1976ko martxoaren 3an poliziak bost langile hil zituen Gasteizen asanblada bat egiten saiatzen ari zirenean. Hiria eraberritzen ari zen eta gertakizuna suzko bataio baten modukoa izan zen.

Sarraskira heltzeko, hala ere, aurreko bi hilabetetako grebaren nondik norakoak ezagutu behar dira: aurrekariak, langileen kontzientziazioa edo Batzorde Ordezkatzaileetan oinarritutako eredu asanblearioa.

Liburua elebitan (euskaraz eta gaztelaniaz) argitaratu da, eta irakurleak Hungariako kaldereroen konpoartsaren bilakaerari buruzko hainbat pasarte irakurtzeko aukera izango du, 1884.urtean sortu zenetik, aurretik 1828.urtean desfilatu zuen beste konpartsa baten kontakizuna ezagutzeko aukera emanaz, eta 1955etik 2005era egondako konpartsa kopurua laburbilduz.

Halaber, liburuak gizartearen bilakaera eta horrek kaldereroen konpartsan nolako eragina izan duen eta aldaketei nola aurre egin dien jasotzen du, eta horrekin batera hainbat partitura zahar ezagutzeko aukera ematen du.

Erantzun argirik gabeko galderei erantzuten saiatzen da, besteak beste, nortzuk ziren kalderero horiek? Nondik iristen ziren eta non finkatzen ziren? Zer bide erabiltzen zituzten? Benetan Hungariakoak ziren?

Eleberri historikoa da, egiazko gertakizun batean oinarritua, protagonista egiazko pertsonaia bat delarik: Egeria, mendebaldeko lehenbiziko emakume bidaiaria eta idazlea. Guregana heldu den bere testutik abiatuta, Ibilbidea liburutik alegia, Testu Zaharrak argitaletxeak argitaratua eta Maite López Las Herasek euskaratua, IV. mendeko emakumearen bidaia luzea kontatzen da, Gallaeciatik Lur Santuraino. Ibilbidean zehar protagonistak biziko dituen gorabehera anitzak agertuko dira, orduko testuinguru berezian eta nahasian kokaturik, Erromatar Inperioaren gainbeheran eta Kristautasunaren hastapenetan, hain zuzen.

Utopiaren belaunaldia Angolaren independentziaren atarian eta ondorengo urteetan hezitako belaunaldi baten ibilbide intimo eta kolektiboa da.

Pepetelak Lisboako Ikasleen Etxetik ekialdeko fronteko gerrillara, eta handik gerra zibilaren nahasmenera eta utopiaren hondarretara daramatza bere pertsonaiak –Sara, Aníbal Jakintsu, Malongo eta Vítor Mundial–, eta haien bizitzak beren artean eta beste pertsonaia batzuekin gurutzatzen ditu, herrialde oso baten historia zatikatuaren ispilu gisa. Lau garai nagusitan egituratutako eleberriak idealismoaren sorrera, borrokaren gogortasuna eta askatasunak ekarritako kontraesanak erakusten ditu, itxaropenaren eta porrotaren arteko tentsio etengabean.

Alex Garmendia, baserritar harakin baten eta kantari ye-ye baten alaba, ikus-entzunezkoen gidoigilea, imajinazio sukartsu baten jabea, krisi edo aldaketa betean murgilduta dabil. Pandemian gurasoak hil eta haien herentzia jaso berritan, dena utzi (lana, etxea, bikotekidea) eta bere baitan arakatzen hasten da, familiako sekretuetan aztarrika, iraganean bere ondoezaren gakoa aurkitu nahirik edo.

Liburu honen argitalpenarekin, Hernaniko Udalak eta Hernaniko herriak zor historikoa kitatu nahi dute, 1936 eta 1959 urteen artean Gerra Zibila eta Lehen Frankismoa ezagutu eta pairatu zuten guztiekiko. Tamalez, urte asko igaro dira gertaera haietatik, eta garai hura bertatik bertara ezagutu eta sufritu zuten lekuko asko eta asko jada ez daude gure artean. Liburu honek eurentzako omenaldi bat ere izan nahi du, gertatu zenaren egia eta oroimena berreskuratuz.

Gerra Zibila eta ondorengo frankismoa izan ziren Hernanik, eta Euskal Herriak, XX. mendean bizi izan zituzten gertaera krudel eta tragikoenetako batzuk. Liburu honekin izen-abizenak jarri nahi dizkiegu sufritu zutenei, era guztietako zigor eta errepresioak nozitu zituztenei, izan heriotza, erbestea, kartzela, kontzentrazio esparruak, lan behartuak edo beste edozein...

Donostia International Physics Center-ek 25 urte bete ditu. Elkarrizketatutako 48 pertsonek, euren testigantzen bidez, DIPCren ibilbide bikaina ahaldibetu duten zedarriak aletu dituzte. Hasi Pedro Miguel Etxenikek Donostian fisikaren ikerketarako zentro bat sortzeko asmoa azaldu zuenetik, eta gaur egungo errealitateraino, hau da, balizko zentro hura mundu mailako erreferentzia puntua izatera iritsi arte.

Udalbiltzako Geuretik Sortuak proiektuaren barruan sortutako literatura-bilduma honetan, hamaika idazlek hamaika ipuin sortu dituzte, bakoitza Euskal Herriko gune batean kokatua.

Liburu honetan, Pako Garmendia 1996ko irailetik 2001eko ekainera, Euskaldunon Egunkarian, Seiko Urrea atalean, idatzi zituen 133 iritzi-artikuluak berrargitaratzen dituzte.

Euskal Herriaren historiaren une istilutsuan (langabezia tasa altuak, erailketak, bahiketak, kale-borroka...) idatzi ziren eta zirrara eta pentsamendua sortzen duten 133 altxor dira.

Liburu hau memoria ariketa bat da: 36ko kolpe militarraren biktimen eta senitartekoen memoria; lur azpian idatzitako memoria, hamarkadetan zehar hobitik atera dena; gaur egun belaunaldi gazteenei transmititzen zaien memoria.