Pertsona normal batek dutxa hartu ostean, biluzik, ispiluari begira, bere buruari bizitzan egindako hautuez galdezka:

Gaur ez nator bat neure buruarekin.

Gaur bi nator, hiru nator, hamaika nator.

Gaur ez nator bat neure buruarekin.

Gaur ez dakit emakumezkoa edo gizonezkoa naizen.

Gaur ez nator bat neure buruarekin.

Gaur ez nator bat-man; bat-woman agian bai, bat-queer balitz hobe.

Gaur ez nator bat neure normaltasunarekin.

Pertsona normal bat udaletxerako bidean, kultura-zeini-egotzi kargu berria betetzera doan bitartean egindako gogoeta ez-normala:
Arrazoia. Legea. Araua. Norma. Zer egin daiteke normaltasunaren barrutik, zu zeu normala ez zarenean?
Aldarri politiko emozional bat: mingaina da nire hankatarte politiko bakarra.

 XIX. mendearen amaieran bizi-bizi dago Bilbo eta, Atxuriko eskolarako bidean, kaleko harrabotsak Lur eta Ametsen jakin-mina areagotu egin du. Aspaldi honetan ohartuta daude amona Anderek arazoak dituela tabako-fabrikan; piper egin eta amonari laguntzera joatea erabakitzen dute. Langileriaren bizimodua eta garaiko bidegabekeriak gertutik ezagutuko dituzte bertan.

 Amona Anderek Donostiara itzultzea erabaki du Lur eta Ametsekin, Francoren diktaduraren ondorioz, urteak Saran igaro ondoren. Ihes egin aurretiko bizimodua berreskuratu nahi du. Andereñoa zen Donostian, haurrei eskola ematen zien. Donostiara itzultzean zenbait trikimailu asmatu beharko dute ikastola martxan jartzeko.

 Felixek, Lur eta Ametsen lehengusuak, soldaduskara joateko gutuna jaso du. Haserre dago. Protesta egiteko asmoz irtengo da kalera Lur eta Ametsekin. Ustekabean, ordea, sekulako euri-zaparrada hasiko da, uholde bihurtuko dena. Herriko gaztetxea ere urak hartuko du. Musika, halere, ez da faltako

 Egunkarietan agertzen den pertsonaia famatua ez izan arren, Mararentzat aita da munduko pertsonarik miresgarriena. Hain da berezia eta hain daki gauza asko. Elkarte misteriotsu bateko ohorezko kide ere bada, gainera. Baina, zoritxarrez, munduko gizonik despistatuena ere bada, eta edonon galtzen ditu bere leopardo pastadun betaurreko kutunak: kalean zehar, postontzietan,… Behin Donostiako aquarium-eko marrazoen urontzi barruan ere bai. Halakorik! Ezetz asmatu non galdu zituen azkenekoz?

 Dino-Mikel Historia Naturalaren Museoan dago abentura liburu honetan! Mikel gaztea eta bere aita dinosauro-bilatzailea beren azken aurkikuntza handia erakustear daude: dinosauro-arrautzak!
Tiranosauro-arrautzak ikusgai jarriko dituzte milioika pertsonak ikus ditzaten, baina Mikel bakarrik konturatu da arrautzak...
IREKITZEAR DAUDELA! Handik gutxira, dinosauro-kumeak museoan aske ibiliko dira!

Dino-Mikelek T-rex baten arrastoa aurkituko du abentura honetan! Paleontologo ospetsu baten semea denez, Mikel gaztea mundu osoan bidaiatzen aritzen da bere aita dinosauro-bilatzailearekin.
Aitak dinosauroen hezurrak bilatzen dituen bitartean, Mikel inguruak esploratzen aritzen da. Eta oraingoan, bizirik dagoen tiranosauro baten arrastoa aurkitu du! Berez ezinezkoa dena bilatzen aritu ondoren, Mikelek neska misteriotsu bat aurkitu du. Badirudi neska horrek badakiela zergatik eta nola iritsi den horra dinosauro biziduna.

 Transmedia gako-hitz bihurtu da egungo komunikabideetako profesional eta adituentzat. Audientzien engaiatzea xede duten hainbat komunikazio-estrategia biltzen ditu termino horrek, eta xede horretan noranzko berriak markatzen ditu egungo media-produktuen diseinuan eta hedapenean.
Transmedia-praktikek fikzioan izan dute hastapena, baina fikziotik kanpo ere garatu dira azken urteotan: informazioan, publizitatean, irakaskuntzan eta kulturaren beste eremu batzuetan ere urrats sendoak egin dira. Lan honetan, informazioaren alorrean jarri dugu arreta, zehazkiago gaurkotasun-edukiak zabaltzen dituzten produktuetan: web dokumentalen, web telebistetako ikus-entzunezkoen, web irratigintzaren eta gizarte-mugimenduen transmedia komunikazio-estrategietan.
Hainbat ikerketa- eta praktika-eremutatik begiratu diogu transmediari. Informazioaren alorrean media-produktu bat diseinatzean eta planifikatzean zenbait funtsezko ikuspegik osatu dute begirada hori: kazetaritza informatiboaren kudeaketatik, diseinu grafikotik, narratologiatik, audientzien parte-hartze estrategiatik, finantzaketatik, ikus entzunezkoen programaziotik, diseinu linguistiko-diskurtsibotik eta dokumentalgintzatik ere.
Nazioarte mailan zein Euskal Herrian abian jarri diren transmedia-praktikak bildu ditugu testuliburu honetan. Praktika horietan, komunikazio-estrategien berrikuntzak aztertu ditugu egileok, nork bere alorretik.

gau garbian izarrak begiratzea
zeure azaleko oreztak begiratzea
unibertsoak errepikatzen dituen patroiak
edertasun berari begira
naiz lokartzen