Izotzetan islatuak 24 idazle euskaldun gazteren testuen bilduma da. Liburu hau aniztasunaren eredugarri da, bilduman zehar erabilitako euskalki desberdinak direla medio alde batetik. Baina baita idazle gazteek lantzen dituzten genero literario eta gaiei dagokienean ere. Euskal Herriko txoko desberdinetako egileek hartu dute parte liburuan. Batzuek hau dute literatura argitaratzen duten lehen aldia. Zenbaitek idazle ibilbidea sendo hasia dute honezkero. Denak dira egungo euskal literaturaren erakusgai. Editore lanak Leire Alonso Allué eta Iosune de Goñi Garcíak burutu dituzte.

Mendi-gida honek Gipuzkoako basoen eta basoko landareen informazio ugari du. Mendiko gidetan ohikoa ez den arren, garrantzia bera eman diegu landareei eta basoei; izan ere, landareak ez dira era isolatuan hazten, eta beraz, landare horien testuinguruan -basoan- ere jarri dugu azpimarra. Horrela, irakurleak Gipuzkoako landareak identifikatzen ikasteaz gain, bertako baso-paisaiak interpretatzen ere ikasiko du.

Liburu honekin, sorreran parte hartu dugunon ametsa egia bilakatu da. Gure basoak altxor sentitzen ditugu eta orain, liburu hau zure altxorra ere bada. Basoak zuen amets bihurtzea ere nahi dugu.

Urak egiten duen ibiliaren kontra, ibaian gora abiatu da Eneko Aizpurua: Txingudiko badiako paduretan hasi eta Xorroxingo iturrian amaitu arte, bazterrik bazter ibiliko ditu Bidasoko urak eta lurrak, paisaiari eta pasaiariei beha.

Bidaiariaren gogotik eta begietatik igaroko dira aspaldiko kontrabando-istorioak eta migratzaileen trafikoarenak, Barojaren eta Aitzolen estualdiak gerra zibilean, naziengandik ihesi ibilitako juduen eta aire-pilotuen gorabeherak, Zabalzaren eta Lopezen fin gaiztoa Endarlatsan, mugalariak, baserritarrak, eruditoak, filantropoak, faxistak…

Begirada amultsu eta aldi berean zorrotza elkartzen ditu egileak, bizitakoaren lekukotasun zuzena eta irakurketa ugariek emandako jakituria, pasadizo xeheak eta gogoeta sakonak, guztiak egoki nahasturik liburu atsegin eta mamitsua osatzeko, berezi bezain gogoangarria.

BAT taldeak bullyingari aurre egitea, bullyinga jasaten ari direnei laguntzea eta ondo pasatzea dute helburu. Beren istorioak ezagutzera emateko bi liburu eman ditugu argitara: BAT, Bullying-aren Aurkako Taldea eta BAT ziberbullying-aren aurka Alex Hallat Zeelanda Berriko idazle eta ilustratzaileak sortuak dira. Hirugarren istorioa ere prestatzen ari gara: Partida handia.

Liburuaren amaieran bullyingaren inguruko hainbat aholku emango zaizkio irakurleari, baldin eta bullyinga jasaten ari bada, ziberbullyinga egiten ari bazaizkio sarean edo telefonoan, edota beste bati bullyinga egiten ari zaizkiola ikusiz gero.

Daveren taldearengandik bullyinga jasaten hasitakoan, Jake, Ravi eta Tobyk talde bat sortuko dute. BullyIng-aren Aurkako Taldea. Ruthek taldean sartzeko gonbita jasoko du, baina ez du nahi izango taldeko partaide izan… bullyinga jasan arte.

BAT taldeak bullyingari aurre egitea, bullyinga jasaten ari direnei laguntzea eta ondo pasatzea dute helburu. Beren istorioak ezagutzera emateko bi liburu eman ditugu argitara: BAT, Bullying-aren Aurkako Taldea eta BAT ziberbullying-aren aurka Alex Hallat Zeelanda Berriko idazle eta ilustratzaileak sortuak dira. Hirugarren istorioa ere prestatzen ari gara: Partida handia.

Liburuaren amaieran bullyingaren inguruko hainbat aholku emango zaizkio irakurleari, baldin eta bullyinga jasaten ari bada, ziberbullyinga egiten ari bazaizkio sarean edo telefonoan, edota beste bati bullyinga egiten ari zaizkiola ikusiz gero.

Udako oporraldi luzearen ostean gertatuko da: BAT taldeko kideek deskubrituko dute haien eskolak ez daukala dirurik eta ez dutela ikasturte berrirako irekiko. Hasieran, poztu egingo dira, baina zorionak ez die askorik iraungo, konturatu baitira eskola ezberdinetara joango direla handik aurrera. Hasieran, telefonoei esker eutsiko diote elkarren arteko harremanari. Gero, ordea, mezu beldurgarriak iritsiko dira.

Unisonoa Ixiar Rozasen bi formadun lana da. Lerrobakarreko poesia liburua eta material sonoroa. Biak elkarrekin sortu eta hazi dira, hor nonbait horizontean, eta norbere bidea egin dute beste kide batzuekin batera.

2020ko abuztutik eskuragai dituzu pieza sonoroak Bandcamp plataforman. Poesia liburuan aurkituko duzun kodearekin entzun edota jaitsi ahal izango dituzunak.

Unisonoa erritmoa, lerroa, esaldia, mugimendua, ondulazioa, bibrazioa, soinua, ahotsa, xuxurla eta afektuen arteko konposizioa da.

Hondartzan hilotz bat azaldu denetik, herriko marinel zaharrek itsasoko izaki ahaztuei buruzko kondairak baino ez dituzte guztiek ahoan. Eskolan ordea, Valerium Tremens amerikar etorri berria da denen hizketagai. Sara, Martin eta hirurek altxorraren bila jolasean Azken Portuan barneratzen direnean, arriskuan ikusiko dute euren burua. Traganarruei ihesi, ustekabeko sekretuak topatuko dituzte.

Brasil, Amazoniako oihana: Larry eta Agatha Mistery gaizkile baten arratoaren atzetik dabiltza.

Gaizkileak munduko ur kutsaduraren arazoa konpon lezakeen onddo lagin bat lapurtu du, zientzia laborategi bat erre eta gero.

Zientzialariak ziur daude badakitela erruduna nor den...Agathak , hala ere, ez du uste kontua horren erraza denik.