- Emango al didazu gaur gaueko saiorako sarrera bat?

- Ea zer ordu den... zazpiak laurden gutxi, denbora gutxi barru hasiko da. Begira, sarrerak egon badaude, baina ez daude oso leku egokian.

- Ba al dago baten bat eszenategitik hurbil?

- Ezta bat bera ere.

- Zer duzu, bada?

- Hirugarren solairuan dut bat, alde batean dago, baina ondo ikusiko duzu eszenategia.

- Konforme, horixe hartuko dut.

- Gela bat erreserbatu nahiko nuke.

- Banakoa ala birentzat?

- Bi lagunentzako gela bat, komuna duena. Posible bada, gosaria ere barne.

- Zenbat egunetarako?

- Ongi etorri. Nolakoa izan da bidaia?

- Primerakoa, eskerrik asko. Oso pozik nago hemen egoteaz.

- Afaltzeko garaia da. Nahi baduzu, jangelara pasa zaitezke eta guk maletak logelara eramango dizkizugu.

- Tokia interesgarria iruditzen zait. Nola joan behar da?

- Hegazkinez. Hegaldiak ordubete inguru irauten du.

- Eraman al dezaket nire katua?

- Ez da ohikoa eta, beraz, ez dakit. Galdetu egin beharko dut.

- Zer iruditzen zaizu bisita kultural bat?

- Ez, ez, nahiago nuke laku bat edota mendia.

- Ea zer aurkitzen dugun.

- Zer aholkatzen didazu?

- Bizkaiko kostaldera joan zaitezke. Gauza asko dago egin eta ikusteko.

- Ondo da, edozerekin ere gustura egongo naiz. Atsedena hartzea komeni zait.

- Merezi du bertara joatea, ikusiko duzu.

- Kontatuko dizut bueltan.

- Nora gustatuko litzaizuke joatea?

- Asteburuko bidaia bat egin nahiko nuke, natura ikusi eta eguzkia hartzeko.

- Zergatik ez duzu itsas bidaia bat egiten?

- Bihar bederatziak laurden gutxiagotan etorriko da autobusa zuen bila. Hementxe duzue ibilbidea, erabat azalduta, eta egingo ditugun ordutegiak. Garaiz ibiltzea oso garrantzitsua da aurreikusita dagoena bete ahal izateko. Jaka bat ere hartu behar duzue, hozten badu edo. Galderaren bat?

- Bai, nik, hemen... jakin nahiko nuke ordaindu dugunaren barruan dena sartzen den, hau da, jokoetarako sarrerak, otorduak...

- Sarrerak, bai. Bazkaria, menua bada, ere bai. Aparteko ezer eskatuz gero, zeuek ordaindu beharko duzue. Garbi al dago?