EAEko Haur Hezkuntzako geletan gaur egun dagoen askotariko heterogeneotasuna abiapuntu, artikulu honek euskararen jabekuntzaz, euskara H1 izanik, dakiguna berrikusi eta eskolan egiten den jabekuntzaz orain arte egindako ikerketak kritikoki aztertzen ditu. Halaber, gerora begirako ikerketa erronka bi plazaratzen ditu: batetik, euskararen H2 jabekuntza edo garapen prozesua eskolan xehetasun linguistiko handiagoarekin deskribatu behar da H1 jabekuntzaren arloan lortu den zehaztasuna bermatze aldera; bestetik, H2 jabekuntzari dagokionez eskolako esku-hartzearen alorrean garai bateko irakas-estrategiak egun indarrean dauden eta eraginkorrak diren ikertu behar da hizkuntzaren garapen prozesuan irakasleek beren lana hobeto egin dezaten.

Euskaltegiratze-prozesua eragotzi edo baldintzatzen duten faktoreak aztertzeko ikerketa egin zuen 2023an Siadecok, HABEren enkarguz. Horretarako, bi inkesta egin zituen, euskaltegietan ez matrikulatzeko faktoreak ezagutzeko helburu orokorrarekin:

1. Euskaraz ez dakiten EAEko bost mila biztanletik gorako 25-65 urte arteko biztanleei inkesta, jakiteko zein diren euskaltegian ez matrikulatzeko dituzten arrazoiak.
2. Azken bost urteetan euskararen ikasprozesua amaitu gabe euskaltegia utzi dutenei in-kesta, jakiteko zein faktorek izan duten eragina haien erabakian.

Euskaltegietan desgaitasuna duten ikasleei buruzko ikerketa egin du Siadeco Ikerketa Aplikatuaren Elkarteak HABEk eskatuta. Ikerketa honen helburu nagusia da helduen euskalduntzearen jardunean desgaitasuna duten pertsonen analisia egitea: egungo egoera zein den eta etorkizuneko erronkak zein izango diren.

Dokumentu honetan, beraz, ikerketarekin zerikusia duten aspektu nagusiak jasotzen dira: lanketa kuantitatiboarekin nahiz kualitatiboarekin zerikusia dutenak.

Zuk zeuk egitearen ederra liburua norberak bere egunerokotasunean behar izaten dituen kosmetikoak egiteko gida teoriko-praktikoa da. Gorputzeko atalak garbitu eta zaintzeko oinarrizko informazioa jasotzen du, baina batez ere, kosmetiko eraginkorrak norbere etxean modu seguruan egiteko liburu praktikoa da.

Sendabelarretatik abiatuta egingo dugu lan baina gorputza eta lurra ez kutsatzeari eman zaio lehentasuna. Etxeko guztientzat kosmetika oinarrizko bat nola egin azaltzen da eta ongi egindako kosmetika segurua hautatzen jakiteko informazioa eta irizpideak ematen dira.