Eskuratu berriak - Liburutegia

2023/01/25 | 254

Amak ez zuen Jaxintori buruz iritzi onik: “Gure artera habia egitera etorritako hezurbeltz trenak ekarritakoa. A ze pajarua!”. Nik, baina, ez nuen ezer ulertzen, ez pajarua zer zen, ez inork hezur beltzik izan zezakeenik. Galtzamotzak bete xalotasun, artean lumatu gabeko txorikumea bainintzen. Orain, ordea, Jaxinto hil berri denean, hark txoriez erakutsitakoak gogoan, badakit bihotza habia dagoen tokian dagoela eta kukuaren portaera bizilegea baino ez dela.

2023/01/25 | 360

Gabonak ate joka

Gabon egun bereziak igaroko dituzte marimatrakek; ospitalera joan beharko dute ustekabean bisitan. Olentzerok, halere, ez die hutsik egingo. Gainera, detektibe istorio zirraragarri bat biziko dute bi ahizpek eskolako lagunekin.

2023/01/25 | 284

Maus : bizirik irtendako baten kontakizuna

´´Maus´´ nazien sarraski-esparruetatik bizirik irtendako judu poloniar baten biografia da. Gizon hori Vladek Spiegelman deitzen da, eta Art semeak kontatzen du haren historia; izan ere, semea komikigilea da, eta agerian utzi nahi du nolako jazarpen ikaragarria bizi izan zuten milioika pertsonak Hitlerren menpeko Europan, eta nolako ondorioak utzi zituen sufrimendu hark ondorengo belaunaldien eguneroko bizimoduetan. Holokaustoari buruz aritzeko erabili izan diren ohiko moduetatik urrunduta, Art Spiegelman guztiz era...

2023/01/25 | 283

Zinema festa bat da : enkontru ezinezko bat Zinemaldiaren 70. urteurrenean

Egileak agindu duenez, aipatutako festan "Lauren Bacall inoiz baino eleganteagoa agertuko da, Gregory Peckek lanak izango ditu egoera ulertzen, Max von Sydow dantza egitera etorri da, Agnès Varda dokumental bat egiten saiatuko da eta, nola ez, Bette Davisek anfitrioi lanak hartuko ditu bere gain". "Gaua sorpresaz, ika-mikaz, mozkorraldiz eta oroitzapenez beteko da. Azkenean denak ados jarriko dira: zinema festa bat da, eta ospatu beharra dago", azpimarratu du Katixa Agirrek.

2023/01/25 | 186

Clionaren kanpaiak

Zuhara, lehorreko egonaldiaren ondoren, itsaz azpiko bere mundura dator berriz. Bertan du zain Balea Beltzaren klan osoa. Bere botereak indartzeko asmoz, Perpetua sorginaren aholkuak beteko ditu Zuharak. Lehenik eta behin, ukendu bat erabiliko du gauero, eta, horrela, bere itsasoko jatorria ezagutuko du ametsetan. Horri esker, bere amari gertatu zitzaiona jakingo du apurka-apurka... Bitartean, Caer Ys hirian Udazkeneko Jokoen garaia da, eta Zuharak itsas azpiko beste hiri bat ezagutuko du, bestelako ohitura eta sinesmenak dituena. Hango biztanleak, ordea, ez dira Zuharaz fidatzen...

2023/01/25 | 203

Frantziako andrea

Juanita Frantziako Arrots etxekoandre noblea ona bezain saiatua zen egiten zituen gauza guztietan. Hori zen behitzat, nebak, Arrots jaunak,ziotsona. Ona zaldi gainean, bikaina arkua eta ezpata erabiltzeko orduan, koblakari aparta jauregiko gau luzeetan. Horregatik, Frantziako erreginaren dama zen, eta horregatik ere Bizkaiko aiton-seme haren begiak berehala ilkatu ziren harengan. Nork esango zuen andrearen bihotzean maitasuna ernatuko zela lurralde urruneko arrotz horren besoetan. Arrotzegia zirudien: Juanitak, baina, muzin egien zien nebaren kezkei eta abiatu egin zen.

2023/01/25 | 267

Zirkulazio-aparatua. Erreskate handia. 2

Darwin doktorea koman sartzean, Jake eta besteak sendabide baten bila jartzen dira beranduegi izan baino lehen… Bennet doktorearen froga faseko Mikromediku robotikoak erabiliz Darwin doktorearen arnas eta digestio aparatuetan sartzen dira GORPUTZA KRISIAN egoteko arrazoiaren bila!

Erritmo azkarra, zirraragarria, ikusgarria eta… Zientzia!

2023/01/25 | 192

Puta

Idazle quebectarrak autofikziozko ariketa harrigarria egiten du, Montrealen luxuzko prostituta baten testigantza islatzeko. Narratzailea nekatua da gizonena izateaz. Egitura sozial guztien aurka oldartzen den emakume baten beldurrak eta obsesioak erakusten ditu.

2023/01/25 | 163

Amaiur bat urtero

Film handi bat egiten ari dira Baztanen. Amodiozko istorio gartsu bat da, orain dela 500 urte setiatua izandako Amaiurko gazteluan, Nafarroako erresuma menderatzeko gerran. Maitaleen desira eta ustekabeko heriotza bat dira nobela azkartzen dutenak. Zinema giroaren xarma beti erakargarria gertatzen da kontakizun literarioan: fikzioaren ondoko errealitatea intrigaz pizten da, aktoreak bi bider bihurtzen dira protagonista, arazo bitxiez konplikatzen da produkzioa

2023/01/25 | 228

Euskal Herriko gizarte-mugimenduak pandemia garaian : egoeraren ondorioak, egokitzapenak eta eszenatoki berriak

Badira zenbait urte Euskal Herriko gizarte-mugimenduen analisian murgilduta gaudela, horien osaketa, horien arteko harremanak eta bestelakoak aztertuz. Horretan genbiltzala iritsi zen pandemia, gure bizitzak, ikergaiak eta ikerketak ezinbestean zeharkatuz. Testuinguru hartan erabaki genuen pandemia gizarte-mugimenduetan izaten ari den eragina aztertzeko inkesta hau egitea. Hala, herri-mugimenduen ezaugarriak aztertzeaz gain, COVID-19ak hainbat arlotan izandako eragina aztertuko genuen: taldeen parte-hartzean, antolakuntzan eta jardueretan; harreman, sare eta aliantzetan; komunikazioan eta taldeen finantziazioan. Emaittza esku artean daukazu. Jarraian, testuinguruari erreparatzeaz gain, ikerketaren ezaugarriez eta helburuaz, COVID-19 pandemiaz, inkestaren xedeaz eta berau gauzatzeko prozesuaz arituko gara.

Eskuratu berriak - Liburutegia

Novedades