Niagarako ur-jauzietako hotel batean lapurreta egin dute: Ratmusque Kanadako lapur ezagunak opera kantari baten kutxa gotorra ireki du eta izugarrizko balioa duten bitxiak lapurtu ditu.

Asylum Javier de Isusik CEAR-Euskadirentzat egindako komikia da, Gernika Gogoratuz Fundazioarekin lankidetzan.

Marina, 94 urterekin, oroitzen da Otxandiotik Bartzelonara, Bartzelonatik Frantziara, eta Frantziarik Venezuelara egin zuen bideaz. Erbeste hark bat egiten du Sanza, Aina, Chris eta Imeldaren erbesteekin, ihesi doazelarik gerratik eta indarkeriatik, ezkontza behartuetatik, sexu-esplotaziorako salduak izatetik, homofobiatik eta feminizidiotik.
Javier de Isusik erbestearen berri ematen digu orrialde hauetan,bere artearekin. Aurrez aurre jartzen dizkigu atzo eta gaur bidean aurrera joan behar duten pertsonak, bizirik eta onik jarraituko badute, duintasunez bizitzeko leku baten bila. Pertsona horiek ihesi doaz, bai, baina indarkeriari aurre egiteaz gain, eusteko eta zutitzeko dugun gaitasuna ere erakusten diote munduari.

Hilerria okupatzeko deia egiten duen txabola auzoko buruzagi zapuztua, ihesi doakion biziari esku eskuinaz ozta heltzen dion bulegari koitadua, bere lorategian agertu den esku ebakiaren jabearen bila dabilen etxejabe aberatsa, bere marrazkiekin herritarren debozioa pizten duen orratzain gutxietsia, familiaren borondatearen kontra ilargirako bidaia prestatzen diharduen senar goranahia… Horiek eta horrelakoak dira, besteak beste, ipuinotako protagonistak: onberak, fidakorrak, etsi onekoak, erdipurdikoak gehienak; bizimodu arrunteko jende arrunta, halako batean egunerokotasunaren arruntasuna urratzen duen gertaera ezohiko edo ustekabekoren bati aurre egin beharrean suertatzen dena. Eta horiek eta horrelakoak ipuin antologia honetako istorioak, errealitateari ertz berriak ateratzen dizkioten kontakizunak, umore eta ironiaz albainduak, muturrekoak, muturreko egoeran ezagutzen baita ondoen giza izatearen muina.

Eskuliburu hau Euskal Herriko Unibertsitateko Medikuntza eta Erizain- tza Fakultateak ematen duen Etika Mediko-ko apunteen bilduma bat da. Ber- tan Bioetikako ezagutza zati bat jasotzen da, hain zuzen, Boloniako Planak Europa Batasuneko Goi-Mailako ikasketetarako europar esparrura egokitzea xede duen proiektuaren ondorioz derrigorrezko bihurtu den ikasgai honen materia.

Helburu nagusia ikasleek eskuliburu bat izatea da, Unibertsitateko bi hizkuntza ofizialetan, praktika klinikoaren egokitasunaz beharrezko diren ezagutzak jaso eta hoietaz pentsatu dezaten.

Eskuliburuaren antolaketak Bioetika klinikoaren estruktura bera mantentzen du, modu egoki batean, lehen hurbilketa bat egin dezaten: bioetikaren historia, oinarrizko planteamenduak eta metodologia, asistentziazko harremanetako etika, bizitzaren hasieraren alderdi etikoak, bizitzaren amaieraren alderdi etikoak eta, azkenik, gizakiekiko ikerketaren alderdi etikoak.

Argitalpen honen bidez, modu erraz, praktiko eta profesionalean ezagutarazi nahi da Bizkaiko Osasun Mentaleko Sareko (BOMS) Osasun Mentaleko Zentroetan (OMZ) adikzioen alorreko psikiatrek egiten duten lana.

Bizitzaren denboraren trinitatea hausterakoan, iragana-oraina-etorkizuna, hemen eta orainaren erreinuan sartzen zara. Egonean egoten, agertzen dena on hartzen berbak sortzen dira. Orduan mugimendua hasten da eta eskuak orrietara doaz. Boligrafoa eskuan dantzan. Mariametsetan.

Zer gertatzen da mutil batek eta neska batek izen bera dutenean?Sidney Fletcher amarekin Oak Grovera bizitzera joan zenean, gauza bitxiak gertatzen hasi ziren Sydney Greeneren bizitzan. Sydneyk eta mutil batek izen bera dute, eta gainera, klase berean daude! Lehenengo eskola-eguneko gaizkiulertuen eta Halloween eguneko gorabeheren artean, Sidney eta Sydney azkar bihurtuko dira lagunak eta izenaz gain beste gauza asko ere komunean dituztela ikusiko dute.Nork dio mutilak eta neskak ez direla ongi konpontzen?

Zer gertatzen da mutil batek eta neska batek izen bera dutenean?Sidneyk eta Sydneyk lehenengo eskola-eguna gainditu dute, Halloween eguneko hondamendiak ekidin dituzte, eta mutilak eta neskak lagunak izan daitezkeela frogatu dute. Beste guztia erraza izango da, ezta? Baita zera ere!Zelai errean jokatzean nahiz eskolako antzezlanean, bi lagun hauek asko ikasi beharko dute!

Finzi-Continitarrek, Ferrarako juduen arteko familia aberatsenak, halako lilura bat sortzen diote nobelako protagonista eta narratzaile gazteari: ez bakarrik haien etxe erraldoiagatik, bizimodu isolatuagatik, cultura zabalagatik, jarrera aristokratikoagatik; horrez gain, lagun egin nahi lituzke familiako seme-alabak: adinkide duen Alberto eta, batez ere, haren arreba Micòl, eder bezain urruna. Mussolinik, Hitlerrengana hubiltzeko, Italiako juduen kontra ezarritako lege arrazialek sortuko dute ustekabeko aukera: hiriko tenis elkartean jokatzea debekatua dutela-eta, beren lorategiko tenis-zelaira gonbidatzen dituzte Finzi-Continitarrek komunitateko kideak. Kontalaria eta Micòl adiskide min bihurtuko dira, amodio mindu eta mingarri bat ere sortuko da bietako batengan, baina lotsak, diferentzia sozialak ala patu historikoak ezinezkoa egingo dute harremana. Dotorezia eta sentiberatasuna darizkion eleberri miresgarria dugu hau, betiko joandako garai baten malenkoniaz eta historiaren krudelak suntsitutako lagunenganako elegia-doinuz idatzia.

Beren lagunen aholkuei jarraituz, Benek eta Ninak euren motxilak gogotik prestatzen dituzte Indiara abiatu aurretik: sabeleko minarentzako pilulak, ber-hidratazio gatzak, bakterioen kontrako xaboia… Uste dute ez dutela ezer ahaztu opor egun on batzuk igarotzeko. Baina ez dira ohartu Maharajaen, tenpluen eta behi sakratuen herrian, beti gertatzen direla ezustekoak… Adibidez, guru batek eta bere kideek maisu espiritual batekin nahasten zaituztela! Taj Mahal ospetsutik, Rajastandik igaroz eta Goako hondartzetaraino, hogeita hamar urteko bikote gazteak ez dio harritzeari utziko…