Bere auzoko biltegi zahar batean zerbait izugarria ikusi du Ritak: zilarrezko txori bat. Etxera itzultzean, osaba Danielek kontatzen dio, elezahar batek dioenez, zilarrezko txori bat ikusten denean, desio bat eskatzen bada, bete egiten dela. Ritak ez du ezer eskatu eta txoria ikusi nahi du berriro.

Erregaliztarrek ez dute ulertzen zer zaila den mutil batekin ateratzea. Eta, era berean, ez dakite zer gaitza izan daitekeen ohe elastikoko jauzi lehiaketa batean parte hartzea, zure lagunik onenari lekua kendu diozunean. Hala ere, Dottek bi erronka garrantzitsu horiei aurre egin beharko die.

Erregaliztarrak guztiz harrituko dira Fannyk bere itxura aldatu nahi duela adierazten dienean. Izan ere, mutiko itxura omen duelako ziria sartzen diotela eta, neka-neka eginda dago. Eta berdin harrituko dira talentu lehiaketa batean finalista geratu nahi izango duenean, bere ametsa betetzeko: zaldiz ibiltzen ikastea.

Basoan bizi zen Nadia, ama, neba eta osabarekin batera. Baina Lukas ezagutzeak tximista baten zirrara sentiarazi zion, adiskidetasun baten hasiera... Eta, gerora, oso gerora, poema liburu bat deskubritzean, Nadiari haur denborako oroitzapen haiek etorri zitzaizkion gogora.

Lennartek berriro ere mahai teniseko txapelketa irabazteko asmoa du. Primeran ari da entrenatzen, baina, bat-batean, guztia aurka jarri zaiola ematen du: aurkaria aldatu diote. Michaelek txapelketarako pala hautsi dio, epaileak ez du erabaki zuzenik hartzen, eta, are okerragoa dena, Lennarti jokoan eragina izango duen xantaia egin diote... Lagunekin batera saiatuko da errudunak topatzen.

Linhen idolo handia, Yamada Yuuto judoko maisua, ikastetxera etorri da bisitan. Linh poz-pozik dago: maisuaren laguntzaile pertsonala izateko eskatu diote! Baina kontua zaildu egingo da; izan ere, Yuuto aurretik ezer esan gabe desagertu egiten da maiz. Itzultzen den bakoitzean, lur jota eta urduri egoten da. Bost Izarrek arrastoari jarraitzea erabaki dute. Okerreko eskuetara iritsi behar ez duen liburu baten bilaketa arriskutsuan sartuko dira laster.

Bost Izarren ikastetxeko olinpiada txikietarako prestaketa lanak abian dira. Neska-mutilak sekula baino gogorrago ari dira entrenatzen. Domina asko irabazteko aukera duten arren, gauzak okertu egin dira lehen egunetik. Ustekabekoak bata bestearen atzetik ari dira gertatzen eta norbaitek sabotajea egin nahi diela dirudi.

Elenek hamaika urte ditu, biolina jotzen duen nobio makarra bat, eta neba jaioberri bat: Xabat. Parkera edo kalera ateratzen direnean, jende guztiak egiten dio kasu niniari, amari, Eleneri... baina inork ez du ikusten aita: ikusezina bihurtu ote da?
Umorea eta abenturak elkartzen ditu Julen Gabiriaren nobela honek; zinema-zaletasuna, neska-mutilen arteko harremanak, gizarteak aita-amen zereginak nola ikusten dituen... Hori guztia ederrago eta dibertigarriago egiten dute Patxi Gallegoren marrazki jenialek.
 

Liburu hau urte luzetan Zirkuituen Teoria irakasgaiaren edukiak irakatsi dituzten zenbait irakaslek, denak UPV/EHUko Ingeniaritza Elektrikoa Sailekoak, egindakoaren sintesia da. Bertan, zirkuitu elektrikoen analisia egiteko beharrezkoak diren oinarrizko kontzeptu, lege eta ebazpen-metodoak aztertzen dira. Abian diren ingeniaritzaren arlo desberdinetako graduetako ikasleek teknologia elektrikoaren oinarriak lantzeko beharrezkoak izango dituzten edukiak jorratzen dira, zirkuitu elektrikoa osatzen duten osagaiak aztertzetik hasita, elikadura-mota desberdinetako zirkuituen jokabidea aztertzeraino, hala nola korronte zuzena, alterno monofasikoa eta trifasikoa, eta zirkuituan gertatzen diren energia-trukeak lantzeko irizpideak ere kontuan
hartzen dira.

Irakurleak aukera izango du arlo elektrikoan modu xume eta praktikoan murgiltzeko, eoriaz gain, argibide eta adibide ebatziak aurkituko baititu. estalde, liburuaren azken zatian ingeniaritza elektrikoan eta elektronikoan erabiltzen iren kontzeptu espezializatuagoak azaltzen dira. Hala, zirkuituen erantzun iragankorra ztertzeko teknika klasikoa eta Laplace-ren transformatuaren metodoa landu dira. Ondoren, i ateko sareen modelizazioa laburbildu da. Azkenik, zirkuitu elektrikoei aplikaturiko ourier-en analisia eta Bode-ren diagramak deskribatu dira.
 

Klima gogorretako animaliak izotz-hormako eremu izoztuetan, basamortuetako hondar beroetan, mendietako gailur garaietan eta ozeano zabalean bizi dira. Deskubritu muturreko klima dagoen eskualdeetan bizi diren animalien mundu harrigarria, 500 argazki inguru, lau tolesgarri, errekorrak eta informazio harrigarri ugari duen liburu eder honetan.