Haitiko lurrikara eta ustezko solidaritateak

Irratiko iritzi-saio honetan Nora Arbelbidek Haitiko lurrikararen inguruan sortu den solidaritate dei, albistegietako irudi eta informazioak ditu hizpide.



Hiztegi lagungarria


Auzapez. Alkatea.

Berantago. Beranduago. Berez, garaiz ez dabilena da berandu dabilena. Baina hemen, geroago esan nahi du. Adibidez: Haitin lurrikara gertatu eta aste bat berantago hara zer gertatu zen Baionako aireportuan.

Biziki. Oso, erabat. Adibidez: Haitiarrak biziki haserretu dira helikopteroetatik botatzen dietelako jana.

Bizkitartean. Bien bitartean, ordura artean. Adibidez: Autobusa 25 minutu berandu etorriko omen da; bizkitartean mokadu bat jatera noa tabernara, bazkaldu gabe nago eta.

Ematen dute gogo. Gogoa ematen dute.

Galdegin. Eskatu. Adibidez: Libre da dirua galdegitea, ez ematea bezala.

Gertatu mirakulua. Gertatutako mirakulua. Adibidez: Suhiltzaileek 8 urteko haurra bizirik atera dute, lurrikara gertatu eta astebetera. Gertatu mirakuluak pozik jarri du haurraren aita.

Guzti horren esplikatzeko. Ipar Euskal Herriko euskaran, hori guztia azaltzeko. Adibidez: Arazoa korapilatsua da, alderdi asko ditu ilunak, eta guzti horren esplikatzeko oso urrun  jo behar da.

Hainbeste oren. Hainbeste ordu. Adibidez: Emaztea sosik gabe da; hainbeste oren eman ditu kasinoan!

Haitiarrak borrokan paketea nor eramanen etxera. Haitiarrak borrokan dabiltza, ea etxera nork eramaten duen janez betetako paketea.

Iduriz. Dirudienez, antza denez. Adibidez: Seme-alabak negar batean irten ziren zinematik; iduriz, oso sentiberak dira.

Lanjerosa. Arriskutsua. Adibidez: Piarres, emazte lanjerosak dituzu atsegin?

Lurrikara. (Lur + ikara): seismoa. Adibidez: Ritcherren eskala da lurrikaren indarra neurtzeko sistemetako bat.

Ohointza. Lapurreta. Adibidez: Guda guztietan izaten da ohointza franko.

Tratatu aitzin. Tratatu aurretik, tratatu baino lehen. Adibidez: Gai hori tratatu aitzin, beste horretaz hitz egin behar dugu, lehentasuna du eta.

Zuk zer berri? Zuk zer berri duzu, ze albiste dakarkizu?




Jaitsi


C2
2010-01-26
16499694
00:08:29
2764