Novedades - Liburutegia

Euskal biblioteka

15/03/2023 | 345

Joseba Aurkenerenaren lana 31 ipuinez osatutako eleberria da, jatorria itxialdian duena eta erretirodunen elkarte bati gertatutakoa biltzen duena, errealitatea eta fikzioa uztartuz. Bidasoaldean, Gipuzkoako, Lapurdiko eta Nafarroa Garaiko jendeak biltzen diren eremu zabalean, era guztietako elkarteak sortzen dira, gizarte arlokoak, kulturalak, erlijiosoak, gazteendakoak..., eta abar. Zaharrak ere, edo hobeto erranik, adinaren neguan direnak, hainbat elkartetan biltzen dira. Bada Beti Gazte izeneko elkarte bat Bidasoa ibaiaren bi aldeetan aritzen dena, eta gazte izandako ainitz bere baitan hartzen dituena. Hirurehun bazkide gutti gora-behera, eta bere lokaletan biltzeaz gain, bestelako ekimenak, bestak eta bidaiak antolatzen dituzte. 2020ko maiatzean bidaia bat antolatu zuten Italiako Milan aldera, baina koronabirusa zela eta, hotel batean konfinatu zituzten eta hor egon ziren hilabete bat ezin ateraz eta Euskal Herrira ezin itzuliz. Hogeita hamaika egun osora. Erraz erraiten da, hogeita hamaika egun hotel batean konfinatuta! Baina lehen afariaren orduan, kafearen tenorean, Pette hendaiarrak eramandako botila bat patxaran pasatu zuten mahaiz mahai, eta baita laster hustu ere. Muturra berotzean, lehen kantuak entzun ziren. Gero, txistuaren erritmoari jarraiki, dantzari ekin zioten, eta akitu zirelarik, baten batek ipuin bat kontatu zuen. Hortik aitzina, eta hogeita hamaika egunez, gauza bera egin zuten. Ipuin horiek guztiak dira hemen bilduta daudenak.

Euskal biblioteka

15/03/2023 | 238

Nire Sarajevo

Hegan / Ivan Poyato del Río (lehenengo saria). Sarajevo zainetan / Iraitz Legarra Basterrechea (bigarren saria). Nire Sarajevo! / Eneritz Leniz Larrabaster (hirugarren saria). Los imperfectos / María Pilar López Vallejo (primer premio). Los imperfectos / Javier Peñalba Hernández (segundo premio). Los redimidos / Jon Ander Garazabal Martínez (tercer premio)

Euskal biblioteka

15/03/2023 | 329

Otsoa etorriko da

28 urte ditu Maiderrek, berak bakarrik hazten duen zazpi urteko seme bat, Iraitz, eta beste hainbat arazo: Unax neba gaztea desagerturik dago duela bi urtetik, eta hilketa baten egilea dela uste du poliziak; lantokian, Legarra ugazaba eskuluzeak beregan jarri ditu begiak; eta, gainera, txikitan abandonatu zituen aita hilzorian dagoela-eta, haren andre-lagunaren deia jaso du, mesedez ikustera joateko Bartzelonara.

Euskal biblioteka

15/03/2023 | 302

Nire baitako ahotsak : mikroipuinak

Azal hauen barruan hainbat mikroipuin dituzu zain. Askotariko gaiak eta egoerak. Ustekabeak ere bai. Erraz irakurriko dituzu. Aise sartuko zaizkizu. Irakurritakoan, kontakizun horien atzean dauden mikromunduak ezagutzera gonbidatuko zaitu autoreak. Eta, amaieran, erronkatxoa botako dizu, irakurketa pasibotik idazketa aktibora pasa zaitezen. Ahalduntze literarioa? Deitu nahi duzun moduan, baina eutsi erronkari!

Euskal biblioteka

15/03/2023 | 213

Lapurtzea oso gaizki dago

Sancho nire lagunik onena da eta, egunaren arabera, nire etsairik handiena. Bihurrikeriak egiten ere aditua da. Egun batean masillazko pilota jauzilariak egitea bururatu zitzaion. Eta pilota jauzilari erraldoia egitea ideia tentagarriegia da ez kasurik egiteko. Arazo bakarra zen masillarik ez geneukala... Nik ez nuen lapurtu nahi, ez naiz lapurra. Mutiko txintxo samarra naiz. Baina lapurreta plan eder bat egitea erakargarria zitzaidan. Gauzak, ordea, azkar korapilatu ziren... Nik esana nion Sanchori: LAPURTZEA OSO GAIZKI DAGO!

Euskal biblioteka

15/03/2023 | 237

Cube Arts

Batxilergo 1. mailako ikaslea da Takuto. Halako egun batez, etxean jaso du Cube Arts izeneko jokoaren demo bertsioa. Beta test-erako aukeratua izan da! Errealitate birtualeko kaskoa jarri bezain laster, blokez egindako mundu amaigabe bat azaltzen da bere aurrean. Sandbox joko aske honetan, aukerak mugagabeak dira: mineralak bilatzea, eraikitzea, armak egitea, abeltzaintzan jardutea, ehiza egitea... edo borrokatzea.

Euskal biblioteka

15/03/2023 | 210

Krutwig : bere mendeurrenenean berrirakurtzen

Getxoko poeta eta politikariaren bizitza, ideia eta lanak jasotzen ditu kaleratutako liburuak. 13 artikuluk osatzen dute, eta horiek sei ataletan bereizita daude: biografikoak; hizkuntza, itzulpengintza eta literatura; Helenismo klasikoa, filosofia eta pentsamendua; jakintza baitha; historia eta politika; eta sozioekonomia.

Euskal biblioteka

09/03/2023 | 379

Burujabetzaren bidetik : bakoitzak urraturik berea, denon artean geurea

Lan honen orrietan aztertzen da “herrigintza”ren (edo komunitate ekintza tradizionalaren) zein balio erabil daitezkeen gaur egun gizarte, ekonomia, kultura eta politika gaiei heltzeko, demokrazian bizitzeko eta elkarrekin bizitzeko erronka diren aldetik.

Euskal historiak, esperientzia tragikoekin batera, bizikidetasun demokratikoa hobetzeko mekanismoak eta inspirazio-zioak (“auzogintza”) eskaintzen dituela diote egileek eta premisa horretatik abiatzen dira.

Euskal biblioteka

07/03/2023 | 428

Kirol hastapena : erredimendu, osasun, kirol ohitura eta garapen integralerako jarraibideak : lan zientifikoen berrikustetik eratorritako txosten teknikoa

Ondorengo txostenak Eskola Kirolaren Euskal Batzordeak Euskal Herriko Unibertsitateko (UPV/EHU) Gorputz eta Kirol Hezkuntza Saileko irakasle talde bati egindako eskaera bati erantzun nahi dio. Zehazki, txosten honen bidez, kirol hastapenean programaren orientazioak eta ezaugarriek, parte-hartzaileen hasierako adinak, praktikatutako jardueren aniztasunak, praktika ordu kopuruak eta lehiatzen hasteko adinak kirol errendimenduan, osasunean, kirol ohituretan eta garapen pertsonalean duen esanahia eta inpaktua aztertzen duten erreferentziazko ikerketa zientifikoak gainbegiratu eta berauetatik eratorritako ondorio nagusiak zein gomendioak aurkeztu nahi dira.

Euskal biblioteka

07/03/2023 | 238

Hego Euskal Herriko ekonomiaren trantsizio ekosozialerako bide-orriaren proposamen bat

EAEko eta Nafarroako ekonomiaren kartografia Hego Euskal Herriko egitura ekonomikoa etorkizun hurbilean mantentzeko mugak Eredu sozioekonomikoa eraldatzeko bide orria eraikitzeko hausnarketa orokorrak Hego Euskal Herriko ekonomiaren trantsizio ekosozialerako bide orria Ondorioak eta proposamen estrategikoak