Segada madarikatu hartan hiru lagun hiltzen ikusi izanaren gainetik, baita telefonoz egindako mehatxuaren edo Martinek eragindako oinazearen gainetik ere, Kilopondioren malko itoek zulatu zioten barrena Larraitzi. Udako oporrak amaituta, Nizako aldiriak uzteko garaia iritsi zaionean, distantziaren aitzakian bazterrera utzitako gai horiei denei heldu beharko die, baldin eta aurrera egingo badu. Oroitzapenek jarriko dute egiara bidean, eta etxera iritsitakoan egingo dituen peskizek puzzlearen azken pieza aurkitzen lagunduko diote.

Korapilo berri bat ere badu askatzeko, bere amaren sekreturik gordeenetako bat deskubrituko baitu Amatxiri eta bere zahartzaroko dementziari esker.
 

“Lekukoa” trilogia:

1- Sasieskola
2- Mehatxua
3- Esanezinak

1961 - Joseph Aljeriatik itzuli da

Armadan izena emanagatik ere, herriko bizilagunen begietara Joseph ez da bulegaria besterik, bere burua idazmahai baten atzean ezkutatu eta borrokatokia saihestu duen soldadua. Eta, batez ere, koldar hutsa da, armadari esker etxaldeko lan gogorrari ihes gin baitzion. Inork ez dio barkatu familia bakarrik utzi izana, are gutxiago anaia gurpil-aulkiari lotuta dagoenetik, Joseph kanpoan zela traktorean istripua izan eta gero. Nekazari izen oneko bat zena, Joseph, paria hutsa da orain. Gaitz erdi, herriaren ohorea salbu da: tabernariaren semea bai, Aljerian borrokatzen ari da. Baina hura gerratik itzultzean, eta Josephen sekretua herritarrei kontatzean, egia ikaragarria jakingo dute denek...

Joe Cocker itsusia zen oso, ez zekien musika tresnarik jotzen eta, txikitatik, besteen kantak imitatzen ziharduen itxura eginez, baina Woodstock jaialdian Beatlesen "With a Little Help from My Friends" abestu zuenetik garai bateko musika ikur bihurtu zen. Poesiak zatarraren edertasuna erakusten digu, askotan besteen testuek akuilaturik eta zaharra den mintzaira berrituz. Poeta adiskide bati "Hain zara eder" testuak erakutsi nizkionean hura zer ote zen berak ez zekiela esan zidan. Andoni Tolosa lagunari helarazi nizkionean, berriz, haiek kantuak zirela argitu zigun. Joe Cockerek bezala, idatzitakoak zer ziren jakin gabe ere, maketsa zena birmoldatuz eta ederretsiz, adiskidetu nintzen neure buruarekin eta bizitutako sasoia berreskuratu nuen lagunekin partekatu ahal izateko. Hain zara eder... Joe Cocker.

Izotzetan islatuak 24 idazle euskaldun gazteren testuen bilduma da. Liburu hau aniztasunaren eredugarri da, bilduman zehar erabilitako euskalki desberdinak direla medio alde batetik. Baina baita idazle gazteek lantzen dituzten genero literario eta gaiei dagokienean ere. Euskal Herriko txoko desberdinetako egileek hartu dute parte liburuan. Batzuek hau dute literatura argitaratzen duten lehen aldia. Zenbaitek idazle ibilbidea sendo hasia dute honezkero. Denak dira egungo euskal literaturaren erakusgai. Editore lanak Leire Alonso Allué eta Iosune de Goñi Garcíak burutu dituzte.

Mendi-gida honek Gipuzkoako basoen eta basoko landareen informazio ugari du. Mendiko gidetan ohikoa ez den arren, garrantzia bera eman diegu landareei eta basoei; izan ere, landareak ez dira era isolatuan hazten, eta beraz, landare horien testuinguruan -basoan- ere jarri dugu azpimarra. Horrela, irakurleak Gipuzkoako landareak identifikatzen ikasteaz gain, bertako baso-paisaiak interpretatzen ere ikasiko du.

Liburu honekin, sorreran parte hartu dugunon ametsa egia bilakatu da. Gure basoak altxor sentitzen ditugu eta orain, liburu hau zure altxorra ere bada. Basoak zuen amets bihurtzea ere nahi dugu.