Novedades - Liburutegia

03/11/2022 | 194

Ordu arte inork ez zuen halakorik ikusi, tamaina horretako katamotz bat iparraldeko lurretan. Baina ulertzekoa da, Kgosi lehoia baita. Zer dabil bere etxetik hain urrun? Zer dela-eta elkarbanatzen du gorputza animalia haragijaleak sarraskitzen dituen deabru odolzale batekin? Kgosi itsasoaz haraindiko erresumara bidaiatuko da Wilt ezusteko bidaidearekin batera. Bidean Kgosik egia aurkituko du eta, honenbestez, bere burua ezagutzeko eta herria liberatzeko mudua egingo du.

03/11/2022 | 181

Kurdistan : argi bat ekialde hurbilean

Herri kurdua ez da txikia, ezta bazterrekoa ere. Kurduak Ekialde Hurbileko herririk garrantzitsuenetakoak dira, turkiar, arabiar eta persiarrekin batera. Aurreko hiruren antzekoa litzateke Kurdistan, azalerari, biztanle kopuruari eta hizkuntzaren hiztunei erreparatuta. Alabaina, ez dute estatu-egiturarik sortu, ez bateraturik, behintzat, eta Turkia, Irak, Iran eta Sirian banatuta daude, hurrenez hurren, Bakur, Baxur, Rojhelat eta Rojava izena duten eskualdeetan. Azken urteotan Ekialde Hurbilean gertatutakoak eraman gaitu mendebaldarrok kurduengan arreta berezia jartzera. Rojava, adibidez, utopiaren sinonimo bihurtu da. Han, zatiketa eta ezinikusi etniko, erlijioso eta politikoen gainetik, demokrazia erradikala, udalgintza, desberdinen arteko begirunea eta emakumeen ahalduntzea sustatzen ari dira. Alegia, oasi moduko bat fundamentalismoen basamortuan.

03/11/2022 | 202

Korapiloak

Liburu hau bizirik dauden sei istoriok osatzen dute, eta irakiten dagoen salda bat da. Bertan, berebiziko garrantzia duten eta gure inguruan pil-pilean dauden tabu gaiak ezagutarazten dira. Argia ikusi dezaten, normalizatzen saiatu gaitezen eta sendatu ditzagun

02/11/2022 | 190

Holakoak dira gure hilekoak

Hilekoa, menstruazioa... Zer da? Zer gertatzen da etortzen ez bazaigu? Zer erabil dezakegu etortzen zaigunean? Modu berean bizi al du jende guztiak? Holakoak dira gure hilekoak askotariko gorputz eta bizipenen bidez mintzo zaigu menstruazioari buruz, irudiz, umorez eta ikuspegi feministaz. Hemen ikusiko dituzuen istorioak EsCarolota ilustratzaileak hainbat pertsonarekin izandako solasaldien emaitza dira. “Lagungarria da hilekoaz mintzatzea, beste bizipen eta ikuspegi batzuk ezagutzea; burua zabaltzen laguntzen digu horrek, eta hazten ere bai”, azaltzen du egileak.

02/11/2022 | 192

Hezurrezko kaiolak : Amaiurtik konstelazioak

Amaiurko konkistaren 500. urteurrena dela eta, poesia-liburu ilustratu bat aurkeztuko du Amaiurko Gaztelua Elkarteak irailaren 16an Arraiozen: ‘Hezurrezko kaiolak. Amaiurtik konstelazioak’, Hasier Larretxea Arraiozeko idazleak idatzia eta J.A. Perotxenaren ilustrazioak dituena. “Liburu honek Lauaxeta poetaren lekukoa jasotzen du, hain zuzen ere 1931n ‘Arrats beran’ liburuan, euskal kantagintzak hainbestetan bertsionatu zuen ‘Amaiurko gaztelu beltza’ poema famatua idatzi zuena”

02/11/2022 | 193

Itsasoan urak handi

Aimek Haurren Hiria hankapean hartu eta ihes egin behar izan dute Haur Basoetakoak eta Lo-Li-Tak. Itsasora egin dute jauzi, haragoko ertzen batean askatasuna eta bizimodu hobea aurkituko dituztelakoan. Doazen lekura doazela, ordea, txakurrak ortozik. Haur Basoetakoak eta Lo-Li-Tak ez dakiten arren, Aimassad (Aimen zerbitzu sekretuak) gainean izango dituzte uneroro munduan barna egingo duten oztopoz beteriko bidaian. Askatasuna garesti dago nonahi, esperantza izpiak ere bai, baina Orhiko xoriak Orhira nahi. Partitzea zaila bada, itzultzea ez da samurragoa izango, itsasoan urak handi baitira.

02/11/2022 | 201

Penalti ikusezinaren misterioa

Ipar-haizeak jotzen duenean, Sevilla la Chican edozer gauza gerta daiteke: penalti-puntuak desagertzea, hain justu Soto Alto taldeak kategoriaz ez jaisteko lehiatu behar duenean; edo inork ez jakitea non dagoen Radu, hau da, eskolako bedela, penalti-puntuak margotzearen arduraduna; edota zure gurasoen lagun batzuk, balbuenatarrak, zure etxean egun batzuetarako geratzea eta den-dena hankaz gora jartzea. Hortaz, argi ibili, Futboleroak, ipar-haizea dabil-eta…

02/11/2022 | 187

Arazo hegodun bat

Moonvillen gauza bitxiak gertatzen dira beti, baina lehenengo aldia da zerutik kaka purpurinaduna erortzen dena!

Moonvillen gauza bitxiak gertatzen dira beti, baina lehenengo aldia da zerutik kaka purpurinaduna erortzen dena! Nonbait, erruduna aberetxo hegalari bat da, erdi txerria erdi unikornioa. Anna Kadabrak eta Ilargi Betearen Klubeko beste lagunek babestu egin beharko dute, bestela berehala etorriko baitira haien etsaiak… Sorgin-ehiztari maltzurrak!

02/11/2022 | 186

Ilargi Betearen Kluba

Nor ote da Annari edonora jarraitzen dion katu misteriotsu hori?

Anna haserre bizian dago: utzi egin behar ditu bere etxe zaharra, bere eskola eta bere hiria.Gurasoekin, Moonvillera joan behar du bizitzera, basoaren erdian dagoen herri zaharkitu batera. Gainera, kondairaz eta sekretuz beteta dago ingurua.

Nor ote da edonora jarraitzen dion katu misteriotsu hori?

Sorgin baten katua ote da? Egon, egon… eta bera balitz sorgina?!

02/11/2022 | 197

100 kontu ondo ezagutzeko musika

Liburu interesgarri eta entretenigarri honek 100 kontu biltzen ditu musikari buruz jakiteko: landareak lasterrago hazten dira musika entzuten badute; musika-nahasketa bat sortu zuen Nasak extralurtarrentzat; txoririk ederrenak dira abeslaririk kaskarrenak; bi Mozart izan ziren baina batek bakarrik lortu zituen fama eta loria; musikak salba litzake galzorian dauden hizkuntzak; sendagile batzuek armonikak errezetatzen dituzte; igerilari sinkronizatuek hezurretan aditzen dute musika…

Musikaren unibertso liluragarria hobeto ezagutzeko tresna bikaina etxeko gaztetxoei zuzenduta. Eta zergatik ez, musikaren inguruko jakin-mina asetu nahi duten helduentzat ere.