Jarduera
Aldaketa fonetikoak
Jarraian ikusiko ditugu hika aritzen garenean gertatzen diren aldaketa fonetiko ohikoenak.
Itzi eta Lander kale-zurrutean ari dira, beste lagun batzuekin. Maitasun kontuak tartean, harritzekoa...
Kale-zurrutean
Hauexek dira hika aritzen garenean ematen diren aldaketa fonetiko ohikoenak:
T + N/K => DA + N/K
Hau da, T => DA bihurtzen da, zeren bestela, bi kontsonante geratuko lirateke segidan.
Hori horrela, DIT adizkia, adibidez, ZIDAN/ZIDAK bihurtzen da.
Beste edozein osagai eransten dugunean, berriz:
DIZKIAT + (e)LA => DIZKIADALA
DIAT + (e)N => DIADAN
N/K + T (edo beste edozer osagai) => NA/A + T (edo beste edozer osagai)
Hau da, N eta K => NA eta A bihurtzen dira, zeren bestela, bi kontsonante geratuko lirateke segidan.
Hori horrela, DIOT adizkia, adibidez, DIOT => Z + IO + N/K + T => ZIONAT/ZIOAT bihurtzen da.
Kontrakzio fonetikoak
Ahozko erregistroan, euskalkietan eta azpieuskalkietan era guztietako kontrakzio fonetikoak gertatzen dira. Hona hemen adibideak:
Hi ez haiz hemengoa => Hi ehaiz hemengoa
Etxera etortzen haizenean => Etxera etortzehaizenean
Segi ezak aurrera! => Segizak aurrera!
