Labayru Fundazioak Etnografia atalak blogean azken urtean argitaratutako artikulu hautatuen bilduma aurkeztu nahi izan du bilduma honen bidez. 10. ale honetan, euren izaerari lotutako gai interesgarri eta zoragarriak bildu ditu, hainbat egileren eskutik: arkitektura eta tradizioa Zeberioko baserrietako harrizko inskripzioetan, kultura musikala bilbainaden bidez, edota nekazaritza-jardun ahaztuen inguruko hausnarketa galburuak batzeari buruzko artikuluan. Bizitzaren zikloak eta ospakizunak ere presente daude. Lanbideei dagokienez, Hazparneko zapatagintza eta Ondarroako enpakadoreen zeregina aztertu dute. Azkenik, euren ondarearen alderdi fisiko zein sozialak jorratu dituzte: Gorbeiako ermita, giza dorre edo gazteluak, eta Munduko Arrozak ekimena.

70eko hamarkadan, kantagintzan eta haur literaturan ekarpen izugarria egin zuen. 1973 eta 1982 artean argitaratu zituen bere literatur lanak: ipuinak eta antzerkiak, haurrekin eta haurrentzat sortuak. Lan haietan euskal tradizioa bildu eta gai berriak proposatu zituen.

Lourdes Iriondok haurrentzat eta gazteentzat argitaratu zituen antzezlan guztiak biltzen ditu edizio honek, baita argitaratu gabeko Fabrika berria antzezlana ere.

Sara Zaldaiz, Nafarroako Gobernuan uraz arduratzen den teknikariak, saltsa lodi batean katramilatuta ikusiko du bere burua: batetik, kolore desberdinetako politikoen arteko jokoak; bestetik, enpresari dirugoseen jukutriak, eta azkenik, hiltzaile gupidagabeen esku zikinak. Bere aurreko nobela Erriberan gertatzen bazen, honakoan Erronkarira garamatza egileak, hango mendi ikusgarri eta paisaia elurtuetan kokaturiko thriller bizi eta intrigaz beteriko honetan.

Lan honetan, Barbara Stok ilustratzaile ospetsuak Hipparchia-ren bizitza irudikatzen du, K.a. IV. mendeko Grezian bizi izan zen filosofo ia ezezagun batena, pentsamendu klasikoaren mundua irauli zuena mugimendu zinikoan izan zuen paper garrantzitsuari esker.

Iraultza egina da. Gerra zibila, irabazia. Alderdiak Sobietar Batasuna eraikitzeari ekin dio. Estatu berriak zientzia berri bat ere beharko du. Nikolai Ivanovitx Vavilov biologoa, baratzeko eta laborategiko langile, aterabiderik gabeko labirinto batean barneratuz doa, itxaropen ororen aurka…

Gaza leku irrikatua da, inperio eta erresuma ugari lehiatu dira hura eskuratzeko. Lurzati txiki hori, desertuaren atari eta Mediterraneoko portu, kulturen eta erlijioen sorleku, mundutik isolatuta dago gaur egun blokeoaren poderioz. Mikel Ayestaranek zerrendaren iraganera eta orainera eramango gaitu eta konkistatzaileei beti ere beti aurre egin dien leku horretan bizitza nolakoa den erakutsiko digu. Gaza dozenaka bider bisitatu, 2008az geroko Israelen ofentsiba nagusien berri eman eta 2023ko urriaren 7ko Hamasen erasoaren eta Israelen mendekuoldarraren ostean eskualdeko egoeraz egunez egun informatu gaituen kazetariak idatzia.

Ardi-ri eta Behi-ri egunero bururatzen zaie ideia bikain bat…, edo ez hain bikaina: goitibehera bat eraiki eta maldan behera jausi, Txanogorritxorekin festa bat antolatu, tarta ikusezin bat egin, edota otso beldurgarriari aurre egin! Emaitza? Barre-algarak ziurtatuta!

Emakume batek kontatzen du nola itzultzen den, atzerrialdi luzearen ondoren, sorterrira. Horrek barne-bidaia bat abiarazten du, oroimena orainera egokitu beharrez. Baserri-etxea, giroarekin bat, nabarmen eraldatua da, eta haren jiran azaleratuz doa familiaren haustura. Herri guztia ere ageri da aldian aldiko gertaeren lekuko ahanzkor. Eguneroko eszenen bidez agertuz doa isiltasunen eta galeren lorratza, bidenabar bistaratuz doalarik inguruaren eraldaketa sozial eta fisikoa. Erbesteratze-esperientzia berri bat izatera dator, azken batean, itzulera.

Komiki dibertigarri honetako pasadizoen bitartez, Scott Campbell egilearen unibertsoan murgilduko da irakurlea, Etxeburu eta Zuhaitzburu lagun minen eskutik: beraiek eta beren inguruko guztiek zerbait dute buruan, eta sei abentura barregarri eskainiko dizkigute liburuan barrena. Marrazkiak egiten, ezkutaketan edo, besterik gabe, KAIXO eta AGUR esanez, Etxeburuk eta Zuhaitzburuk oso ondo pasatzen dute elkarrekin, eta elkarri laguntzen diote maparik gabeko altxorrak bilatzen edo erronkak gainditzen. Bi lagunek desberdin pentsatzen dute askotan, baina erabat onartuta daukate errealitate hori. Ezagutu ditzagun Buru guztiak!

Bizkaiko portuetako emakumeen lan-historia jasotzen du, XVI. mendetik gaur egunera arte, arraina kontserbatzeko lanetan, ondoren saltzeko eta merkaturatzeko.