Novedades - Liburutegia

22/02/2023 | 286

Viteritarrak : hiru belaunaldi medikuntzan

Liburua Antxon Narbaiza Azkue idazleak idatzi du eta Isaac, Javier eta Alberto Saénz de Viteri medikuek egindako ibilbidea dakar. Isaac Etxalarren hasi zen lanean XX. mendearen hasieran, gero Eibarrera etorri zen lanera, mediku titular plaza aterata eta hainbat urte jardun zuen familia-mediku legez; haren semeak, Javierrek, urte asko eman zituen Alfan, enpresa-medikuntzan eta, sasoi hartan ohikoa ez zena, laneko prebentzioaren alorrean lan handia egin zuen 50-60 hamarkadetan. Azkenik, Alberto Saénz de Viteri dugu, laneko medikuntzan espezializatutako medikua, duela gutxi erretiratua. Hiru mediku, hirurak ospe eta onespen handikoak egin zuten lanagatik.

22/02/2023 | 291

Lege zaharrean : lanbideak galzorian

Lanbide tradizionalak ardatz dituen argazki-liburua. Egileak 26 lanbideren berri ematen du eta irakurleak honako lanbide hauek aurkituko ditu besteak beste: arotzeria, uztarrigintza, zahatogintza, denda tradizionalak edo ontzigintza.

22/02/2023 | 300

Eraldeak : Donostiako inauteriak XIX. mendean : istorioak, eraldeak, bertsoak, poesiak eta musikak

Donostiako XIX. mendeko inauterien historia kontatzen da liburuan, konpartsak eta kabalgatak deskribatzen dira eta bertsoak eta olerkiak transkribatzen dira. Irakurtzeko baina entzuteko liburu bat; jaia ezagutzeko, baina, batez ere, hobeto gozatzeko Gainera, liburuan argitaratzen diren partiturak entzuteko aukera eskaintzen du QR sistemaren bidez.

22/02/2023 | 272

Legazpi eta Urdaneta : itzulbide bila

XVI. mendean bi herrialde baino ez ziren gai Asiaraino nabegatzeko: Portugal eta Espainia. Lehengoak bere ibilbidetik egin behar zuen, Afrikatik. Beti ekialdeantz. Espainiak, aldiz, Amerikan zehar ekin behar zion bidaiari. Beti mendebalderantz. Horrek Ozeano Bare arriskutsua zeharkatzea zekarren. Ozeano Bare erraldoi horretan, haize eta korronteek Asiara itzularazten zituzten espainiarrak, eta itsasontziek ez zuten lortzen joan-etorria arrakastaz borobiltzea. Ezinezkoa Espainiako Amerikara itzultzea! Itzulera bidaia horri tornaviaje deitu zitzaion gaztelaniaz, eta Espainiako nabigazioarentzat erronka bat zen, gainditu ezin zuena. Orduan, Felipe II.ak, irrikan Asiarekin merkataritza seguru bat izateko, Andres de Urdanetari eskatu zion itzulera bidaiarako ibilbide bat aurkitzeko. Eta historia, bat-batean, aldatu egin zen.

22/02/2023 | 190

Latinari zaunka!

Idefix eta menderakaitzak telebista-serieko atalak egokituta sortutako hiru istorio

22/02/2023 | 169

Rosa Valverde eta kutxak : traste arrunten barruan zuk zer ikusten duzu?

Traste arrunten barruan zuk zer ikusten duzu? album ilustratua Maialen Lujanbio Zugasti eta Arrate Rodriguez Martinen elkarlanetik sortutako proposamena da. Rosa Valverderen artelanetatik abiatuta, liburuaren helburua artistaren lana ezagutaraztea da, sormena pizten duen joko artistiko baten bitartez. Valverde pinturan ere ibili zen arren, album honek kutxen bitartez sortutako lanari eskaintzen dio arreta.

21/02/2023 | 215

Zeozer gaizki doa

Hemendik ez ditut
erretzen diren basamortuak
ikusten
ezta jada sutan dauden
erromero sortak
hemen
landa-tximiniaren usaina daukan
kandela bat pizten dut gauean
hemendik
hegazkinak aireratzen ikusten ditut
eta berriro irekitzen diren dendak
hemendik ez ditut
erretzen diren basamortuak
ikusten
ezta jada sutan dauden
erromero sortak.

21/02/2023 | 177

Aiako Harria parke naturala eta Jaizkibel

Liburu honek Mapas Pirenaicos sortako Aiako Harria y Jaizkibel(2018) liburukiko edukiak gaurkotu eta osatu ditu. Orotara, hogeita sei ibilbide proposatzen ditu baso, gailur, sakan eta itsaso gainean eskegitako haranetan barrena. Proposamen horien artean denetarik dago, hala edonork egiteko moduko txango errazak nola mendi-igoera neketsuak. Batzuek zein besteek ezinbestean ikusi beharreko lekuetara eramango gaituzte, dela paisaiaren eta naturaren ederraz gozatzera, dela ondare historikoa ezagutzera.

21/02/2023 | 280

Elsa eta paradisua

Elsak bost urte zituenean entzun zuen lehen aldiz hitz hau: pa-ra-di-su. Gustatu egin zitzaion. Bost segundo baino ez zituen behar izan zer esan nahi zuen galdetzeko. Hala ere, inork ez zion erantzunik eman…
Uda batean, baina, dama bitxi bat agertu zen Elsa eta familia oporrak pasatzen ari ziren landetxean. Ordurako, hamar urte zituen Elsak. Orkatila bihurritu bat ere bazuen, eta, ezin zenez ibili, emakume xelebre hark paradisuari buruz kontatzen ziona entzutera jarri zen. Gainera, nebekin zuen arazo kezkagarria konpontzen lagundu zion horrek.

21/02/2023 | 259

Alaska

Alaska garai batean Altsasun egon zen jatetxe bat izan zen, bidaiariz eta turistaz betea egoten zena, Bernardo Atxagak bere liburuetako batean aipatu zuena. Amerikak bere ipar muturrean Siberiarekin bat egiten duen lurralde hotz hartan egin zuen jabeak nahikoa diru jatetxe hura muntatu eta, ondoren, Etzegaraten hotel handi eta elegante bat egiteko, igerilekua zuena, gaur egun abandonatuta dagoena. Maiz idatzi da desamodioaz eta abandonuaz, baina gutxiago tokiekin lotzen gaituzten hari ikusezinez, tokien dolua nola egin ez dakigula. Izan ere, geure bizia, geure puskak, berriz ikusiko ez dugun jendearengan uzten ditugu, berriz egongo ez garen tokietan. Eta denok dugu Alaska bat geure baitan. Denok dugu geure oroitzapenetara kateatutako tokiren bat, osorik edo erdizka gogoratzen duguna. Maite izan genuen norbait, egun non dagoen ez dakiguna. Geure bizia, geure puskak, berriz ikusiko ez dugun jendearengan uzten ditugu. Horregatik da bizitzea da, labur esanda, maite gaituztenak galtzea eta berriz bilatzea. Izan ere, maite gaituztenean sentitzen gara indartsuen, indartsu gaudenean baino gehiago. Baina euria ustekabean etortzen da, bizitzako pertsona interesgarriak bezala. Eta ezin da ezer egin euria eteteko. Gisa berean, ezin da ezer egin abandonatuko zaituela erabaki duena geldiarazteko. Maite izan ditugun pertsona zein tokiei lotuta dauden abandonuaz, galeraz eta doluaz idatzi du Castillo Suarezek. 20 urte baino gehiagoko bere ibilbide literarioan, aurreko Irautera atera zenetik lau urtera, beste ale bat ekartzera, beste mugarri bat jartzera dator poeta, indar handiko irudi eta ideiak biltzen dituena, irakurlea bere baitan miatzen jarriko duena.