Eskuratu berriak - Liburutegia

2022/12/19 | 415

1935etik 1943ra, Estatu Batuetako Apalache mendikate handiko eskualde bat liburuz bete zen. Meritua, kasu honetan, emakume-talde batena izan zen: Roosevelt presidentearen gobernuak kontratatu zituen Depresio Handiaren garaian, liburuzain-lanak zaldi gainean egin zitzaten.

2022/12/19 | 297

Euskal Autonomia Erkidegoko larrialdi aeronautikoen plan berezia

Mundu mailan bidaiariak zein salgaiak garraiatzeko bide nagusi bilakatu da abiazio zibila, eta Euskal Autonomia Erkidegoan (aurrerantzean, EAE) hiru aireportu-instalazio nagusi daude: Bilbo, Donostia eta Gasteiz. Gainera, lurralde horri dagokion aire-espazioa hainbat ibilbidek zeharkatzen dute, bai gertuko aireportuetan maniobrak egiteko, bai Espainiako aireportuak edo nazioarteko hegaldiak lotzeko. Bestalde, abiazio zibileko istripuen biktimei arreta emateko araudiaren bilakaerak biktimen eta senideen aurrean jarduteko neurri ugari garatzeko bide eman du. Horrek larrialdiko zenbait egoera aurkezten dizkigu, zeintzuek, EAEtik kanpo gertatu arren, gure ekintza-eremuan baitituzte ondorio sozialak, jardutera behartzen gaituztenak.

2022/12/19 | 249

E, petrel!

Joan dira 50 urte Julio Villarrek bere Mistral belaontzi txikian munduari bira eman zionetik. Bidaiak, orduan abiatutako 'maitasun ekintzak', ordea, aurrera darrai. Itsasaldi haren uberan idatzitako koadernoak jarraitzen du, txikotak askaturik, miliak eta miliak egiten, giza emozioen itsaso gorabeheratsuetan nabigatzen, zirrara eragiten, ametsak zerez eginak dauden esploratzen.

2022/12/19 | 240

Gureak ere badira : desira, boterea, epika

Belaunaldi aldaketa bat gertatu dela, egungo gazteek ez dakitela konpromisoa zer den, ez dagoela etorkizun desiragarri posiblerik, abertzaletasuna eta komunitatea ahuldu egin direla… horiek eta gisakoak maiz entzun ditugu azken urteetan. Halako ideia maiztu bezain erosoak nondik datozen azaldu eta horiek problematizatzen dituzte egileek, afektuetan eta kolektiboan arreta jarriz eta eraldaketa sozialerako desira, boterea eta epika ardatz hartuta. Beren esperientzia, gorputz eta ikuspegitik aztertzen dute orain arte eraiki den istorio komuna, eta hori berridazteko gakoak ematen dituzte, zeren, denok kabituko bagara, istorio komunak ezin baitu istorio bakarra izan. Haienak ere badirelako.
Iratzar fundazioak eta Txalapartak elkarlanean argitaratzen duten Iparrorratza bildumaren 6. alea da hau.

2022/12/16 | 139

Kantu bat gara

Jon Maia bertsolari, kantari eta idazleak 200 kantu inguru idatzi ditu 1991tik hainbat artistarentzat, horietako batzuk Ken Zazpi, Gari, Anari edota Negu Gorriak bezain adierazgarriak. Honako liburu-disko hau Maiak alor honetan egin duen bidearen isla da. Haren kantu askoren hitzak jasotzen dira, baina, horrez gain, Maiak berak kantu horiekin lotutako istorioak kontatzen dizkigu. Diskoan, berriz, egileak kantu horietako batzuk bertsionatzen ditu. Emaitza benetan inpaktantea da. Kantak ezagutarazi zituzten hainbat egilek ere parte hartu dute Maiaren bertsioetan