Heziketa librea

Liburu honek haurrek libre(ago) izateko beharko luketen heziketa eta haziera ditu hizpide, bizitzaren lehen urteetan garatzen direlako burujabetasunerako behar diren oinarrizko baldintza psikologikoak. Sistemaren kritika zorrotza da, eskolak soberan duena antzeman eta benetan emantzipatzaile izango den eskola-eredu bat irudikatu dezagun.

Egileak askatasunaren, heziketaren eta heziketa librearen gainean egiten dituen gogoetak biltzen dira liburuan.

Ez da “heziketa libreak” nolakoa izan behar duen ikasteko gida bat, askatasuna ezin delako orokortu edo normatibizatu eta norberak behar duelako berea definitu, benetan libre izango bada.