Liburu honek Industria alorreko Graduetako Automatismoak eta Kontrola irakasgaia du jatorri. Irakasgai horretan eskolak euskaraz ematen dituzten unibertsitateko irakasleengandik heldu da ideia. Liburuaren edukiak irakasgaiaren programa kontuan hartzen du, baina eskolan ematen dena baino haratago doa, ingurumaria azalduz eta gaietako batzuk sakonduz.
Gainera, automatismoei eta kontrolari buruzko oinarrizko kontzeptu, metodologia eta teknikak azaltzen direnez, halako ikasgaiak ematen diren Lanbide Heziketako hainbat
gradutako ikasleentzat ere baliagarria da. Idazlana ahal bezain modu pedagogikoan idatzia izana da, jakintza-arlo hauetako hasiberriei begira.
Gaiek elkarren artean harreman handia izan arren, liburua bi atal nagusitan zatitu da. Lehen zatian automatismoei buruzkoa oinarriak aipatzen dira: definizioak, historia,
helburuak, automatismo sekuentzialak diseinatzeko Grafcet izeneko lengoaia, automatismoen inplementazioa eta abar. Bigarren zatia, osorik, kontrolari buruzkoa da; oinarrizko definizio, hiztegi, kontzeptu eta metodologiaz gain, sistemen ereduztapena, Laplace-ren transformatua, sistemen joerari buruzko oinarrizko kontzeptuak, eta abar lantzen dira.
Bi zatietan, ariketa zuzendu batzuk ematen dira, baita oinarrizko bibliografia ere.
 

Okelaren sukaldaritza liburuak gure sukaldaritzak haragi gorriak, hegaztiak eta ehiza prestatzerakoan eskaintzen duen errezeta aukera zabala eta ugaria biltzen du. Errezeta sorta honetan betiko errezetak eta gaurko sukaldaritzak eskeintzen dituen berritasunak uztartzen dira. Sukaldatzea maite dutenentzat liburu ezinbestekoa.

Anormaltasun psikologikoa zertan datzan agertzen da lehenik. Ondoren, nahaste psikologikoen sailkapen-sistemak aurkezten dira. Nahaste psikologikoei buruzko lehen bi ataletan gaur egun hain ugariak diren aldarte eta barne-herstura nahasteak azaltzen dira. Ondoren, psikopatologiako nahaste nagusia den eskizofrenia eta haren espektroko nahasteak ikertzen dira. Nahaste somatomorfoak eta disoziazio-nahasteak aztertu ondoren, hainbeste pertsona ukitzen dituzten loaren nahasteak azaltzen dira. Substantziekiko mendetasunari eta elikaduraren nahasteei atal bana eskaintzen zaie. Gero zaharren artean hain ugariak diren nahaste neurokognitiboak edo dementziak aztertzen dira. Nahasteen zatia amaitzeko, arreta-gabezia eta hiperaktibitatearen nahastea, parafiliak, genero-identitateko nahastea eta bulkaden kontroleko nahasteak azaltzen dira. Azken bi ataletan psikopatologiako zeinu eta sintomak eta psikopatologiako nahasteen laburpena ematen dira. Liburuan zehar azaltzen diren kontzeptuak eta nahasteak ulertzen laguntzeko eta haiei buruzko gogoeta egiteko hainbat ariketa praktiko proposatzen dira atal bakoitzean.

Gorbeialdeko Sendabelar Tradizionalak liburuaren bitartez, gure herri-medikuntza osatzen duten sendabelarrak ezagutzeko aukera daukazue. Baserririk baserri, Gorbeialdeko bailara eta herrietan zehar, gure nagusiek gordetako ahozko tradizioa jaso eta lan honetan aurkezten dizuegu: katarroaren eta pulmonien aurka hartzen zituzten infusioak, zauriak osatzeko egiten zituzten enplastuak edota kuranderek erakutsitako erritualak.
Lan hau, baina, ez da saiakera etnografiko edo etnobotanikoa bakarrik, gida praktikoa ere bada. Asko dira gaur egun sendabelarren mundura hurbiltzen direnak, gazteak batez ere, eta gehienek, internet edota fitoterapia-liburuak dituzte abiapuntutzat. Lan honek hurbilketa horretarako tresna lagungarria izan nahi du, jakituria tradizionala plazara ekarriz eta erabilgarria ere izan daitekeela erakutsiz. Baserriko bizimodu zaharrak badaukalako zer esan egungo hiri berri eta modernoetan bizi garenoi.

Bi pasioren artean borrokan ari den neska da Ondina. Batetik Patric du, iaz ezagutu zuen kirolari ingeles bikaina, eta orain berriro itzuli dena Banyolasera, entrenatzera. Bestetik Jordi, bere oraingo mutil-lagun goxo eta lotsatia. Bihotzak ez dio garbi erakusten zer egin, eta mutilen artean ere odol usaina zabalduko da. Norekin geratuko da Ondina? Maitasun triangelua, minaz eta heriotzaz blaiturik