Egungo pobreziak, desberdintasunak, aberastasun naturalen eta kulturalen usurpazioak, garatzeko gida praktikoa emakumeen eta gutxiengoen kontrako indarkeriak edota krisi humanitario eta ekologikoak erantzun sendoa behar dute, erantzukidetasunetik zein konpromisotik. Unibertsitateak horren parte izan behar du eta Ikaskuntza-Zerbitzua metodologia (I+Za) erronkari erantzuteko bide ezin hobea da.

Horregatik, liburuak I+Zan oinarritutako Gradu Amaierako Lanak (GrAL) garatzea proposatzen du, UNESCOren 2030 Agendan eta Garapen Iraunkorrerako Helburuetan eragiteko. Eta, horretarako, kapituluetan zehar, unibertsitateko irakasle zein ikasleei ekimena aurrera eramateko gidaritza praktikoa eskaintzen zaie: garapen iraunkorraren kontzeptualizazioa, I+Zaren oinarri teorikoak, I+Zan oinarritutako GrALak garatzeko hezkuntzaproposamenaren deskribapena, abiapuntuaren ikuspegia, plangintza, zerbitzuaren diseinua, esku-hartzearen jarraipena, GrALaren gidaritza akademikoaren gidalerroak eta esperientziak.

GrALa, I+Za eta Iraunkortasunerako Hezkuntza batzearen erronkarekin bat egiteko prest?

Eskola Publikoa ez da Euskal Herrian behar dugun eskola publikoa” izeneko aurreko liburua argitaratu genuenetik hiru urte pasa besterik ez badira ere orduko hausnarketak gaurkoan dirau, alegia, denon artean, bazterketarik gabe, Euskal Herriak behar duen eskola sistema eraiki ahal izateko premiaren aldarrikapenarekin bat datozen auzien azalpen kritikoa eta debatearen beharra.

Beraz, berriro diogu, arazoak arazo, hezkuntzari buruzko lege berri baten premia nabarmena da EAEn, Euskal Herriak behar duen hezkuntzaren arrastora bideratzen lagunduko duena eta, horretan, ez da lubakirik onartu behar, ez lurraldeen artean ezta sareen artean ere. Bide malkartsu horretatik ibiltzen abiatzera deliberatzen dutenen artean ez baitago bat bestea baino hobeagorik izango dena.

Areago, ezin da burujabetza politikoaren zain egon behar hezkuntza arloko eragileen artean sinergiak lantzeko eta euskal hezkuntzan baterakuntzak lortzen joateko.

Hezkuntzan ere autodeterminazioa besterik ez baita bidea. Eskola Publikoa, atzokoa, gaurkoa eta biharkoa ezagutaraziz eta, jakina, horri buruz beharrezkoa den eztabaida burutuz. Liburu honek, bere laburrean,  horretarako ekarpena kaleratu nahi du.