Aspalditik kontatu izan dizkiogu elkarri kontuak, eta aspalditik kantatu izan dugu elkarrekin. Lehen kantari eta kontalarien artean emakumeak zeuden, beti egon izan dira emakume idazleak. Orduan, zergatik ez zaigu ia haien berririk heldu? Historiaren diskurtsoa egunero sortzen da, aurrekoengandik jaso dugun narrazioa moldatuz doa aurkikuntza berriekin eta begirada garaikideekin. Horretan saiatu gara hemen, zapaldutako kolektibo baten diskurtsoak eta praktikak ekartzen: euskal literatura klasikoan emakume idazleek egindakoaren berri ematen.

 Caragek mendietara itzultzeko ametsa du, bere puma familiari bisita egitera. Baina Andrew Milling etsai izugarriaren aliatu berriek asmoa zapuztuko diote. Bitartean, Holly katagorri hezigaitza amorratzen dabil arazo larri bat dela eta: barnetegia uztera behartu nahi dute!

Herta Müllerrek kontatzeko modu berri bat asmatu du: ahalik eta gehien kondentsatutako hizkuntza batean, errealitatearen eta surrealismoaren arteko eszena kezkagarriak osatzen ditu, teknika harrigarriz eta gustu bikainez mihiztatutako hitz eta irudi zatiz baliatuz. Pixkanaka-pixkanaka, umiliazio, larritasun eta atsekabe istorio bat kontatzen da hemen. "Funtzionarioak esan zuen" lanaren poema-collageek kontatzen dute, garraztasun ironikoz eta goxotasun enpatikoz, errefuxiatu baten egoera: harrera herrialde batera iritsi eta aparatu burokratikoak duen eragina bere degradazioan.

Nire ikastetxean hamazazpi andereño daude, eta erotuta dagoen bat. Nire izena Blas da. Bosgarren mailakoa naiz eta gure ikasgelak yoga, baratzea eta kuxinak dauzka. Nire andereñoa Nadiel da, eta erotuta dago. Beraz, hau ohiz kanpoko istorio bat da: nire ikastetxeko eguneroko bizitza.

Desertuko harea galtzerdietan oraindik, Beijingera joan beharko dute Uxuek eta Jokinek. Han, mundua kontrolatzen saiatzen ari den pertsona nor den jakingo dute, azkenean. Baina zer da Shenlong proiektua?

Eta zergatik da hain garrantzitsua dragoiaren bihotza?

Gero eta gehiago, besteek egindako produktu eta teknologien menpeko gara, baina gero eta gehiago dira, halaber, bizimodu naturalago baten bila dabiltzanak: naturarekin kontaktu handiagoan, erritmo lasaiagoan, izadiaren zikloekin lotuago. Aiora Urbieta egileak urte osorako eskuliburu ilustratu bat ondu du, urtaro bakoitzean, bai gure etxerako bai gure gorputzerako balio duten errezeta eta proposamenak eskainiz: xaboiak, ukenduak, sendabelarrak, errezetak

Lan honek hiru zati nabarmen bereziak ditu. Lehenbizi Blas Fagoaga euskaltzainaren bizi-ibilbidea aztertzen da. Jarraian, Fagoagak idatziriko Breve diccionario etimológico de apellidos toponímicos, etc. fáciles de retener hiztegiaren edizio egokitu eta eguneratua dago irakurgai eta, azkenik, egile berak idatzitako hiru sermoien azterketa egiten dute lanaren prestatzaileek.

Armarriek beti zerbait kontatzen dute gutaz. Gipuzkoakoa ere, gure historiaren ispilua da.

Gipuzkoako armarri bihurtuko zenaren lehenengo zigiluan, XV. mendeko gipuzkoarrek gure herriaren historia kontatu nahi izan zuten. Eta bertan beraien nafar sustraiak agertzen ziren.  Baina hau ez zen Gaztelaren gustukoa, eta kanoiak ezarri zituzten, euskaldunon arteko zatiketa indartzeko. Hori gutxi ez, eta lehen armarri haren esanahia ere aldatu ziguten.

Hau da Gipuzkoako armarriaren historia, aske izan nahi izan duen herri zatitu baten isla.