Egun on ustez atzo zenbiltzan ta ongi / ni logureak nago ta zu berriz grogi / hori bai bart gauean zu zenbiltzan jori / kendu ezazu tonto irriparre hori.

Sexua suertea da eta ez da luxu / bart gauez dena irrintzi ta izerdi putzu / zuk berriz behakoa serioa duzu / duzun inbidi horrek zimeldu zaitu zu.

Batzuentzat bizitza bero ta maitasun / besteontzako berriz sasi eta asun / sexua suerte dela hala dizut entzun / ta antza dena zuri tokatu zitzaizun.

Izan ere, zu zaude hain muker ta erkin / ez dezu ligatuko jarrera horrekin / baino bart zure kabuz ahal zenuen ekin / gure etxeko efektu espezialekin.

Logure nintzan baina belarriak arin / alboan bazen zenbait sexu joko gordin / diozu nik gozatu nezakeela berdin / ta zeinek esan dizu ez nuela egin.

Zu tristetzeko ez det hainbeste interes / baina irrifarre bat egizu mesedez / zer-nolatan zabiltzan bisaia da juez / egin igual egin zendun, baina gozatu ez.