"Hori da kontua!"

K.- Horrela esan beharko genuke, euskara jatorra baita hori! Baina, kontu horietan baino gehiago "asuntuetan" ibili ohi gara. Hori da "asuntua", alegia.

N.- Horixe bai alferrikako kontua! Ez dago batere premiarik gaztelanizko "asunto"-ren itzalpeko "asuntu" hitza erabiltzeko. Horren ordez beste bi hitz, "kontua" edota "arazoa" erabil ditzakegu.

K.- Beraz, "hori beste asuntu bat da" esan beharrean?

N.- "Hori beste kontu bat da", edo "hori beste arazo bat da".

K.- "Hori ez da nire asuntua"...

N.- "Hori ez da nire kontua", edo "ez da nire arazoa".

K.- Eta, amaitzeko, "bat gatoz asuntu horretan"...

N.- Bada, ez!: "bat gatoz kontu horretan", edo "bat gatoz gai horretan".