"Goazen!"

K.- Euskaraz agintera egiteko modurik errazena aditza bere horretan erabiltzea da. Adibidez: "lasai egon", "ez esan hori", etab.

N.- Era berean, gauza bera esan genezake aditz laguntzailea jarrita. Esaterako: "lasai egon zaitez" edo "ez ezazue hori esan!"

K.- Dena dela, badira aginterazko aditz-forma batzuk izugarri erabiltzen direnak. Ikus ditzagun usuen erabiltzen diren batzuk: "zatoz" edo "zatozte hona!"...

N.- "Zoaz" edo "zoazte bakarrik!"...

K.- "Goazen elkarrekin"...

N.- "Datorrela bera!"...

K.- Hau esanik, "goazen" forma azpimarratu nahi dugu gaur, batzuek "goazen" esan ordez "goaz" esaten baitute, gaizki esanda, jakina. Beraz, "goaz etxera!" esan beharrean?

N.- "Goazen etxera!".

K.- "Goaz hemendik!" esan ordez?

N.- "Goazen hemendik!".