- Kaixo, antibiotikoak behar ditut.

- Ekarri al duzu errezeta?

- Bai, hementxe duzu.

- Besterik behar al duzu?

- Ez, besterik ez.

- Utziko al didazu osasun-txartela?

- Ai ene! Ez dakit hemen daukadan. Begiratu egingo dut.

- Txartelik gabe ezin dizkizut botikak eman.

- Begira, hementxe daukat.

- Erakutsi, mesedez. Eskerrik asko.

- Jauregi doktorea ikus dezaket?

- Orain ezinezkoa da. Nahi al duzu biharko ordua ematea?

- Ez, larria da.

- Ez kezkatu, guardiako sendagileak ikus zaitzake. Egongelan itxaron, berehala egingo dizute kasu.

- Zer gertatu zaizu?

- Zauri bat egin dut behatzean.

- Ikusten dut. Eta nola egin duzu, bada?

- Kristal bat nuen eskutan eta ertz batekin ebakia egin dut.

- Bai suerte txarra!

- Egun on, zer gertatzen zaizu?

- Bizkarreko minez nago.

- Erantzi berokia eta etzan zaitez hemen. Orain altxa zaitez, zutik jarrita, ahalik eta tenteen jarri eta poliki-poliki ibili. Oso ondo, jantzi zaitezke.

- Larria al da, sendagile jauna?

- Ez du ematen. Denbora asko ematen al duzu eserita?

- Bai, publizista naiz eta egun osoa ematen dut ordenagailu aurrean.

- Eserita zaudenean, bizkarra zuzen, ukalondoak mahaiaren altura berean eta bi oinak euskarri baten gainean jarrita eduki beharko zenituzke. Hala egiten al duzu?

- Gogoratzen naizenean bakarrik.

- Gaizki egina. Ariketa fisikoa egitea ere komeniko litzaizuke, adibidez, igeriketa; pentsatu behar duzu urteak ez direla alferrik igarotzen. A! eta noizean behin masajistarengana joatea gomendatzen dizut.

- Zer? Nola dago zure semea? Sendatu al zaio burutik beherakoa?

- Ez neska. Orain belarriko minez dago.

- Nik oso ona den mediko naturista bat ezagutzen dut.

- Bai? Nongoa?

- Hemen, inguruan du kontsulta. Enparantzako mediku-zentroan lan egiten du.