Literaturaren Pasaia

Historian zehar Pasaiari buruz idatzitakoetatik hasita, Victor Hugok utzitako arrastoa ahaztu gabe, gaur egun Hugoenea Idazlearen Etxetik pasa diren autoreetaraino bildu dituzte LITERATURAREN PASAIA lanean.
Liburuaren lehen zatian liburuaren egile lantaldeak Pasaiari buruz idatzitako XIX. mendeko pasarteak bildu ditu, hiru hizkuntzatan eta argazki originalekin; garai hartan idatzitakoa egungoarekin alderatuz. Bigarren zatian Hugo Enean aterpe hartu duten hainbat idazleren lanen zatiak bildu dituzte. Lanaren bigarren zati honetan Euskal Idazleen Elkartearen laguntza nabarmentzekoa da.