Lanbroaren malkoa

Poema hauetan puri-purian azaltzen da natura, elementu-forma hartzen duelarik zu edo niak, baina oraingo honetan badaude barrura, oso barrura, begiratzen dutenak, lanbroaren malkoan sentimenduek leku handia dutelarik. Lanbroaren malkoak isurtzen dira errekaren arranguran.

Eguzki-izpiek
zabaltzen diote
goizari miraria,
gauari lapurtuz
ametsaren loa.

Egun-albak bataiatzen du
gauaren malenkonia
musu bat ipiniz
ezpain jostagarrietan.