- Zer? Zer moduz geratzen zaizkizu galtzak?

- Oso ondo. Lasai antzean, baina horrela eramatea gustatzen zait. Erosi egingo ditut eta alkandora hau ere bai.

- Jantzi nahi al duzu?

- Ez, oparitzeko da. Bilduko al didazu, mesedez?

- Jakina. Dirutan ala txartelaren bidez ordainduko duzu?

- Dirutan. Tori.

- Eskerrik asko. Erosketa-txatela gorde ezazu, aldatu behar baduzu edo.

- Konforme. Arratsalde on.

- Arratsalde on. Ikusi arte.

- Arratsalde on. Lagunduko al dizut?

- Bai, jaka bat erosi nahi dut.

- Norentzat da? Zuretzat?

- Ez, nire bilobarentzat da. Ba al duzue jaka politen bat?

- Zenbat urte ditu?

- Zazpi urte bete ditu duela gutxi.

- Baditugu, bai, haurrentzako arropen sailean. Lagunduko dizut.

- Eskerrik asko.

- Ari al dira zurekin?

- Ez. Bikini gorri hau gustatu zait. Zer iruditzen zaizu zuri?

- Oso polita da, baina, agian, txikia geratuko zaizu. Nahi al duzu taila bat handiagoa ekartzea?

- Ez, ez da beharrezkoa, ondo geldituko zait. Jantzi al dezaket?

- Nahi duzun bezala, baina garbitutakoan pixka bat hartzea normala litzateke. Beste hau jantzi dezakezu. Begira, pixka bat handiagoa da eta kolore bereko zapia dauka.

- Eskerrik asko, zapia gustatzen zait, baina bikinia ez. Nahiago dut bestea.

- Zer jarriko dizut?

- Kilo-erdi azenario nahi dut.

- Besterik?

- Bi kiwi, mesedez.

- Nolakoak nahi dituzu?

- Nahiko helduak, ahal bada.

- Zer moduzkoak iruditzen zaizkizu hauek?

- Oso onak, eskerrik asko.

- Besterik nahi al duzu? Begira zein letxu ederrak!

- Zenbatean daude?

- Euro bat bakoitzak.

- Ez, eskerrik asko, beste egun batean. Ba al duzu tomaterik?

- Ez, sentitzen dut. Bukatu egin zaizkit.

- Eta tipularik?

- Ezta, ez zait alerik ere geratzen.

- Ez du axola. Zenbat da?

- Hiru euro.

- Tori, ba al duzu hogeiko kanbiorik?

- Bai, honekin bost, gehi hamabost, hogei. Nahi al duzu zorro bat?

- Ez, badut. Eskerrik asko.

- Agur, egun ona izan.

- Barkatu, zenbat balio du jertse honek?

- Ez al du etiketan jartzen? Harritzekoa!

- Ai ene, bai, hemen jartzen du! Ez al dago merkatuta?

- Bai, etiketan jartzen duena baino % 30 gutxiago balio du. Jantzi nahi al duzu?

- Ez, erosi egingo dut.

- Besterik nahi al duzu?

- Ez, kobratu, mesedez.

- Kutxaraino etorri nirekin, faborez.