru-leuntzailea.

21/02/2023 | 236

Behien apokalipsia!

Hirikaskar izeneko nire hirian heldu guztiak zonbi bihurtu dira, baina ez dira zonbi garun-jaleak, filmetan bezala. Zonbi hauek behiak dira. Kaleetan marru eginez dabiltza, lerdea bota eta bota.

20/02/2023 | 204

Egunero behar genuen

Honako hau Egunero-ren kronika da, larrialdiko egunkari baten bizialdi laburraren kronika, alegia. Izan ere, Egunero 2003ko otsailaren 21ean sortu- Euskaldunon Egunkaria indarraren indarrez itxi eta hurrengo egunean bertan- eta urte hartako ekainaren 20an argitaratu zen azkenengo aldiz -Berria plazaratu bezperan-. Beraz, zubi bat izan zen, euskarazko egunkari bat kioskoetan etenik gabe egotea ahalbidetu zuena

15/02/2023 | 196

Gerra : 1521eko Nafarroako indarkeria eta gatazkak bizitzea : erakusketa, Nafarroako Errege Artxibo Nagusia, ekaina-abendua, 2021

1521eko ekainaren 30ean gertatutako Noaingo batailaren V. Mendeurrena ospatu genuen 2021ean. Gure historiaren funtsezko gertaera horren amaiera erabakigarria izan zen Nafarroako erresumarentzat. Noain eta Ezkirotz herrien arteko bataila-eremua, orduko bi armada boteretsuenek sortutako nazioarteko oihartzunen aurkako borroka izan zen. Bertako armadetan nafar borrokalariak sartu ziren, batzuk Asparrosko jauna buru zuten Frantzisko I.aren eta Henrike Albreten armada frantsesari laguntzen, eta beste batzuk Gaztelako armadari, Karlos V.aren gobernadoreek, kondestableak eta almiranteak gidatuta.

15/02/2023 | 325

Euskal Herriko horma biziak

Horma, mural bihurtuta, jada ez da objektu bizigabea, inboluntarioa, haren gerizpean gertatzen zenaren arrazoirik eta errurik gabea. Irudi eta koloreen bidez eraldatu eta gertakarien kronikalari edo aldarrikari bihurtu da, historian protagonismoa hartuz. Gure kasuan, Euskal Herriko historia garaikidearena. Eta zehazkiago, jasandako zapalkuntza eta errepresioaren aurrean herriak agertutako erresistentzia eta borrokatik eratorritako gertakariena. Muralaren filosofiak paretak anonimoak eta mutuak izateari utzi eta asalduraren eta askatasun oihuen subjektu bilakatzea lortu du. Zenbaitetan, abusuak eta bidegabekeriak salatzeko diana akusatzaileak dira. Beste batzuetan, erregimen menderatzaileek urratzen dituzten eskubideak aldarrikatzeko leiho irekiak. Esan liteke auzo, herri zein hiri-aldirietako erakusleihoak direla eta bertako beira-arasetan geure burua behatu eta gure nahi eta errealitateen zatiak islatuta ikus ditzakegula. Euskal Memoriak, euskal herriaren memoria historikoa berreskuratzeko helburuarekin bat, era anonimoan, bakarka zein taldean, muralaren adierazpen grafikoa borroka kultural, sozial eta politikoan “kausadun errebeldiarako” tresna gisa sustatu duten horiek omendu nahi izan ditu liburu honen bitartez. Irakurleak bere eskuetan duen lana horma-irudiari eskainitako lau hamarkada baino gehiagoren emaitza da. Euskal Herriko horma biziak lanaren egileak 4.000 horma-irudi baino gehiagoren argazkiak atera ditu garai horretan. Liburuki honetan adierazgarrienak jasotzen dira, guztiak ezin izango baitziren argitaratu. Beraz, ez da ikerketa akademiko bat, inurri lana baizik. Egilearentzat, une historiko bakoitzeko herri-sentimenduaren adierazpen zuzenak dira muralak. Aurrekaririk gabeko bilketa-lana egin du, eta, emaitza ikusita, ahaleginak merezi izan du.

15/02/2023 | 243

Euskal pedagogoa lokatzetan : Joxe Mari Auzmendi, Hik Hasiren arima, A-tik Z-ra

«Joxe Mari Auzmendiren hezkuntza balioak» jasotzen ditu liburuak: «Joxe Mari Auzmendi pedagogoa, herrigilea eta euskaltzalea A-tik Z-ra definitzeko ahalegina da liburu hau; haren lana eta bizitza, baina batik bat bere baloreak, jasotzen ditu».

15/02/2023 | 190

Morlans denboran zehar

Morlans denboran zehar / Morlans a través del tiempo liburuak Donostiaren historiari lotuta dagoen Morlans auzoaren historia hobeto ezagutzen lagundu nahi du. Gaskoien iritsiera, gerra gertakarien zenbait ezaugarri, baina, batez ere, auzoko bizimodua aldatu zuten hiru mugarri jasotzen ditu: lehen aldiz ura ekartzea Morlanseko iturburuetatik Donostiara, Donostiako Udalaren Gas Fabrika berria instalatzea, eta orduko Ferrocarriles Vascongados konpainiak (gaurko Eusko Trenbideak) Bilbo eta Donostia lotzea bide estuko trenbideaz. Liburua hainbat plano eta garaiko argazkiekin osatzen da, edukia ulergarriagoa eta erakargarriagoa eginez.

Nouveaux livres - Liburutegia

Novedades