Mendiak ogibide : iragana gogoan

Herrimina arrastakan daramaten gizon- emakumeak. Gertukoak, etxea, paisaia ezagunera inoiz itzuliko ote den zalantza gorrian bizi. Mundu berri batera egokitu beharra. Aurrean lainoa. Eskuetan eskaxia. Bihotzean kezka. Ongi etorria emanen digute? Estu besarkatu gintuzten agurtzerakoan. Beso zabalik aurkituko dugu norbait? Galderak kolkoan. Erantzunak etorkizunean.

Gure patuak mendietara eraman gintuen. Elurra, hotza, negu luzeak. Hala eta guztiz ere, gure zai, han, jende ona zegoen.