2011ko uda da: ETAk erabakita dauka armak behin betiko uztea, baina oraindik ez du horren berri ofizialik eman. Aldi berean, erakundearen zuzendaritzan poliziak infiltraturik eduki duen satorra agerira atera da, eta hura diskrezioz zaintzea erabaki du Barne Sailak, Bilboko Errekalde auzoko pisu batean. Martin Goena, garai batean militante armatua eta gaur zinpeko guarda denak egingo ditu bizkartzain lanak. Lan erraza dirudi, praktikan sueten egoeran bizi baitira, baina kolore askotako jendea egon liteke interesatuta aukera hori zapuzteko.
Iñaki Irasizabalek nobela beltz labur bat eskaintzen digu, ohi duen idazkera arin eta azkarraz
ondua; oraingoan, baina, hainbat pertsonaia eta ohitura erakusteaz gainera, gure errealitate
politikoari ere zukua atera dio gizartearen erretratu gazi-gozo bat osatzeko.

Euskal itzulpengintzaren irakaskuntza, ikerkuntza eta praktikan jardun zuen Axun Aierbek. Hiru arlo horietan Axun Aierbek jokatu zuen paper garrantzitsua azpimarratzen da omenaldi honetako ikerketa-lanetan. Azken hogeita hamar urteotan, euskal itzulpengintzak, euskararen garapenaren eskutik, itzulpen-baliabide eta modalitateen bilakaera sakona izan du, liburu honek erakusten duenez. Alde batetik, euskal itzulpengintzako arlo desberdinei buruzko lanak eskaintzen dira hemen: bikoizketa, antzerkia eta haur- eta gazte-literaturaren euskaratzearen azterketa. Corpuseko itzulpengintzaren azterketa deskribatzaileak ere ordezkatuta daude liburu honetan: analisi hauek euskarazko itzulpenen ezaugarriak nabarmentzen dituzte, esate baterako, itzultzaileen «euskal sena» edota estandarizazioa. Metodologia bera erabiliz, itzulpen-kritikagintza ere aztertzen da artikulu batzuetan. Azkenik, euskal itzulpengintzan eta, oro har, euskalgintzan hain garrantzizkoa den terminologiaren gaia ere jorratzen dute liburu honetako zenbait lanek. 

 Liburu honen sorrera eskutik helduta dator aurten euskal pentsamenduaren inguruan garrantzitsua eta berritzailea izan den beste proiektu batekin, 2012-2013 abian jarri berri den «Euskal Herriko Pentsamendu Kritikoa XX. eta XXI. mendeetan» graduondokoarekin alegia. Graduondoko hori, esku artean dugun gida hau bezala, euskal eremu akademikoan antzematen dugun hutsune bat betetzeko helburuarekin sortu da.
Euskal pentsamenduaren inguruko irizpiderik ezak, sistematizazio- eta transmisio-lanik ez egoteak, pentsamendu eta pentsalari arrotzen lanak bakarrik ikasi eta lantzea dakarkigu. Gureak, bertakoak, ezagutu gabe eta ahanzturan galtzen direlarik. Euskal pentsalaririk inoiz izan ez den irudi okerra zabaltzen da eta pentsamendua beti herri txiki batentzat inportatu beharreko zerbait dela ulertarazi. Baina hori errealitatearen desitxuraketa interesatu bat baino ez da.
Liburu honek, umil eta muga guztiekin bada ere, aipatu hutsune hori neurri apal batean betetzen hasi nahiko luke. Euskal Herriko pentsamenduaren azterketa eta eraikuntzan ezinbestekoa suertatzen da edozeinentzat eskuragarri eta ulergarri izango den idatzizko materiala produzitzea

Abantiak heroi bat behar du. Azti gaizto baten madarikazioak Piztia magikoak sorgindu ditu. Lehen erresuma babesten zuten Piztiek, baina orain erresuma suntsitzen ari dira. Tagus Zaldi-gizona landetako herritarrak eta animaliak ikaratzen ari da. Tomek geldiaraziko ote du?

Tomek Abantiako Piztiak askatu behar ditu Azti ilunaren madarikaziotik. Aduro Aztiak oparitutako ezpata eta ezkutua hartuta, Tom Arkta Erraldoi basatiaren bila abiatzen da. Salbatuko al du Tomek bere lurraldea?

Dinoen Mundu sekretuan, Jamiek eta Tomek narrasti hegalari handiena aurkitu dute: quetzalkoatlusa. Baina zer egingo dute pterosauro erraldoiak Wanna, beren dinosauro laguna, haren txitatzat hartu eta hegaka eramaten duenean? Denboraren aurkako lasterketa izango da beren lagun txikia askatzea...

Jamie eta Tom Dinosauroen Mundura itzuli dira, eta ankilosauro kume bat aurkitu dute lokatzetan trabatuta. Erabat hondoratu baino lehen salbatu beharko dute dinosauro txikia, baina nola? Eta zer gertatuko da ama itzultzen denean eta bere buztan mailudun erraldoia astintzen hasten denean?

ZONBIAK SCREAM STREETERA IRITSI DIRA... Hemen da Ustel Rock jaialdia, zonbien rock jaialdirik garrantzitsuena! Otto Handiputz jaunak ez du dantza egiteko gogorik, eta sekulako iskanbila eragingo du Garun Huts rock-taldea erbesteratu eta Lurpeko lurralde ankerretara bidaltzen duenean. Lukek eta bere lagunek auzora bakera ekarri nahi dute, baita hurrengo erlikia aurkitu ere. Horretarako, rock-taldearen atzetik joan beharko dute munduko lurralderik sakon eta ilunetaraino.

SCREAM STREET ILUNAGOTU EGIN DA... Scream Streeteko etengabeko iluntasunean murgilduta dago aspalditik, eta egoera are gehiago ilunduko da milioika armiarmak ihes egin eta kale osoa sare itogarriekin estaltzen dutenean. Luke, Resus eta Kleo hirugarren erlikiaren bila abiatuko dira -antzinako momia baten bihotza-, baina zomorro zantarren kontra borrokatu beharko dute, eta, gainera, Otto jaunak bidea etengabe oztopatu nahi diela dirudi.

Cale eta bere adiskideek behar zituzten sei haziak lortu dituzte. Ridelek esaten die hurrengoa baobabean dagoela, enborrak berrogei metro ere izan ditzakeen zuhaitz batean. Ikertzen ibili ondoren, eskualde osoan gelditzen diren bost ale bakarrak non dauden jakitea lortzen dute. Dena primeran doala ematen du; bertara iritsi eta hazia jaso besterik ez dute egin behar. Murda gaiztoa, ordea, azpilanean dabil. Gazteei jarraitu eta, baobabak aurkitzen dituenean, su ematea erabakitzen du! Murdak ez daki, ordea, baobaben enbor handiak ur biltegi erraldoien parekoak direla.