«Jakizu, laguntxo hori, eskuartean duzun liburu honetara luzaroan idatzi ditudan hainbat eta hainbat igarkizun eta aho-korapilo bildu ditudala, denak ala denak ere zu jolas zaitezen ondutakoak. Nik ondo baino hobeto pasatu dut guzti-guztiak asmatzen, zeharbideak bilatzen, hitzak josten, mezuak makilatzen, esaldiak mozorrotzen, janzten, eranzten… Orain, liburua plazan dagoen honetan, zeu zara protagonista nagusia eta zera nahiko nuke, igarle, zeuk ere ondo baino hobeto pasatzea aho-korapilo eta igarkizunon hitzak askatzen, mezuak desmakilatzen, esaldiei mozorroa kentzen, eranzten, janzten, igartzen…»

Litxarrero, lapur ziztrin nahiz iruzurgile hegal-laburra izateak baditu bere arriskuak. Holako gaizkileari ez diote heriotza-zigorrik edo hil arteko kartzelaldirik ezarriko, epaileek ez diote pasaraziko sekulako kalbariorik, baina nork libra dezake ziria sartu nahi izan dionaren suminetik gure litxarrero ziztrina?

20 dolarreko iruzurra besterik ez zen Roy Dillonek egin nahi izan ziona dendari ez oso ulerbera bati, baina, noski, ezin jakin zokormazo hura konturatu egingo zela eta inolako gupidarik gabe erabiliko zuela salmahaiaren atzealdean zeukan batea.

Baina Roy Dillon ez dago bakarrik: ama ez dabil urrun –harengandik ditu ikasiak legez kanpoko bizitzaren legeak–, bere moduko emakume batek ez dio bakerik ematen, eta berak, noski, hura ez eta beste bat nahi luke aldamenean.

Jim Thompsonen lau kantoiko triangelua… beste koxka bat estuturik. Eta Stephen Frearsek pantailara eraman zuen izenburu bereko filmaren oinarrian zegoen nobelaren irakurketaz gozatzeko aukera.

Kerman Mendizabalek bere historia kontatzen digu. 9 Gaztea zenean, Eguzki lore hotelean lan egiten zuen. Behin, Aste Santuko oporretan, Julia ezagutu zuen eta une bereziak bizi izan zituzten; adibidez, uhartera egindako txangoa. Egun haietan, hain zuzen ere, bitxi-lapurretak gertatu ziren Bilbon, eta polizia hoteleraino heldu zen, galdezka. Egoera larritu egingo da Kermanentzat. Juliak ere alde egingo du. Orain, berrogei urte igaro eta gero