Historia ahanzturaren gainean eraikitzen da: ahantzi dezagun orain arte gertatua, bueltatu dezagun orrialdea. Orain beste pantaila batean gaude: aitzinari, ez gibelari, behatu behar diogu. Egiteko dugunari. Horrenbeste da hori! Ez gaitezen iraganarekin baraturik gelditu. Hala gertatu izan da ia beti. Zoritxarrez. Zeren, hori eginik, gizarteak ordaintzen duen prezioa handiegia baita. Hasteko, biktimekin gertatzen dena. Biktimek berriz ere sentitzen dute zapalketa beren gainean, bigarren aldiz. Aitzinera bakarrik behaturik, ekuaziotik kanpo gelditzen dira. Eta gizartearentzako ere kostua izugarria baita: gure arteko bizikidetza duintasunean bakarrik eraiki daiteke. Liburu hau gai horren inguruan munduko parte anitzetan gertatu diren erreferentziaz betea dago. Egileak hemengoa du buruan, jakina. Baina Irlanda, Italia, Frantzia, nazismoren ondoko Alemania edo Estonia, lehenagoko Jugoslaviatik sortu estatu berriak... Besteak beste, toki horietako hiritarren historia pertsonalak etengabe gurutzatzen dira liburuaren orrialdeetan. Ikusteko, ikasteko, ez atzentzeko. Biktimak gogoan.

Austria hegoaldean gaude, Jugoslavia zenaren muga-mugan, eslovenieraz hitz egiten duen eta alemanez hozta-hozta moldatzen den landa-inguruneko komunitate batean. Emakume batena da ahots nagusia: neskato bat aurrena, neska gazte gero, eta emakume azkenik. Ahots aztoragarri eta aldi berean poetikoa da berea. Giro hotzean, nazien aurka arituko diren aita eta aitona, Ravensbrückeko kontzentrazioesparruan atxilo egondako amona eta errealitateari ihesi egin nahi dion ama. Basoak, heroi anonimoak, salatariak, mugak, eguneroko bizitza eta heriotza.

Ataka larrian dago Yuichi, yakuzak jomugan harturik. Mitsumune, berriz, mailegatzaile ilegalekin liskarretan sartu da iheserako diru bila.Arazo nahikoa ez, eta Yuichik isilpean gustuko duen Hikari Nakazato korapilora gehiturik, patuaren ildo nahasiak higitzen hasi zaizkie.

Nachi Hiyama, institutuko ikasle arrunta, softballean entrenatzen eta azal beltzaranarekin amesten pasatzen ditu egunak. Halako batean, bere ikaskidea den Utsumiren sekretu batekin topo egingo du: buztan txiki bat du. Besteekiko diferentziak dakartzan zalantzak eta minak tartean, Nachik eta Utsumik hamar urtez babestu dute elkar. Hau da haien istorioa.
 

Zure gorputza bizitza osoan izango duzu lagun eta, arraroa dirudien arren, batzuetan ahaztu egiten gara berarekin. Ziur badirela oso ondo ezagutzen dituzun gorputz-atalak, eta beharbada gehiegi behatu ez dituzun beste batzuk; alua, adibidez. Denborarekin, zure gorputza asko aldatuko da, eta garrantzitsua da aldaketa horiek ezagutzea, konfiantzaz eta ongizatez hazteko.
 

Internetek pornoa edonoren eskura jarri duenetik, gero eta goizago harremantzen gara berarekin, eta nerabezaroan ikaragarri egin du gora haren kontsumoak. Liburu honetan pornorik nahi ez izateko bost arrazoi azalduko dizkizugu, eta tresnak eskaini ere bai, pornoa zure sexu hezitzaile bilakatu ez dadin.
 

Hamabi gaineko eta hamabi azpiko izan ziren Feli Madariagaren arreoa. Haiek hartuta joan zen Muxikako Igertu baserrira. Hortik aurrera bizitza ederra eraiki zuen Julian Gabikaetxebarria senarrarekin eta bien artean izan zituzten hiru alabekin. Laurogeita hamar urtetik gora, oraindik ere hezurrek uzten diotenean jorran egitera joaten da ortura. Baserriko lana gogorra omen da, baina lurrak bizitzeko behar izan duen guztia eman dio Feliri. Gure amonen, birramonen edo gure amen bizimodua kontatzen da hemen andre baten ahotan. Baserria bere horretan, erromantizismorik gabe.

Gida ilustratu atsegin eta zehatza, loreen mundu harrigarrian barneratzeko. «Loreen inbentarioa (irudiduna)» izeneko honen orrialdeak kolorefesta bat dira, eta, 62 lore motaren eskutik, mundu guztian zehar eramanen gaitu bidaian: Hego Afrikako eskualdeetatik Indonesiako Sumatra uharteraino, Europako belardietan barrena. Lore basati nahiz landatuak modu originalean sailkatuta daude, kolorearen arabera, errazago aurkitzeko, eta lamina bakoitzean espezie bat edo bi ageri dira, izen arrunta eta zientifikoa adierazita, baita altuera eta loraldia noiz den ere. Horrekin batera, deskribapen labur batean zenbait gai lantzen dira, hala nola jatorria, sendabelar gisa duten erabilera, bitxikeria zenbait eta kontserbazio-egoerari buruzko ohartarazpenak. Bilduma honetako liburu guztietan bezala, Emmanuelle Tchoukriel𠄞n ilustrazioak zehatzak eta errealistak dira, garai bateko landakoadernoen gisan. Loreekin batera, xehetasun batzuk handiagotuta erakusten dira besteak beste, sustraiak, petaloak, haziak eta inguruko beste biztanle batzuk: intsektuak, anfibioak, hegaztiak eta belarjaleak, esaterako.
 

1955eko abenduaren 1ean, Montgomeryko (Alabama) autobus batean zihoala, Rosa Parksek uko egin zion bere aulkia gizon zuri bati uzteari. Autobus-gidariak poliziari deitu zion, eta Parks atxilotu, epaitu eta zigortu egin zuten. Montgomeryko beltzek boikota egin zioten autobus-zerbitzuari urtebetez, epaitegiek segregazioa legez kanpo utzi zuten arte.

Gertakizun hark egin zuen Rosa Parks ezagun AEBn eta mundu osoan. Baina nor da Rosa Parks? Nola iritsi zen eskubide zibilen aldeko mugimendura? Norekin batera borrokatzen zen? Arrazakeriaren aurka jarduteaz gain, zer beste borrokatan ibili zen?

Bi zati nabarmen ditu Memoria berriak entseguak: bata, praktikoagoa, eta bestea, teorikoagoa. Baina, batez ere, bertan batu dituen elementuek ematen dute arreta: besteak beste, loturek, mapek, iturriek, azalpenek eta argibideek.