ikasbil.eus: Osatuz Aldizkaria

30000 résultats

Affichage des résultats 1 - 10 parmi 30 000.

Dokuteka_Nabarmena

16 Aout 2022

Zer jakingo duzue epela baino ezagutu ez duzuenok?

Hamar istorio independente biltzen dira Iñaki Irasizabal idazle durangarraren ipuin-bilduma honetan. Ipuin bakoitzean tarte latzak eta samurrak daude eta istorio hurbilak eta errealistak dira. Batez ere giza harremanak lantzen dira, baita familia-harremanak ere, eta protagonista nagusiak gizartean ondo integratzen ez diren pertsonak dira, xelebre, bizarro, moldatu ezin direnak edo problematikotzat hartu izan ditugunak.
Dokuteka_Nabarmena

16 Aout 2022

Bretxa

1813an Donostian gertatutako sarraskiaren kontaketa egiten du Martinez de Lezearen eleberriak, Maritxu Altuna txokolategiaren ahotik. Bost urteko okupazioaren ondoren, Josef Bonapartek gerra galdu eta frantses gudarostea erretiratzen ari den unean kokatzen da istorio hau. Donostiarrek ilusioz espero dituzte aliatuak, baina beldur dira frantsesek haiei aurre eginez gero zer gertatuko den. Hirian geldituko diren ala alde egingo duten erabaki beharko dute. Maritxu Altuna txokolategile alargunak gelditzea erabakiko du, beste hainbatek bezala, bere negozioa aurrera atera nahi du-eta.
Dokuteka_Nabarmena

12 Aout 2022

Ekaitza eta beste 34 ipuin

35 ipuin daude bilduta Kate Chopin estatubatuar idazlearen liburu honetan. Estatu Batuetako hegoaldean kokatzen dira gehienak eta liburuko azken ipuina, "Ekaitza", aukeratu dute izenburura eramateko. Mississippi ibaiaren ertzean bizi izan zen Chopin hainbat urtez, eta Natchitoches inguruko kotoi-soroetako gertakariak islatu zituen bere kontakizun gehienetan. Nabarmentzen dira bere garaiko emakumeak, txiroak, natiboak eta esklabo izandako beltzak. Eta jasotzen ditu, baita ere, haien borondate eta desirak. Halere, Paris inguruko konbentu bateko mojak ere protagonista dira ipuin batean eta New Orleansen kokatzen dira beste istorioetako batzuk.
Dokuteka_Nabarmena

12 Aout 2022

Dublindarrak

Joyceren lehen maisu-lana da Dublindarrak. Hamabost ipuinez osatutako ipuin-bilduma da, batasuna duena. Kontakizunek XX. mende hasierako Dublin hiria deskribatzen dute, baita erdi mailako irlandar gizartea ere. Irlandar nazionalismoa puri-purian zegoen garaian idatzi zen liburua, une garrantzitsua Irlanda herrialdearentzat.
Dokuteka_Nabarmena

11 Aout 2022

Itzalen distira

Narrazio-bilduma bat da Arrate Egaña idazle errenteriarraren “Itzalen distira” liburua, zortzi narrazioz osatuta dagoena. Zaila da adierazten zein den istorio hauen gai nagusia, zer duten komunean. Izan ere, independenteak dira denak, baina guztiek dute zerbait iluna, oso gizatiarra. Ohiko egoerak deskribatzen dira, baina arrotzak zaizkigun uneak ere aurkituko ditugu.
Dokuteka_Nabarmena

11 Aout 2022

31 Ipuin

Ipuingintzako maisurik klasiko handienetako bat da Anton Txekhov idazle errusiarra. XIX. mendeko Errusiaren, gizakiaren eta munduaren erradiografia fina egiten du ipuin-liburu honetan, gizakiaren muineraino iristen dena. Bere garaiko gizakien miseriak eta bertuteak ikusi eta kontatzen dakien egilea da Txekhov eta emakumeen bizimodu kaskarra salatzen duela esan daiteke, zeharka bada ere, nola bizi ziren maisuki deskribatzen baitu.
Dokuteka_Nabarmena

10 Aout 2022

Jainkoaren seme

Cormac McCarthy idazle estatubatuarrak 1973. urtean idatzitako Child of God (Jainkoaren Seme) eleberria euskaratu du Igela argitaletxeak, Juan Mari Mendizabal itzultzailearen eskutik. Sevier konderri menditsuan kokatuta dago, Tennesseen, eta Lester Ballard izaki ustela da protagonista. Gizon bortitza eta etxegabetua da Lester, eta bere bizitza gizarte-ordenatik kanpo existitzeko ahalegina tamalgarria da.
Dokuteka_Nabarmena

10 Aout 2022

Mendekatzeak

Parisen jaiotako euskarazko eta frantsesezko idazle eta ikertzaile Txomin Peillenek idatzi du “Mendekatzeak” ipuin-liburua. Liburua osatzen duten bederatzi ipuinek mendeku-kasuak kontatzen dituzte. Izan ere, egilearen hitzetan, ia jende guztiak izan du edo izango noizbait mendekatzeko joera, eta oso ugariak dira gai honen inguruko kasuak.
Dokuteka_Nabarmena

09 Aout 2022

Samuel eta Slawo

Karlos Linazasoro idazle tolosarrak bere liburu guztietan landu izan dituen gaiak edo obsesioak islatu ditu ipuin-liburu honetan ere: umore beltza, gordina, absurdoa, muturreko egoerak… Pieza motzak dira, oro har, mikroipuinak eta narrazio laburrak, baina kontaketa luzeagorik ere bada tartean.
Dokuteka_Nabarmena

09 Aout 2022

Esaten ez den guztian

Bi ataletan antolatutako hamar narrazioz osatutako liburua da “Esaten ez den guztian” liburua. Lehena, mardulena, Ferrila izenekoa da, eta bigarrena, intimoagoa, Eserlekuak. Joan-etorrian, batetik bestera ibili behar izan duten pertsonaia anitzak aurkituko ditugu istorio hauetan, garai batean kokatutako kontaketetan trenez mugituko direnak, eta errepidean, autoz nahiz kamioiez, beranduagokoetan.

Affichage des résultats 1 - 10 parmi 30 000.

Biltegia

Dokuteka Lehen urratsak

Egiaztatzegintza

Ezagutu zure maila Azterketa-ereduak

Argitalpenak

Eskuliburuak Aldizkariak HABEren berriak

Liburutegia

HABE liburutegia Irakurgai mailakatuak

Euskaltegiak

Euskaltegiei buruzko informazioa

HABEren orriak

Habe Ikasten Irakasbil

Jarraitu