Eskuratu berriak - Liburutegia - ikasbil.eus

Eduki nagusira joan

euskara eu
español es
English en
français fr

Habe Liburutegia
Zerbitzuak
Gaikako bibliografiak
Nobedadeak

Habe Liburutegia
Zerbitzuak
Gaikako bibliografiak
Nobedadeak
- Hizkuntza:
  euskara eu español es English en français fr

Bilatu

Eskuratu berriak - Liburutegia

Novedades

Filtrar por_eu

Bilatu izenburuan bakarrik

Bilatu egileagatik bakarrik

Liburu mota

Material didaktikoa
Euskal biblioteka
Hizkuntzalaritza aplikatua

Hizkuntzalaritza Aplikatua

Soziolinguistika
Bigarren hizkuntzen didaktika
Psikolinguistika
Hizkuntza eta hezkuntza
Ama-hizkuntzaren didaktika
Hizkuntzalaritza

Euskal Biblioteka

Literatura
Filosofia. Psikologia
Gizarte-zientziak
Matematika. Natur zientziak
Zientzia aplikatuak
Zientzia. Informatika. Dokumentazioa
Erlijioa. Teologia

Material Didaktikoa

Euskara
Ingelesa
Frantsesa
Gaztelania
Alemana
Katalana
Beste hizkuntzak

Maila

A1
A2
B1
B2
C1
C2

Data

Azken 5 urteak

Hasiera-data

Bukaera-data

Ordena

Pub. data
Bisitak

5155 emaitza daude

Orrialdea 104 nondik 516

10 Elementu orri bakoitzeko

4
8
20
40
60

1.031 - 1.040 erakusten 5.155 emaitzetatik.

← Lehenengoa
Aurrekoa
Hurrengoa
Azkena →

2023/03/21 | 301

Sagasti

Akademia batean egiten du lan Miguelek. Ordu askotako lana ez da oztopo gustora egon dadin daraman bizitzarekin. Opor egun batean, Sagasti izeneko ikastetxe kontzertatu batera hurbiltzen da kurrikuluma ematekotan. Gau horretantxe, telefono dei baten bidez, Sagastin lana duela jakinarazten diote. Horrela hasten da bizipen latzez betetako ibilbide luze bat, non, hasierako ilusioak apurka-apurka eta gradualki bide emango dion dezepzioari. Angustia, amorrua, frustrazioa... izango dira Miguelek bi hamarkadatan zehar nozitu eta jasan behar izango dituen emozio eta sentimenduetako zenbaitzuk. Ezohiko gertakari batzuen kontakizuna, bilakaera gazi-gozo baten ixtorioa, irakaskuntzaren egunerokotasun erraz eta inuzentean oinarritua, eta, azken finean, irakurleoi errealitate xume baten balizko alde iluna erakusten diguna
2023/03/21 | 296

Anonyme popular

Anonyme Popular Igor Elortzak eta Rafa Ruedak elkarlanean ondu duten eta *Zart kolektiboak argitaratu duen disko-liburua da: bertsolariaren hitzak eta ahotsa, eta musikariaren doinuak eta soinuak batzen dituen proposamena.
2023/03/17 | 489

Euskal Herriko 40 emakume : egon ginen, izan ginen

Kuxkuxeroa zara? Gustatzen zaizu zu jaio baino lehen zure herrian zer gertatu zen jakitea? Eta mota askoko jendea ezagutzea? Orduan, hau da zure liburua. Hemen ezagutuko dituzu gure gizarteari egindako ekarpenagatik erreferentzia diren Euskal Herriko emakumeak eta gizataldeak. Belaunaldi berrientzat erreferentzia diren eta jada hilik dauden emakume hauei historiak ez die merezi duten errekonozimendua eman. Eremu guztietako emakumeek lortu zituztenak ezagutaraziko dizkigute: idazleak, kazetariak, pedagogoak, bertsolariak, margolariak, argazkilariak, ilustratzaileak, sukaldariak. Ilustrazio deigarriak dituen liburua da eta teknika desberdinak erabili dira: akuarela, koloretako arkatzak, collage. Has zaitez emakume hauek ezagutzen, aho zabalik utziko zaituzte.
2023/03/17 | 367

Spoon River antologia

XX. mendeko AEBetako poesiaren ikur handienetako bat da Edgar Lee Masters. Ogibidez abokatua, grebalari, langile eta sindikatuen defendatzailea izan zen, eta bere herrialdearen gorakada inperialistaz kezkatuta, argi eta garbi ikusi zuen aldaketa kultural baten beharra zuela. 1915ean eman zuen argitara ezagun egingo zuen poesia-bilduma, Spoon River Anthology, non alegiazko herri bateko hildako biztanleei ahotsa eman baitzien. Danteren hildakoak bezala, hilean bizitzan baino biziago daude Mastersen biztanleak, eta bere grina eta etsipenen berri ematen digute, ironia eta samurtasuna uztartuz. Idazleak liburuaren 19 edizio saldu zituen urte hartan, eta 1940an 70 edizio zituen liburuak. Bide luzea egin du geroztik, eta erabateko klasiko bihurtu da.
Edgar Lee Mastersek 24 urte zituen garai hartan, Chicagora iritsia zen kazetaritzaren munduan leku bat egiteko literaturarako sarbide gisa, eta hotel eta pentsioetan hartzen zuen ostatu. Kansasen (Garnett, 1869) jaio bazen ere, Lewistownetik zetorren, Belardi Handien eskualdeko Illinois hiritik. Eremu geografiko horretatik zetozen, halaber, Sherwood Anderson, Sinclair Lewis edota Theodor Dreiser.
2023/03/17 | 352

Euskal liburuaren frankismo osteko zentsura : (1975-1983)

Euskal liburuaren frankismo osteko zentsura (1975-1983) monografikoak Joan Mari Torrealdaik landutako euskal liburuaren zentsura gaiari heltzen dio; zehazki, hark eginiko lanari jarraipena ematen zaio, osagarri, datu jasoketa sistematikoari esker lorturiko datuen azterketa sakona egin delarik. Esku artean duzun liburukian, Alcalá de Henareseko Administrazioaren Artxibo Orokorrean (AGA) MHLI ikerketaldeak egindako datu-bilketa zehatza hartzen da abiapuntutzat. 545 espediente sistematikoki hustu ondotik, azterketa enpiriko-deskribatzailea egin da, batez ere kuantifikatutako datuekin sendotutako metodologia kualitatiboa erabiliz.

Lanaren balioa hirukoitza da. Batetik, 1975etik 1983ra bitartean euskaraz idatzitako liburuen zentsura ikertzen da, lehen aldiz, sistematikoki behatutako eta aztertutako corpus batean. Bestalde, lortutako datuen azterketak ideia eta ikuspegi berriak eskaini ditu; horiek, era berean, laguntzen dute Joan Mari Torrealdaik euskal liburuaren zentsuraren egoerari buruz egindako ekarpen baliotsuak osatzen. Azkenik, metodologia osagarria hautatu da, datu kualitatiboak kuantifikatuaz ikertzaileen azterketa kualitatiboa osatzen laguntzeko, osagarritasun horrek sendotasuna eman dielarik azterketatiko ondorioei.
2023/03/17 | 370

Ni ez naiz hamalau : sonetoak

Berrehun soneto idatzi ditu Karlos Linazasorok. Molde poetiko zahar hori erabili du gauza berriak esateko. Neurri-neurria, artisau baten sentiberatasunez, birtuosismotik urrun ez dabilen dohainez. Bere maisuak omendu nahi izan ditu poetak, eta lagunak goretsi. Denetariko gaiak aurkituko ditu irakurleak liburuan: maitasuna, natura, denboraren igaroa, filosofia, umorea... Eta denetariko tonuak: sakonak, ironikoak, jostarinak, kritikoak, lirikoak, arkitektonikoak, musikalak, sarkastikoak eta zorrotzak... Bizitzaren ertzak ikuspegi ugarietatik ukitzen dituen lana, azken buruan. Liburu bakana eta goi-mailakoa, gozamen hutsa. Gure artean betiko geratuko den maisu-lana.
2023/03/15 | 366

Lur ilaunduan loreak

Nola poesiak ama lur etsitu bati esperantza berria eskaintzen ahal duen, maitasuna, edertasuna eta zoriona bideratuz.
2023/03/15 | 357

Anker

Siberia ekialdean, Errusia, Txina eta Ipar Korearen arteko mugaldean baso asko ari dira soiltzen, eta lurralde horretan dago, hain justu ere, Amurreko edo Siberiako Tigrea. «2014tik, Errusiari zigor ekonomikoak jartzen hasi zirenetik, are gehiago soildu dituzte hango basoak; errusiarrek, zigorren ondorioak leuntzeko asmoz, akordioak egin dituzte txinatarrekin, eta horiek ahalik eta zuhaitz gehien ari dira eramaten. Hori errealitate bat da, eta hainbat salaketa ere izan dira». Gaineratu duenez, orain urte batzuk hainbat pertsona hil zituen tigre baten istorioaren berri ere izan zuen. Eta errealitate puska horietatik abiatuta sortu du fikziozko narrazioa.Siberiako tigre bat protagonista duen ingurumen thrillerra da
2023/03/15 | 227

Dinosauro bat egunean

Urtebeteko epean, Lurrean inoiz bizi izandako izakirik txundigarrienak ezagutuko dituzu: Tiranosauro beldurgarria, Titanosauro jator-jatorra eta beste mordo bat. Ilustrazio itzelen eta datu liluragarrien bidez, dinosauro guztien ezaugarriak deskubrituko dituzu, eta duela milioika urte nola bizi ziren jakingo duzu.
2023/03/15 | 383

Konfinamenduan ere konta-kontari

Joseba Aurkenerenaren lana 31 ipuinez osatutako eleberria da, jatorria itxialdian duena eta erretirodunen elkarte bati gertatutakoa biltzen duena, errealitatea eta fikzioa uztartuz. Bidasoaldean, Gipuzkoako, Lapurdiko eta Nafarroa Garaiko jendeak biltzen diren eremu zabalean, era guztietako elkarteak sortzen dira, gizarte arlokoak, kulturalak, erlijiosoak, gazteendakoak..., eta abar. Zaharrak ere, edo hobeto erranik, adinaren neguan direnak, hainbat elkartetan biltzen dira. Bada Beti Gazte izeneko elkarte bat Bidasoa ibaiaren bi aldeetan aritzen dena, eta gazte izandako ainitz bere baitan hartzen dituena. Hirurehun bazkide gutti gora-behera, eta bere lokaletan biltzeaz gain, bestelako ekimenak, bestak eta bidaiak antolatzen dituzte. 2020ko maiatzean bidaia bat antolatu zuten Italiako Milan aldera, baina koronabirusa zela eta, hotel batean konfinatu zituzten eta hor egon ziren hilabete bat ezin ateraz eta Euskal Herrira ezin itzuliz. Hogeita hamaika egun osora. Erraz erraiten da, hogeita hamaika egun hotel batean konfinatuta! Baina lehen afariaren orduan, kafearen tenorean, Pette hendaiarrak eramandako botila bat patxaran pasatu zuten mahaiz mahai, eta baita laster hustu ere. Muturra berotzean, lehen kantuak entzun ziren. Gero, txistuaren erritmoari jarraiki, dantzari ekin zioten, eta akitu zirelarik, baten batek ipuin bat kontatu zuen. Hortik aitzina, eta hogeita hamaika egunez, gauza bera egin zuten. Ipuin horiek guztiak dira hemen bilduta daudenak.

Orrialdea 104 nondik 516

10 Elementu orri bakoitzeko

4
8
20
40
60

1.031 - 1.040 erakusten 5.155 emaitzetatik.

← Lehenengoa
Aurrekoa
Hurrengoa
Azkena →

Jarraitu

HABEren Orriak

Habe Ikasten Ikasbil Irakasbil

Lege informazioa