Eskuratu berriak - Liburutegia

2024/01/31 | 134

Euskal ahozko ipuinak eta lurpeko eremua : antologia eta azterketa

Liburu honetan euskal mitoen gainean dihardu egileak. Alde batetik testu-bilketa zehatz zehatza egin du, eta bestetik mitoak banan-banan aztertu ditu. Ikerketa sakona eta zorrotza da. Ale bitan banatu dago liburua, batetik ikerketa eta bestetik testu-antologia.

2024/01/31 | 137

Zirt-zart Nafarroan! : Noaingo bataila, 1521

Nafarrak, gaztelauak, aragoiarrak, gipuzkoarrak, bizkaitarrak, arabarrak, bearnotarrak, frantsesak, guztiak Iruñeko atarian bilduta Nafarroako Konkistaren (1512-1524) zelai beteko batailan parte hartzeko. Umorea eta ironia, zehaztasun historikoarekin, erreinuaren historia betirako aldatu zuen mugarri horren egoera, toki eta protagonisten berri emateko. Komiki honetako datu historiko guztiak Peio. J. Monteano Sorbet Nafarroako Errege Artxibo Orokorreko goi-mailako teknikariaren “Noáin 1521. El principio del fin” liburutik atera dira.

2024/01/31 | 187

Munduan barna : herriak, ipuinak eta giza eskubideak

Bigarren Mundu Gerraren hondamendia ikusirik, Giza Eskubideen Aldarrikapen Unibertsalak gizatasuna eta duintasuna itzuli nahi izan zizkion gizakiari. Balio horiek eta beste asko beti egon dira jatorrizko herrietan. Horregatik, amazigh, guarani, ijito, maori, zulu eta beste herri batzuen ipuinen harira, iritzi artikulu sakon batzuk prestatu ditugu, giza eskubideen egungo egoera aztertzeko. Izan ere, bere artikuluek diotena gehienetan betetzen ez bada ere, Aldarrikapenak lehen bezain beharrezkoa izaten jarraitzen du.

2024/01/30 | 152

Emakumeak, hezkuntza eta euskara gerraosteko Bizkaian : istorio bat, protagonista batzuen hitzetan

Esku artean dugun ikerketa-lan honen bidez, gerra zibilaren ondoren emakumeek euskararen transmisioan, eta bereziki, irakaskuntza formalean izan zuten leku berezituan jarri da arreta. Ikuspegi berri bat eman nahi izan zaio emakumearen ikusgaitasunari: gerraostean euskararen indarberritzean emakumeek izan zuten rola aztertu da genero ikuspegitik. Euskararentzat zailak izan ziren garai sozio-politiko haietan emakumeek hartu zuten rola, izan zuten presentzia eta ondorengo belaunaldiei euskara transmititzeko izan zuten zeregina zein izan zen jaso da. Bizkaian euskarazko hezkuntzak izan zuen garabideari ere ekarpena egin dio.

2024/01/24 | 198

Eguraldiaren euskara : aro-bidaia Euskal Herrian barrena

Liburu honek protagonista behinena du bere baitan: aro-bidaiaria. Denbora-bidaiari batek ez bezala, hark ez du atzera-aurrera egiten denboran barrena, baizik eta beti aurrera egiten duela, herriz herri, eguneroko solasaldietan erabiltzen diren arotitzak –eguraldiari buruzko hitzak– Bildu nahian, uste sendoa baitu hitzak komunitate kultural baten ordezkari bereizgarrienetarikoak direla; maiz, hitzak ez ezik, esapideak, atsotitzak eta mundua ulertzeko erak entzun eta jasoko ditu. Den-dena zorroratzeko gogoahartuko du bidaia-kaiera batean, baina, hainbeste kontu azalduko zaizkio, ezen, bidaiaren une jakin batean laguntza eskatu beharrean egongo baita, bidaia pentsatutako moduan amaituko badu. Euskal Herriko herrialde guztietan gaindi ibiliko da, Getxon hasi, oraindik jatorrizko hizkera gordetzen duen Bizkaiko herria, mendebalderenean kokatua, eta Eskiulan bukatu, Euskal Herritik kanpoko herri euskalduna, Biarno aldean. Elkargune ugari erabiliko ditu herritar eta adituekin aroaren hitzez jarduteko: kultur etxeak, udaletxeak, euskaltegiak, euskara-elkarteak, tabernak, elizak, parkeak... edozein toki eder zaio aro-bidaiariari herritar eta adituekin ihardukitzeko. Saiakera nobelatua da, xedea erakutsi, azaldu eta irakastea baitu, baina eleberritik, kontakizunetik ere badauka, fikziozko eta benetako pertsonaiak bidaia guztian zehar, han-hemenka, agertzen dira-eta. Jakina, hunkigarriena, liburua hasieratik amaitu arte irakurtzea da, baina irakurleak aukeran du zuzen-zuzenean herri edo eskualde batera jotzea, zein ele erabiltzen diren ikasteko, edota bidaian barrena agerturiko hitz guztien aurkibideaz baliatu, non erabiltzen diren begiratu eta testuingurua irakurtzeko

2024/01/24 | 165

Ametsak

Amets hauek egunkariak izan zitezkeen, gutunak izan zitezkeen, poemak izan zitezkeen, marrazkiak edo partiturak. Ametsak baino ez dira. Idazketa bihurtzen den materiala.

2024/01/24 | 164

Feminismo zuriaren aurka

Klase ertain eta altuko emakume zuriak luzaroan hartu izan dira, feminismoari dagokionean, aditutzat, euren ikuspegia, helburuak eta moduak ezarriz. Feminista zuria da zuritasunak eta arraza pribilegioek eskaintzen dizkion ikuspuntua onartzeari uko egiten dion feminista.

2024/01/24 | 157

Zure arimaren truke

Galderaz beteriko liburua da. Zure maitiari minbizia aurkituko baliote eta urtebeteko bizia eman, zer egingo zenuke? Edo, zer ez zenuke egingo? Bernat ikerlaria da. Iruri bere neska -laguna. Iruri minbiziak jota dago, eta azken beltzera doa ezinbestean. Heriotzaren aurrean, bi aukera ikusten ditu Bernatek: Iruriren alboan egon, eta hura nola zimeltzen den ikusi; edo inoiz egin duen ikerkuntzarik harrigarrienean murgildu, baina bikotekidearengandik urrun.

2024/01/24 | 162

Antzerkiaren labirintoan I : bitakora koadernoa

Antzerkiaren labirintoan obraren lehen liburukian memoria ariketa pertsonala egin du egileak, ariketa kolektibo bilakatzeko gaitasuna ere baduena. Ander Lipusen oroitzapenetan barrena euskal antzerkigintzaren garai oso baten erretratua topatuko du irakurleak, izen eta erreferentzia ugariez josita. Antzerkiaren labirintoan bigarren liburukian, berriz, garai hura ezin hobeto osatzen duten dokumentuak topatuko ditugu, Ander Lipusek garai eta komunikabide ezberdinetan idatzitakoak, eta hamarkadak iraun duen bilaketa artistikoaren gakoak teoria moduan emanda, modu zatikatu, zehatz eta eraginkorrean.

2024/01/23 | 203

Zientziaren uretan

Liburu honetan jaso dira Euskal Herriko Unibertsitateko Kultura Zientifikoko Katedrak Zientzia Kaieran blogean 2014. eta 2022. urteen artean argitaratutako artikuluen aukeraketa bat. Bederatzi jakintza arlotako dibulgazio-artikuluak aukeratu dira. Besteak beste, zientziaren historiako pasarteak, eguneroko elementuei buruzko edukiak edota interes orokorreko gai esanguratsuak bildu dira. Helburua da zientzia eskura izatea, eta zientziaren uretan ahalik eta jende gehien murgiltzea.

Izan ere, egungo gizartea ulergaitza da zientziaren ekarpenei erreparatzen ez badiegu. Hiriak, garraioa, energia, elikadura, osasuna, era guztietako zerbitzuak, gure bizimodua bera ere ezin genezake ulertu zientzia eta teknologiaren eragina kontuan hartu gabe.

Zer ekoiztu, nola egin, zer esparrutan, zer erosi, zer jan, norentzat eta abarreko kontuez galdetu beharko diegu geure buruei gai askori dagokionez. Ganorazko erantzuna eman ahal izateko, gutxieneko zientzia-ezagutza oso lagungarria izango da, ezinbestekoa zenbait kasutan. Bide horretan laguntzeko asmoz gauzatu da Zientziaren uretan liburua.

Eskuratu berriak - Liburutegia

Novedades