Mario Calabresiren aita Luigi Calabresi polizia-komisarioa 1972an ezker muturreko terroristek erail zuten Milanen. Ikuspegi pertsonaletik aztertzen ditu semeak aitaren kontrako atentatuaren aurreko eta ondorengo gertaerak.  Calabresik argitasunez deskribatzen ditu Italian "berunezko urteak" deiturikoak, bere aitaren hilketa bere bizitzan eta bere familiarenean izan zituen ondorioak eta urte haietako terrorismoaren beste biktima askoren istorioak ere.

Virginia Woolfen Gela bat norberarena saiakerak emakumeak eta genero-rolak hartzen ditu aztergaitzat, idazle eta fikzioko pertsonaiak diren aldetik. Tradizio patriarkalaren barruan landutako emakumeen idazkuntzaz diharduen saiakera hau 1929an argitaratu zen, eta manifestu feminista inspiratzailea bihurtu zen berehala. 

Oksana Leprince Dubarryk idatzi eta marraztua, euskal kultura eta mitologiaren mundu harrigarrian murgiltzeko gonbidapena da. Liburuak alfabetoaren letra bakoitza euskal mitologiako izaki edo pertsonaia batekin lotzen du: sorginak, espirituak, jainkoak edo izaki fantastikoak. Egileak, kondaira eta istorio zaharrekiko pasioa duenak, herri ondare hau modu errazean eta koloretsuan partekatu nahi izan du, haur eta helduentzat ulergarri eginez.

Liburuak 65etik gora pertsonaia aurkezten ditu, bakoitza marrazki batekin eta azalpen labur batekin. Irakurtzeko liburu atsegina izateaz gain, euskal mitologiaren aberastasuna ezagutzeko tresna ona da. Irakurle gazte zein helduei zuzendua, Euskal mitologiaren hiztegitxoa tresna dibertigarria eta hezitzailea da, mundu misteriotsu bat ezagutzeko modu erraza eta erakargarria eskaintzen duena.

Eskuliburu honen bidez, Gizarte Psikologiara hurbiltzeko gonbita egiten da. Hain zuzen, eskuliburuak Euskal Herriko Unibertsitateko graduetan eskaintzen den Gizarte Psikologia irakasgaiko oinarrizko edukiak euskaraz lantzea ahalbidetzen du. Nagusiki, Gizarte Psikologiako teoria klasikoak eta oinarrizko kontzeptuak azaltzen dira eskuliburuan, eta edukiak barneratzeko zein haien aplikazioan trebatzeko jarduerak jasotzen dira. Landutako edukiak erabilgarri izango zaizkio irakurleari egungo jendartean pertsonek eta gizarte-taldeek dituzten pentsamendu, jarrera eta gizarte-portaerak ulertzeko. Zehazki, honako atalak jorratzen dira: Zer da Gizarte Psikologia? Selfa, Taldearteko harremanak, Eragin sozialen teoriak, Jarrera eta jarrera aldaketak, Egozpena eta, azkenik, Gizarte Psikologia kritikoa. Irakurleak ulermen-mailaz jabetzen lagunduko dioten erantzun 
anitzeko galderak aurkituko ditu gai guztietan.

Euskal Herriko landa-paisaiaren eraikuntza-unitaterik adierazgarriena landa-eremuko etxebizitza tradizionala da, alegia, neurri handi batean baserria. Mendeetan zehar garatu da, eta lurraldeko isurialde kantauriarreko ingurune ez-urbanizagarriarekin identifikatzen den irudi bereizgarri bat osatu du. Horrela, baserria eta paisaia ezinbestean lotuta agertzen dira, nahiz horrek ez duen esan nahi beste arkitektura batzuk ere ingurune  horretara egokitu ezin daitezkeenik.

Horregatik, paisaia horri eusteko, komeni da eraikin berezi horiek birgaitzea eta berrerabiltzea. Arkitektura horiek ingurunean kokatzeko modu bat dute, paisaiari erreferentzia egiten dion eraketa bat, eta, beraz, berrerabiltzeak, ex novo eraiki beharrean, mendeetan zehar garatu den paisaia horrekiko harreman espezifiko bati eustea dakar.

Helmuga bakoitzak haurrentzako ateraldi zehatzak eskaintzen ditu: oinez eta bizikletaz, ahal den neurrian ur guneekin bustitzeko eta jostatzeko. Orotara, 15 txoko eta 52 ateraldi eskaintzen ditu gidak, zehaztasun guztiekin. Gainera, haurrentzat interesgarriak diren hainbat gune ere aipatzen ditu: igerilekua,  kanpalekuak, jatetxeak, zuhaitz eskalada...

Pirinioetako haran urrun batean, hartz-hezitzaile batzuen ikuskizuna amaierara heldu da. Hainbat urtetan tratu txarrak jaso eta gero, hartza akituta dago. Indiarrak, hartzaren ibilera herren eta nekeetan lagun, bi adiskideen zoria gidatuko duen erabakia hartu du.  Biharamunean, bi feriatzaileak hilik agertu dira. Haatik, indiarra eta hartza ez dira inon agertzen.

Uda iristear dela, udalekuetan izena emateko garaia iritsi zaio Limari, aurrenekoz. Lagunekin batera joan nahi du; udalekuak, ordea, ez dira ohikoak, neska-mutil berezientzat pentsatuta daude. Superudalekuetara superbotereak dituzten nerabeak baino ez dira joaten. Bertan, dohain berezien jabe diren gaztetxoek beren trebeziak landuko dituzte. Ustekabean hartuko du Limak Markos ere joatekoa dela. Limarentzat, oso berezia izan arren, mutil arrunta zelakoan zegoen. Zur eta lur geratuko da erdi jainko erdi gizaki dela jakitean. Hori gutxi balitz, Maia amak beste botere berri bat iragarri dio: aurrerantzean, zentzumen guztiak garatuko zaizkio; hipersentikorra bihurtuko da. Ondorioz, dena biziko du intentsitate handiagoz: usainak eta zaratak ez ezik, baita nahigabeak, alaitasunak eta beldurrak ere...

Demagun bizitza oihal bat dela. Demagun oihal horrekin neurriko jantziak jos daitezkeela. Demagun Jostorratza eta haria hauxe dela: ama batek jaiotzear dagoen alabari oparitzen dion josteko manuala, patroiak eratuz, txatalak batuz eta urradurak errepasatuz neurriko soinekoak molda ditzan bizitzaren oihalean.

Gurasoak etxean ez daudenean, Ulises, Nora eta Brunomisteriori gauza arraroak gertatzen zaizkie. Oso-oso arraroak. Zorionez Txatxu daukate, hitz egiten duen txakurra. Txatxuri, gainera, arrastoren bat aurkitzean sudurra txistuka hasten zaio! Oraingoan, hiriko animalia guztiak letxuga bihurtu dira.Txakurrak, katuak, kanarioak eta baita iguanak ere, orain entsalada egiteko moduan daude denak.