Hazita datoz urak Xabi Bordaren hirugarren poema liburuan. Hego haizea dabil Ipar Poloan eta mehetuz doa azken glaziarra. Minutuak kanilan behera tantaka, eta, harekin, tripaz gora arrainak, egarriz hildako dromedarioa, langabezian geratu den laguna, oporren hasiera eguna, ezusteko bisitak eta eklipse intimoak. Dena urpean geratu aurretik, gal daitekeen guztiaren esploratzaile dabil poeta.

Talde-publikazio bat da, non artearen eta kulturaren eremu ezberdinetan jarduten duten profesionaleen testu eta saiakera-bisualak biltzen diren, Euskal Herriko sorkuntzaren jasangarritasuna(-gaitza)ren inguruan.

Nahiz eta mende aldaketak biotopo artistiko ezberdien hazkuntzarako ekoizpen-paradigma paregabea sortu baldin badu, inguru honetan bizirauteko nahitaezkoa suertatzen da aurretik zehaztutako mekanismoetara moldatzea. Bertoko ekoizpen artistikoa hainbat formula unibertsal ezberdinetan lagatzeak, testuinguruaren berezko ezaugarri aintzat ez hartzea dakartza. Honek ekoizleak zein ekoizpena jotzen dituen prekarietate-egoera orokorra sorrarazten du, testuinguruarekin bat datorren kulturan jarduteko beste modu batzuen aurkitzearen beharra areagotuz