Neure Jugoslavia : hain ulertu gabea

Bai, jugonostalgikoak gara, hain bakarra zen herrialde hori oroitzen dugu, sobietarren hegemoniari aurre egin izan ziona, autogestioaren bidez bere bidea egin zuena sozialismorantz, Lerrokatu gabeko herrialdeen buru izan zena, kultur eta kirol erreferentzia izan zena mundo osoan. kapitalismorako trantsizioa, eslovenian izan ezik, ez da izan erraza Jugoslavia apurtu ostean sortu ziren herrialdeentzat. Hein batean, horrek eragin du populaziaren zati batek iraganera begira jarri izana, gadutakoa deituratuz eta sasoi zaharrak gogoratuz. Izan ere, sasoi haietan gauzak xamurragoak ziren, zoriontsuagoak, bai, Estatu sozialistak jendearen gehiengorentzat ziurtasun batzuk bermatzen zituelako. Eta hori izan da Europako gune zoragarri horretara egin ditugun bidaietan sentitu duguna. Jugonostalgiak eremu politikoan ibilbidea du oraindik egiteko, ezin ditu bakarrik kritikatu oraingo agintariak Jugoslaviaren irudi idealizatu batean iltzatuta. Berrinterpretatu behar du diskurtso komunista eta egundo egoerara egokitu. Baina kulturaren eta oroimenaren alorretan ibilbide handia du egina sortutako Estatu berrietan, Kroazia salbu. Izan ere, interes handia pizten dute sasi jugoslaviarreko musikak, literaturak, arkitekturak, kulturak, gastronomiak edo jaialdiek. Eta fenomeno hau indarrez sartu da Jugoslavia ezagutu ez zutenen artean, gazteen artean