Desagertutako Donostia

Esku artean daukazun liburua ez da soilik Donostiako harresiak 1863an eraitsi zituztenetik 1936an hiria kolpisten esku erori arteko bilakaera irudikatzen duen irudi-bilduma huts bat.

Aitzitik, orrialde hauetan kontu handiz hautatutako argazkiak topatuko dituzu, hiriaren ikusmolde ahalik eta osatuena berreraikitzeko aukera emango dizuna. Bidaia bat egitera animatzen zaitugu, beraz, hein batean desagertu den arren gogoan eduki behar dugun Donostia horretan ibiltzera, hura gogora ekartzera eta biziberritzera.