ikasbil.eus: Osatuz Aldizkaria

30000 emaitzak

1 - 10 erakusten 30,000 emaitzetatik.

Dokuteka_Nabarmena

12 Abu 2022

Ekaitza eta beste 34 ipuin

35 ipuin daude bilduta Kate Chopin estatubatuar idazlearen liburu honetan. Estatu Batuetako hegoaldean kokatzen dira gehienak eta liburuko azken ipuina, "Ekaitza", aukeratu dute izenburura eramateko. Mississippi ibaiaren ertzean bizi izan zen Chopin hainbat urtez, eta Natchitoches inguruko kotoi-soroetako gertakariak islatu zituen bere kontakizun gehienetan. Nabarmentzen dira bere garaiko emakumeak, txiroak, natiboak eta esklabo izandako beltzak. Eta jasotzen ditu, baita ere, haien borondate eta desirak. Halere, Paris inguruko konbentu bateko mojak ere protagonista dira ipuin batean eta New Orleansen kokatzen dira beste istorioetako batzuk.
Dokuteka_Nabarmena

12 Abu 2022

Dublindarrak

Joyceren lehen maisu-lana da Dublindarrak. Hamabost ipuinez osatutako ipuin-bilduma da, batasuna duena. Kontakizunek XX. mende hasierako Dublin hiria deskribatzen dute, baita erdi mailako irlandar gizartea ere. Irlandar nazionalismoa puri-purian zegoen garaian idatzi zen liburua, une garrantzitsua Irlanda herrialdearentzat.
Dokuteka_Nabarmena

11 Abu 2022

Itzalen distira

Narrazio-bilduma bat da Arrate Egaña idazle errenteriarraren “Itzalen distira” liburua, zortzi narrazioz osatuta dagoena. Zaila da adierazten zein den istorio hauen gai nagusia, zer duten komunean. Izan ere, independenteak dira denak, baina guztiek dute zerbait iluna, oso gizatiarra. Ohiko egoerak deskribatzen dira, baina arrotzak zaizkigun uneak ere aurkituko ditugu.
Dokuteka_Nabarmena

11 Abu 2022

31 Ipuin

Ipuingintzako maisurik klasiko handienetako bat da Anton Txekhov idazle errusiarra. XIX. mendeko Errusiaren, gizakiaren eta munduaren erradiografia fina egiten du ipuin-liburu honetan, gizakiaren muineraino iristen dena. Bere garaiko gizakien miseriak eta bertuteak ikusi eta kontatzen dakien egilea da Txekhov eta emakumeen bizimodu kaskarra salatzen duela esan daiteke, zeharka bada ere, nola bizi ziren maisuki deskribatzen baitu.
Dokuteka_Nabarmena

10 Abu 2022

Jainkoaren seme

Cormac McCarthy idazle estatubatuarrak 1973. urtean idatzitako Child of God (Jainkoaren Seme) eleberria euskaratu du Igela argitaletxeak, Juan Mari Mendizabal itzultzailearen eskutik. Sevier konderri menditsuan kokatuta dago, Tennesseen, eta Lester Ballard izaki ustela da protagonista. Gizon bortitza eta etxegabetua da Lester, eta bere bizitza gizarte-ordenatik kanpo existitzeko ahalegina tamalgarria da.
Dokuteka_Nabarmena

10 Abu 2022

Mendekatzeak

Parisen jaiotako euskarazko eta frantsesezko idazle eta ikertzaile Txomin Peillenek idatzi du “Mendekatzeak” ipuin-liburua. Liburua osatzen duten bederatzi ipuinek mendeku-kasuak kontatzen dituzte. Izan ere, egilearen hitzetan, ia jende guztiak izan du edo izango noizbait mendekatzeko joera, eta oso ugariak dira gai honen inguruko kasuak.
Dokuteka_Nabarmena

09 Abu 2022

Samuel eta Slawo

Karlos Linazasoro idazle tolosarrak bere liburu guztietan landu izan dituen gaiak edo obsesioak islatu ditu ipuin-liburu honetan ere: umore beltza, gordina, absurdoa, muturreko egoerak… Pieza motzak dira, oro har, mikroipuinak eta narrazio laburrak, baina kontaketa luzeagorik ere bada tartean.
Dokuteka_Nabarmena

09 Abu 2022

Esaten ez den guztian

Bi ataletan antolatutako hamar narrazioz osatutako liburua da “Esaten ez den guztian” liburua. Lehena, mardulena, Ferrila izenekoa da, eta bigarrena, intimoagoa, Eserlekuak. Joan-etorrian, batetik bestera ibili behar izan duten pertsonaia anitzak aurkituko ditugu istorio hauetan, garai batean kokatutako kontaketetan trenez mugituko direnak, eta errepidean, autoz nahiz kamioiez, beranduagokoetan.
Dokuteka_Nabarmena

08 Abu 2022

Ez erran inori

Maddi Ane Txoperena idazle hendaiarraren bigarren lana da hau, 2020ko XIII. Igartza Sariaren irabazlea. Lide du protagonista nagusia, haurra zela, bizilagun baten eskutik sexu-abusuak pairatu zituen gaztea.
Dokuteka_Nabarmena

05 Abu 2022

Hamazazpigarrenean aidanez

Udalbiltzaren “Geuretik Sortuak” proiektuaren baitan kokatzen da bi liburukitan eskaintzen den “Hamazazpigarrenean aidanez” ipuin-bilduma. Egitasmo honek Euskal Herriko 25-30 herritan du kokalekua eta protagonista nagusiak kulturgileak dira. Zehazki, zinemagintza, literatura eta antzerkigintzako 20-25 kulturgile. Hautatutako herrietan egonaldiak egin dituzte kulturgile horiek, eta egonaldi horietatik, herri bakoitzaren historiatik eta errealitatetik abiatutako lanak sortu dira.

1 - 10 erakusten 30,000 emaitzetatik.

Biltegia

Dokuteka Lehen urratsak

Egiaztatzegintza

Ezagutu zure maila Azterketa-ereduak

Argitalpenak

Eskuliburuak Aldizkariak HABEren berriak

Liburutegia

HABE liburutegia Irakurgai mailakatuak

Euskaltegiak

Euskaltegiei buruzko informazioa

HABEren orriak

Habe Ikasten Irakasbil

Jarraitu