- Arrieta Jauna... birpasatuko al dugu agenda? Ostiralean joango zara Bilbora.

- Ostiralean? Ostegunean joan behar nuela uste nuen.

- Osteguna jai-eguna da.

- Egia da! Ez nintzen gogoratzen.

- Ikus dezagun. Hiruretako hegaldirako txartelaren erreserba egin dut.

- Hain goiz?

- Ba, badakit ez dagoela tarte handirik, baina garaiz bazkaltzen baduzu, uste dut arazorik gabe iritsiko zarela.

- Arrazoi duzu, gainera, taxi batean hamar minututan iritsiko naiz aireportura.

- Halaxe da. Segi dezagun... Bilbora lauretan iritsiko zara eta Perrier Jaunak hirigunean itxarongo zaitu laurak eta laurdenetan. Bostetan, lantegiko bisita dago aurreikusita eta zazpietan itzultzeko hegaldia.

- Horrela, bederatzietan etxean lasai afaltzeko aukera izango dut.

- Zer ordutan jaikitzen zara normalean?

- Zazpietan, gutxi gora behera.

- Eta gosaldu?

- Segidan egiten dut, dutxatu eta jantzi ondoren.

- Eta zer egiten duzu gero, goizean zehar?

- Erosketak egitera joaten naiz ordu biak arte, orduan bazkaltzen dut.

- Eta zer ordutan hasten zara lanean?

- Arratsaldeko txanda daukat.

- Beraz, 9:00etatik 11:00etara etor zaitezke, ondo iruditzen bazaizu. Gogoratu eskolak beti garaiz hasten direla.

- Gaur ikaragarrizko lana izan dut. Leher eginda nago. Zortzietan iritsi naiz bulegora eta lan eta lan aritu naiz joateko garaia iritsi den arte.

- Zer ordutan bazkaldu duzu?

- Ordu bata eta erdietan. Baina bost minututan ogitarteko bat jateko denbora besterik ez dut izan eta gero, buelta! Ikaragarrizko gosea daukat...

- Kaixo, Idoia Salaberria naiz, ordua hartuta neukan gaurko, baina gaizki datorkit. Biharko alda al dezaket?

- Itxaron pixka batean, begiratu egingo dut. Bihar ezinezkoa da. Ondo al datorkizu hurrengo astelehenean, ordu berean?

- Ordu berean ezin dut. Beranduago izan al daiteke?

- Nahi baduzu, laurak laurden gutxiagotan.