Barne iraultzen loraldia

Ez zen batere aukera erraza izan 1969. urtean euskaraz idatzi nahi zuten idazleentzat gure hizkuntzan idaztea: hizkuntza idatzia bezala gutxi landua, euskalki askotan zatitua, idazleak berak euskaraz eskolatu gabeak, euskara gorrotatzen zuen diktadura baten menpean. Garai horietan Euskal Herrian argitaratzen ziren egunkari edo astekarietan, elkarlanetan aritu zen maiz Amaia Lasa: Zeruko Argia, Anaitasuna. Geroago: Argia, Egin, Egunkaria, Berria... Liburu honetan urteetan zehar idatzitako iritzi, hausnarketa, pentsaerak bildu ditugu.