Novedades - Liburutegia

09/08/2021 | 271

"Lehen ikastola nire saloinean" : Argitxu noblia

Argitxu Nobliak Iparraldeko lehen ikastola sortu zuen bere saloian. Zergatik? Nola? Norekin? Bere bidea segituz ikastolaren sorkuntzaren bidean sartuko zara. Ikasiko duzu ibilbide horrek, ordutik gaur arte, euskararen egoera sakonki aldatu duela Iparraldean

09/08/2021 | 364

Eskuan beti zerbait

Liburu honek DK IV. Poesia Saria eskuratu berri du. Lehiaketa hori 35 urtetik beherako gazteei zuzendua dago, eta dagoeneko hasi da fruituak ematen eta ahots berri eta interesgarriak plazaratzen. Ahots horietako bat da Maialen Berasategi. Indartsu dator gasteiztarra, lirika landu eta aldarrikatzaile baten eskutik. Irudimentsu eta iradokitzaile, emakumetasunari eta feminismoari buruzko begirada fresko eta berritzailea dakar. “Begiak ezin altxa eman dituzun garaietan/ez bazeunde legez, normal deritzozu/eskuan beti zerbait eduki behar gorriari/urrutiko agintea, dutxa-sagarra, labana bat/zeozer pisuduna, ez pisutsua/erorita ere istripu huts izango dena eta ez/zanpamendu erabatekoa”.

09/08/2021 | 308

Ene iratxoekin solasean : (Atzera begirako egunkaria, 1990-1998)

«Inoiz ez gaude bakarrik, batzuetan uste dugunaren despit. Ez, eta Crusoe ere ez zen inoiz bakarrik egon: bere mamuak izan zituen lagun hasieran, Ortziral gero. Gizakia gizaki denetik, geure baitako solasak izan ditugu, aberatsak oso, askotan, gure baitako hainbat eta hainbat mamu eta iratxorekin etengabe egiten ditugunak. Zertan eskizofreniko izan gabe, logikarekin, adimenarekin, gauzen ikerketen inguruko prisma, ertz, begi zorrotz eta lausoekin zer-begiraturik duten geure baitako iratxo asaldagarri desberdinak ditugu solaskide. Iratxo asaldagarriak, gure lehen bat-bateko begiraden aurrean gauzak etengabe bertze angelu batetik ikustera garamatzatenak, edo bai behintzat saiatu. Horixe, "Ene iratxoekin solasean emanaldi hau" […]». Horrela hasten da Bixente Serrano Izkok prestatu zuen sarrera, 2020ko ekainean utzi gintuen baino lehentxeago idatzia. Liburua urte horretan argitaratzeko asmoa genuen, baina patua bidean gurutzatu zen. Urtebeteko atzerapenarekin bada ere, hemen duzu, irakurle, egileak hainbesteko mimoarekin prestaturiko lana.

09/08/2021 | 368

Hostoen hezurdura unatua

UREZKO KALIGRAFIA

Izendatu zenidan mundua,
eskutik eraman ninduzun
bidezidor malkartsuetan gora
eta arotzaren arkatz gorria zorroztu zenidan
nirea ez zedin urregorrizko kaligrafia izan,
esku zartatuena baizik,
urezkoa.

09/08/2021 | 294

Hiru gara, baina niri bost

Amaren lana dela eta, Gorkaren familiak urtebete Ameriketako Estatu Batuetan pasatzea erabaki du. Gorka izugarri pozik dago, abentura hau hasteko irrikaz. Eta are gehiago poztuko da eskolako lehen egunean Ben eta Bryan ezagutu eta lagun egiten dituenean. Poztasun hori, ordea, laster desagertuko da Mr. Roberts irakasleak hirukotea begitan hartu eta eskola egunak jasanezinak egiten dizkienean.
Lasai, hala ere, Gorka, Ben eta Bryanek badute-eta plan bat irakasleari aurre egin eta mendeku hartzeko.

09/08/2021 | 348

Unamuno : gizona eta arrazoia

09/08/2021 | 158

Mundua ulertzeko ipuinak

Urte hauetan irakurleek hainbeste eman didazue ezen zorretan sentitzen bainintzen zuekin. Horregatik erabaki dut ni naizenaren parte bat oparitzea zuei.

Hemengo testu hauek moldatu dute nire izateko modua. Antzinako ipuinak dira, ia galduak, eta gaur egungo denboretara egokitu nahi izan ditut.

Egoerak aldatu ditut, pertsonaiak, hizkera... Baina muina, mamia, betikoa da: mundua ulertzen laguntzen digun hori.

09/08/2021 | 239

Beldurrik gabe

«Ezberdina» izateagatik baztertua, Bittor beldurrez bizi da, besteengan pizten duen etsaitasuna dela-eta. Horregatik, Leonen lagun egitean, edozertarako prest egongo da bien arteko adiskidetasunari eusteko.

09/08/2021 | 256

Manchester txikia = La pequeña Manchester : Errenteria, 1845-1903

Argitalpen hau duzue Errenteriaren sorreraren 700. urteurrenaren harira eta urteurreneko ekitaldien baitan Oarso aldizkariak Errenteriako industriaren historiari buruz kaleratzen duen monografiko berezia. Bi urteko lanaren ondorioa da Oarsoren ahalegin hau, memoria berreskuratzeko eta egungo Errenteriari beste begi batzuekin begiratzeko

09/08/2021 | 260

Red Álava 1936-1947 : ekinez osatutako elkartasun sarea = red solidaria y de acción

Inmediatamente después de la caída del Ejercito vasco, del Pacto de Santoña, cuando todo parecía que se había acabado, cuatro mujeres Bittori Etxeberria, Delia Lauroba, Itziar Mujika y Tere Verdes comenzaron a tejer una red de solidaridad con los presos, comunicación entre los dirigentes encarcelados y en el exilio y de información para el Gobierno Vasco y las potencias Aliadas. Esta red, conocida como Red Álava por el apellido del responsable máximo Luis Álava, se extendió por toda Euskadi y puntos importantes de España hasta su caída a finales de 1940. Con la detención de decenas de miembros de la red comenzó otra historia, la del juicio, prisión y, en el caso de Luis Álava, el fusilamiento en Madrid en 1943. Para la elaboración de esta obra se ha utilizado el material publicado hasta la fecha, así como documentación de archivo hasta la fecha inédita como el informe Servicio Interior, redactado por los Servicios de Información del Gobierno vasco donde se detallaban los pormenores de red y cuya incautación por los franquistas permitió la caída de red y enjuiciarla