Natasha

Natashak 18 urte ditu. Hirira iritsi berria da unibertsitatean ikasketak hasteko asmoz. Elenarekin eta Anerekin partekatuko du pisua. Herritik urrun eta lagun berriar tarteko, Natashak erronkaz beteriko bizitza berri bat topatuko du: elkarbizitza, ikasketak, taberna bateko lana, hondartza nudistako bainuak, gaueko irteerak, eta beste. Baina, egun batean, iraganeko gertakizun batek oraina irauliko du; izan ere, urte eta erdi lehenago, Natasha eduki sexualeko bideo batean agertu zen. Bideoan bera eta herriko bi mutil ikusten dira drogak eta alkohola kontsumitzen eta sexu harremanak izaten. Bideo hori berehala zabaldu zen, eta herriko jendea hunkitu egin zuen. Horren ondorioz, Natashak esamesak eta mespretxua jasan behar izan zituen, eta, azkenik, institutua utzi behar izan zuen.