"Liburu honetan, Antzinaro Klasikoko hamaika mendeetan zehar guregana iritsi diren emakumeen testu eta testigantzak biltzen dira, Safotik hasi eta Fabia Akonia Paulinaraino, hogeita lau poetandre guztira. Bi hizkuntzatatik jasotako poemen itzulpenak daude, jatorriz grekoz zein latinez ondutakoak, hain zuzen. Bestalde, ez dira antologia honetan agertzen garai hartakoak bai, baina gai edo interes aldetik Antzinate Klasikoko benetako zentzutik urruntzen diren emakume sortzaileak, hainbat kristau poeta, esaterako.

Etimologiaren afera ez dagokio soilik hizkuntza erromantzeari. Grekoz ere ποιητής (poietés) hitzaren generoa maskulinoa da. Agian, beharrak jota edo, horregatik asmatu behar izan zuen gaztelaniak poetisa termino eztabaidagarria poesia idazten duten emakumeak izendatzeko. Hitzekin eta hitzez sortzen duten pertsonak daude, ποίησις (poíesis) egiten dutenak, sortu edo ontzen dutenak, guztiak pertsonak. Hortaz, bereizten hasita, emakume sortzaileak gazteleraz poetisa edo frantsesez poétesse izendapena hartzen badu, zilegi da hitzaren kreatzaile gizonezkoak jatorrizko hitzaren izendatzea bereganatzea. Sortzaile guztiak pertsonak direlako.

2020ko martxoa.

Usuek azkenean aurkitu du komunikatzeko eta hausnartzeko modurik onena: marrazkia.

Ura leporaino kontakizun grafiko-autobiografiko bat da, konfinamendu garaian eta ondoren, —elkarrizketak antigenoei buruz hitz egitera mugatzen zirenean—, bere eguneroko sentimendu eta gogoetak islatzen dituena; batzuetan frustrazioarekin, beste batzuetan umorearekin, beste batzuetan fantasiazko baliabideekin...

Garai historiko etsigarria eta nekagarria izan den arren, Usueri zer pentsatua eman dio. Trebezia sozial miresgarriak dituelako (eskolaurreko irakasleak hala esaten zuen), erraz egiten ditu lagunak. Chavela Vargas, Henry Purcell, Nacho Vegas, Virginia Woolf... izango dira bere itxialdiko kuadrilla berria.

 Xabi gaztea bat batean esnatu da bere gelan, eta Zermin, Otili, Katixa eta Addi izeneko lau galtzagorri agertzen dira bere gelan batetik bestera eta bere gelako gauzekin jolasean. Xabiri gustuko duena galdetzen diote, eta honek idaztea gustuko duela esaten die. Galtzagorriek orduan, berarentzako hiru kontakizun asmatzea erabakitzen dute, berak lo egiten duen bitartean idatziko dituztenak. Esantzeak Xabik kontakizun horiek irakurri eta sekulako gozamena hartuko du, bai eta hiru kontakizun horiekin liburu bat sortu: Galtzagorriak dabiltza etxean.

Sustatzen diren balioak: Fantasia, irudimena, galtzagorriak, alegiak, familia arteko harremana, hitz jokoak, naturarekiko maitasuna, ezberdinarekiko errespetua, norberaren bidea aurkitzea, umorea, enpatia.

Itsasontziei eta itsasketari buruz dakidan guztia Lanbro Floaterrek erakutsi zidan. Hari zor diot, neurri handi batean, pirata bihurtu izana. Tira, hari, eta uretako biztanleei. Eta txikitan irakurtzen nuen azal gorriko liburuari. Orain, abiatzeko eguna iritsi zaidan honetan, korapiloa sentitzen dut urdailean. Hala ere, amaierako puntua abiapuntu ere izaten da, askotan. Nola begiratzen zaion. 

Kontakizun honetan azaltzen da nola, batzuetan, pertsonek, izan pirata nahiz ez, bat egiten duten eta sostengua ematen dioten elkarri, sortzeraino sare egoskor, sendo eta irmo bat, eta nola ni, Oona Langstrump, egin nintzen pirata.

«HAREN AMAIERA ZURE HASIERA DA.»

Amanda Blackek hamahiru urte bete dituen egunean eskutitz misteriotsu bat jaso du, bizitza aldatuko diona. Eta ez dakizu noraino. Izeba Paula eta Amanda miseria gorrian bizitzetik laberinto moduko mansio erraldoi batera bizitzera joango dira, Black familiaren antzinako ondasuna den mansiora.

Hori aski ez eta Amanda gaitasun harrigarriak garatzen hasiko da, eta deskubrituko du berehalakoan hasi beharko duela entrenatzen, Blacktarren oinordekotza sekretu, zirraragarri eta arriskutsuaren lekukoa hartu behar duelako.

Egoerak eskatzen duen neurrian jokatuko al du Amandak?Bere gurasoek eta Black familiako arbasoek gordetako oinordekotza babesteko eta iraunarazteko gai izango ote da?

LIBURU HAU DESBERDINA DA.
Istorio honetan gertatuko dena ZURE eskuetan dago.
ZU zara protagonista.

Arriskuak, dilemak, eta abenturak aurkituko dituzu. Erabakiak hartu beharko dituzu eta enigmak ebatzi. Zure gaitasunak eta adimena erabili beharko dituzu. Erabaki txar batek hondamendia eragin lezake… eta heriotza ere bai!

Baina ez etsi. Edozein unetan egin dezakezu atzera eta beste aukera bat hautatu, zure istorioaren ibilbidea aldatu dezakezu.

Murgildu zaitez 7G udalekuen zirraran… Agian lagun berriak egingo dituzu, maitemindu egingo zara, agian zure bizitzako oporrik onenak izango dira; edo agian ez, agian ezingo duzu etxera itzuli, agian ezingo duzu inoiz han egon zinenik kontatu.

Ausartuko zara?
Gertatzen dena gertatzen dela ere,
ZORTE ON!