Herta Müllerrek kontatzeko modu berri bat asmatu du: ahalik eta gehien kondentsatutako hizkuntza batean, errealitatearen eta surrealismoaren arteko eszena kezkagarriak osatzen ditu, teknika harrigarriz eta gustu bikainez mihiztatutako hitz eta irudi zatiz baliatuz. Pixkanaka-pixkanaka, umiliazio, larritasun eta atsekabe istorio bat kontatzen da hemen. "Funtzionarioak esan zuen" lanaren poema-collageek kontatzen dute, garraztasun ironikoz eta goxotasun enpatikoz, errefuxiatu baten egoera: harrera herrialde batera iritsi eta aparatu burokratikoak duen eragina bere degradazioan.

Nire ikastetxean hamazazpi andereño daude, eta erotuta dagoen bat. Nire izena Blas da. Bosgarren mailakoa naiz eta gure ikasgelak yoga, baratzea eta kuxinak dauzka. Nire andereñoa Nadiel da, eta erotuta dago. Beraz, hau ohiz kanpoko istorio bat da: nire ikastetxeko eguneroko bizitza.

Desertuko harea galtzerdietan oraindik, Beijingera joan beharko dute Uxuek eta Jokinek. Han, mundua kontrolatzen saiatzen ari den pertsona nor den jakingo dute, azkenean. Baina zer da Shenlong proiektua?

Eta zergatik da hain garrantzitsua dragoiaren bihotza?

Gero eta gehiago, besteek egindako produktu eta teknologien menpeko gara, baina gero eta gehiago dira, halaber, bizimodu naturalago baten bila dabiltzanak: naturarekin kontaktu handiagoan, erritmo lasaiagoan, izadiaren zikloekin lotuago. Aiora Urbieta egileak urte osorako eskuliburu ilustratu bat ondu du, urtaro bakoitzean, bai gure etxerako bai gure gorputzerako balio duten errezeta eta proposamenak eskainiz: xaboiak, ukenduak, sendabelarrak, errezetak

Lan honek hiru zati nabarmen bereziak ditu. Lehenbizi Blas Fagoaga euskaltzainaren bizi-ibilbidea aztertzen da. Jarraian, Fagoagak idatziriko Breve diccionario etimológico de apellidos toponímicos, etc. fáciles de retener hiztegiaren edizio egokitu eta eguneratua dago irakurgai eta, azkenik, egile berak idatzitako hiru sermoien azterketa egiten dute lanaren prestatzaileek.

Armarriek beti zerbait kontatzen dute gutaz. Gipuzkoakoa ere, gure historiaren ispilua da.

Gipuzkoako armarri bihurtuko zenaren lehenengo zigiluan, XV. mendeko gipuzkoarrek gure herriaren historia kontatu nahi izan zuten. Eta bertan beraien nafar sustraiak agertzen ziren.  Baina hau ez zen Gaztelaren gustukoa, eta kanoiak ezarri zituzten, euskaldunon arteko zatiketa indartzeko. Hori gutxi ez, eta lehen armarri haren esanahia ere aldatu ziguten.

Hau da Gipuzkoako armarriaren historia, aske izan nahi izan duen herri zatitu baten isla.

Lan honetan beste leku batzuetatik etorritako komunitateek ospatzen dituzten jaiak ezagutzeko ahalegina egin da. Haien kulturaren ezaugarri diren ospakizunak jaso ditugu: zer ospatzen duten, nola, zer esan nahi duen...

Sei jai landu ditugu: Urteberria (Txina), Aid al Fitr (Maroko), Ngondo Jaialdia (Kamerun), Hilen Eguna (Mexiko), Egun Nazionala (Errumania), Kandelatxoen Eguna (Kolonbia).

Filosofian gaindi ibiliz, hainbat autore eta testu erabiliz.

Zortzi kapitulutan antolatu du liburua Aintziartek. Hastapenean, Greziako filosofo klasikoak ditu aipagai. Bereziki eta luzeago Platon. Baita Aristoteles, Sokrates eta beste asko. Kapitulu oso bat dauka, gero, Baionan sortu zen jansenismoaz, eta horrek Euskal Herrian eta kanpoan izan zuen eraginaz.

Emmanuel Kanten eta Jean-Jacques Rousseauren pentsamenduen arteko loturari kapitulu bat eskaini dio, eta beste bat utopiaren gaiari. Filosofia olde berriagoak ere sartu ditu: existentzialismoa, eta postmodernitatea. Liburuaren azken atalean filosofoen testu anitz euskaraturik ekartzen ditu Aintziartek.