Txori Gorri : andre siux baten idazlanak

Zortzi urteko neskato hura txoriak bezain aske bizi zen Dakotako ordokietan. Horregatik jarri bide zion amak Zitkala-Sa izena, Txori Gorri, alegia. Baina orduan, beste ume siux asko bezala, barnetegi eskola batera bidali zuten, non bere hizkuntzaz, kulturaz eta bizimoduaz gabetu zuten, eta haien ordez jende azal zurienak bortxaz ezarri.

Geroztik, Zitkala-Sak hainbat kontakizun eta ipuin idatzi zuen, Siux herriak pairatutako menderakuntza salatzeko eta bere kultura ondarea ezagutarazteko. Liburu honetan haietako esanguratsuenak bildu ditugu. Eta Aitor Estebanek idatzi duen hitzaurreak herri honen historia eta egungo egoera ulertzeko gako interesgarriak ematen dizkigu.