Novedades - Liburutegia

Euskal biblioteka

13/12/2022 | 153

Amaiur galdezka joan zitzaion amonari: “Zer gertatzen zaio eguzkiari?”. Eta beste azalpenik ez zion eman: “Eguzki amandrea zahartzen hasia da”. Basora abiatu zen orduan erantzun bila, Mariren lurraldera, akerra eta sugea bidelagun. Haien jarraibideei esker, arbasoen eta naturaren jakinduriaz baliatuta, jakin zuen Amaiurrek zer egin eguzkia suspertzeko.
Olentzero-enborra erro sakoneko ipuina da, herri literaturan ernatua, iturri zaharretatik edan eta hitz eta ilustrazio berrietan beste behin loratua.

Euskal biblioteka

13/12/2022 | 184

Marrubizko uda

Maitek askotan pentsatzen du bere familia ez dela normala, etxean ez baitituzte, antza gaua normalak egiten. Oporretan esaterako, bere Berlingo urdinera igo, karabana zahar bati tiraka, herri galdu bateko kanpin batera joate besterik ez zaie gurasoei bururatu. Hori gutxi balitz, aita eta ama, iritsi orduko, txakurra eta katua bezala hasi dira. Banatzekotan daude. Maite halabeharrez dago gogotxartuta. Ustekabean, ordea, lagunak egingo ditu, eta bere egoera ez zaio horren aldrabesa irudituko.

Euskal biblioteka

12/12/2022 | 219

La Belle

Elkar ezagutu zuten eguna gogoan du Daniellek. Eskolatik bueltan zetorren, goseak amorratzen eta ezezagun bat aurkitu zuen etxeko barrunbean. Ateari bultza egin eta hantxe ikusi zuen, ia sorbaldaraino iristen zitzaion oihalezko maleta bati tiraka. Haur potzolo bat zela pentsatu zuen hasirean, baina, itzuli, eta frantsesez agurtu zuen: Bonjour, mademoiselle!.
Daniellek, artean, uste zuen pertsona txikiak derrigor zirela umeak. Baina parean zeukana agure bat zela ulertu zuenean, Alehop!, sekulako ezustea hartu zuen. Daniellen bizilagun berria Doro zen, baina zirkuan La Belle esaten zioten.

Euskal biblioteka

12/12/2022 | 150

Marlene eta taxizapata

Abeslari famatua izandako kateme bat da Marlene, eta munduko bazterrak ikusten jarraitu nahi du. Z’Apa Tapatapa, berriz, taxizapata bat da, gau batean Marlenem ezagutuko duena, eta egundoko abenturak biziko dituzte elkarrekin.

Hori guztia Kale Izengabean gertatzen da, ilargia dutela lekuko bakarra.

Euskal biblioteka

12/12/2022 | 245

Desberdinen kluba

Martin, Edwige, Erwan eta Fredek bazekiten egunen batean gertatuko zela… Eta hara non lauren arteko adeitsuena jipoitu duten kalean. Nork? Zergatik? Bidegabekeria horrek barru-barrutik ukitu ditu eta, amorruak bultzatuta, neurriak hartu dituzte, neurri benetan bitxiak.

Euskal biblioteka

12/12/2022 | 166

Nur eta espazio-ontzia

Aititak etxeko beira-arasan daukan bilduman, tamaina eta kolore guztietako maskorrez gain, marrazo-hortzak, itsas zaldiak eta itsas izarrak daude, baita itsas barraskilo handi eta txiki batzuk ere. Nurrek begiz jota dauka horietako bat: shunti bat omen da, Chiapaseko (Mexiko) ibaietako barraskilo bat, amamak esan dioenez. Nurrek ez daki ezer toki horretaz, baina berehala hasi da ikertzen, Aroa, Ane eta Adur lagunekin batera. Eta ez bat eta ez bi, elkarrekin abentura bat –beste bat!– hastea erabaki dute.

Euskal biblioteka

12/12/2022 | 194

Andrés Espinosa : bakarrik eta libre

Gizon bat garaiari aurreratua. Urrats harrigarriak eman zituen aitzindari bat. Heroi ezpalik gabeko erraldoia. Horrelakoa izan zen Andres Espinosa. 1931. urtean, Alpeetara joatea ere berealdiko erronka zenean, Kangchenjungara abiatu zen bera, Himalaia handira. Aurrez, Mont Blanc eta Cervino igo zituen, baita Kilimanjaro ere, hirurak bakar-bakarrik, aurrez beste inork ez bezala. 1936-39ko gerrak eten zuen mendizale zornotzarraren ibilbidea, eta ez zen gehiago bakarrik eta libre ibili zen mendi handi haietara itzuli. Neurri handi batean, haren urratsetan idatzi du historia herri mendizale honek.

Euskal biblioteka

12/12/2022 | 159

Lyrica garaia

Bilboko Afrika Txikira itzuli da Toure. Sa Kenegatik kezkatuta dago, Madrilen bisita egin zionean gorputzean markak eta beltzuneak igarri baitzizkion. Gure sasidetektibea argitzen saiatuko da bere amorante lagunari zer gertatzen ari zaion, bidean oztopoak aurkituko baditu ere, eta min ematen duten egiak.

Euskal biblioteka

12/12/2022 | 236

Winesburg, Ohio

Amerikako Estatu Batuetako Ohion kokatzen du Sherwood Andersonek Winesburg herrixka. Hogeita bat istorio laburretan aletzen ditu bertako biztanleen nahi eta ezinak, elkar korapilaturiko bizitzak, XIX. mendeko Ipar Amerikako landa aldeko memoria emozional bat osatzeraino, industrializazioaren ufada gotorrak betirako desagerrarazi baino lehen

Euskal biblioteka

12/12/2022 | 226

Haragizko mamuak

Guraso zaharren ezintasuna nola-hala daraman semea, bere bizitza noragabea zuzentzeko asmoz bikote-zita batera jotzen duen norbait, etxeko jaun-andreen gustuak bete behar dituen neskame etorkina, ama izatea lortzeko gorriak ikusteko prest dagoen emakume ez haiz gaztea... Hezur-haragizkoak dira istorio hauetako pertsonaiak, ukigarriak haien arazoak, zinezkoak haien minak. Baina, aldi berean, badute mamuzko zerbait ere, alderdi ezkutu, lauso, atzemanezin bat.