Izotz ondoko eguzki : Bergarako euskararen historia soziala (1940-1980)

Liburu honek gerraostean Bergarako euskal kultur mugimendua nolakoa izan zen azaltzen du. Idoia Etxeberria Badihardugu elkarteko kideak Bergarako Udalaren enkarguz 1940tik 1980ra euskararen alde egindako lana jaso du Euskararen Historia Soziala Bergaran proiektuaren baitan.

Liburuan euskararen biziberritzearekin zerikusia duten gaiak jorratzen dira: euskarazko irakaskuntza, euskalduntzea eta alfabetatzea, UNEDeko euskal sailaren ikastaroak, antzerkia, musika taldeak, bertsolaritza, dantza, kultur elkarteen lana, haurren euskarazko aisialdia... Helburua herriko euskal kulturaren ibilbidea jaso eta zabaltzea da, baita protagonistak aintzat hartzea ere.